ସ୍ୱିଡେନର ପ୍ରଥମ ମହିଳା ପ୍ରଧାନମନ୍ତ୍ରୀ ହେବାର ମାତ୍ର କିଛି ଘଣ୍ଟାରେ ଗଲା ପଦବୀ, ଜାଣନ୍ତୁ କଣ ରହିଛି କାରଣ

ସ୍କଟହୋମ୍: ପ୍ରଧାନମନ୍ତ୍ରୀ ହେବାର ମାତ୍ର କିଛି ଘଣ୍ଟା ପରେ ହିଁ ପଦବୀରୁ ଇସ୍ତଫା ଦେଲେ ସ୍ୱିଡେନର ପ୍ରଥମ ମହିଳା ପ୍ରଧାନମନ୍ତ୍ରୀ ମେଗଡାଲେନା ଆଣ୍ଡରସନ୍ । ସଂସଦରେ ବଜେଟ୍ ପ୍ରସ୍ତାବରେ ଆଣ୍ଡରସନ୍ ସରକାରଙ୍କୁ ପରାଜୟର ସାମନାକୁ କରିବାକୁ ପଡ଼ିଲା । ଏହାପରେ ଦୁଇଦଳ ବିଶିଷ୍ଟ ତାଙ୍କ ଅଳ୍ପସଂଖ୍ୟକ ସରକାର ଅଲଗା ହୋଇଗଲା । ମେଗଡାଲେନାଙ୍କୁ ବୁଧବାର ଦିନ ହିଁ ସୋଶାଲ୍ ଡେମୋକ୍ରେଟିକ୍ ପାର୍ଟିର ନୁତନ ନେତ୍ରୀ ଭାବରେ ବଛାଯାଇଥିଲା । ସେ ସ୍ଟିଫେନ୍ ଲୋଫଭେନ୍ ଙ୍କ ସ୍ଥାନରେ ପ୍ରଧାନମନ୍ତ୍ରୀ ହୋଇଥିଲେ । ସ୍ଟିଫେନ୍ ଚଳିତ ବର୍ଷ ଆରମ୍ଭରୁ ହିଁ ପ୍ରଧାନମନ୍ତ୍ରୀ ପଦବୀରୁ ଇସ୍ତଫା ଦେଇଥିଲେ । ତେବେ ଆଣ୍ଡରସନ୍ ଏହା ପୂର୍ବରୁ ଅର୍ଥମନ୍ତ୍ରୀ ଥିଲେ ।

ପ୍ରେସ କନଫରେନ୍ସରେ ମେଗଡାଲେନା ଆଣ୍ଡରସନ୍ କହିଛନ୍ତି ଯେ, ପ୍ରଧାନମନ୍ତ୍ରୀ ହେବା ତାଙ୍କ ପାଇଁ ସମ୍ମାନର କଥା । ହେଲେ ଏପରି ସରକାରର ନେତୃତ୍ୱ ମୁଁ କରିବାକୁ ଚାହୁଁନି, ଯେଉଁଠାରେ ତାଙ୍କ ବୈଧତାକୁ ନେଇ ପ୍ରଶ୍ନ କରାଯାଉଛି । ସେ କହିଛନ୍ତି ଯେ, ଏହି ଗଠବନ୍ଧନ ସରକାରରୁ ଇସ୍ତଫା ଦେଇଦେବା ଦରକାର । ଯଦି ତାର ଏକ ଦଳ ସରକାରରୁ ଅଲଗା ହୋଇଯାଉଛି ।

ଲିଙ୍ଗଗତ ସମାନତା ଦୃଷ୍ଟିରୁ ସ୍ୱିଡେନକୁ ୟୁରୋପର ଅନ୍ୟତମ ପ୍ରଗତିଶୀଳ ଦେଶ ଭାବରେ ବିବେଚନା କରାଯାଏ, କିନ୍ତୁ ଏପର୍ୟ୍ୟନ୍ତ କୌଣସି ମହିଳାଙ୍କୁ ଦେଶର ଆଭିମୁଖ୍ୟ ଦିଆଯାଇ ନାହିଁ (ସ୍ୱିଡେନ ପ୍ରଥମ ମହିଳା ପ୍ରଧାନମନ୍ତ୍ରୀ)। ଏଭଳି ପରିସ୍ଥିତିରେ ଏହି ବିକାଶ ସ୍ୱିଡେନ ପାଇଁ ଏକ ମାଇଲଖୁଣ୍ଟ ଭାବରେ ବିବେଚନା କରାଯାଉଛି। ଯଦି ମହିଳାମାନେ କେବଳ ଭୋଟ୍ ଜାରି ରଖନ୍ତି ଏବଂ ସେମାନେ ସର୍ବୋଚ୍ଚ କାର୍ୟ୍ୟାଳୟରେ ନିର୍ବାଚିତ ନ ହୁଅନ୍ତି ତେବେ ଗଣତନ୍ତ୍ର ସମ୍ପୂର୍ଣ୍ଣ ହୋଇପାରିବ ନାହିଁ ବୋଲି ଆଣ୍ଡରସନଙ୍କୁ ସମର୍ଥନ କରୁଥିବା ଜଣେ ସ୍ୱାଧୀନ ସାଂସଦ ଆମିନା କାକବାୱେ ସଂସଦରେ ଦେଇଥିବା ଅଭିଭାଷଣରେ କହିଛନ୍ତି।