Breaking: କେଡ଼େ ନୃଶଂସ ମଣିଷ! ଗୁଣିଗାରେଡ଼ି ସନ୍ଦେହରେ ବିଭତ୍ସ କାଣ୍ଡ: ଗୋଟିଏ ଜୁଇରେ ପୋଡ଼ାହେଲେ ୨ ଜଣ

ଲକ୍ଷ୍ମୀପୁର: ବନ୍ଧୁଗାଁ ଛାରପା ଗାଁରେ ଗୁଣି ସନ୍ଦେହରେ ବୀଭତ୍ସ କାଣ୍ଡ । ଜଣଙ୍କ ଶବଦାହବେଳେ ସେହି ଜୁଇରେ ଆଉ ଜଣଙ୍କୁ ମାରି ପୋଡ଼ିଲେ । ଗତକାଲି ସନ୍ଧ୍ୟାରେ ଗାଁରେ ଜଣଙ୍କର ମୃତ୍ୟୁ ଘଟିଥିଲା । ସେହି ଗାଁରେ ରହୁଥିବା ଶିବ ମିଣିଆକା ଗୁଣିକରି ଉକ୍ତ ଲୋକଙ୍କୁ ହତ୍ୟା କରିଥିବା ମୃତକଙ୍କ ପରିବାର ସନ୍ଦେହ କରୁଥିଲା । ଯାହାପରେ ମୃତକଙ୍କ ଘରଲୋକ ଶିବଙ୍କୁ ହତ୍ୟା କରି ସେହି ଜୁଇରେ ଏକାଠି ଜାଳିଦେଲେ । ଏ ସମ୍ପର୍କରେ ପୋଲିସକୁ ଖବର ନ ଦେବା ଲାଗି ମୃତକଙ୍କ ପରିବାର ଶିବଙ୍କ ଘରଲୋକଙ୍କୁ ଧମକ ଦେଇଛନ୍ତି । କିନ୍ତୁ ବିଶ୍ୱସ୍ତ ସୂତ୍ରରୁ ଖବର ପାଇ ଆଜି ଘଟଣାସ୍ଥଳକୁ ପୋଲିସ ଯିବ ବୋଲି ସୂଚନା ।