ଆଦିପୁରୁଷ ବିବାଦକୁ ନେଇ କ୍ଷମା ମାଗିଲେ ମନୋଜ ମୁନ୍ତଶିର, ଜାଣନ୍ତୁ କ’ଣ କହିଲେ
ନୂଆଦିଲ୍ଲୀ: ନିର୍ଦ୍ଦେଶକ ଓମ ରାଉତଙ୍କ ଫିଲ୍ମ ଆଦିପୁରୁଷ, ୧୬ ଜୁନରେ ସିନେମା ଘରେ ରିଲିଜ ହୋଇଥିଲା । ଫିଲ୍ମ ରିଲିଜ ପୂର୍ବରୁ ଦର୍ଶକମାନଙ୍କ ମଧ୍ୟରେ ବହୁ ଉତ୍ସାହ ଦେଖିବାକୁ ମିଳିଥିଲା । ହେଲେ ରିଲିଜ ପରେ ଏହି ଫିଲ୍ମକୁ ନେଇ ଅନେକ ଟ୍ରୋଲ କରାଯାଉଛି । ଫିଲ୍ମର ନିକୃଷ୍ଟ ଧରଣର ସଂଳାପକୁ ନେଇ ଜନ ଅସନ୍ତୋଷ ବୃଦ୍ଧି ପାଇଛିା । ତେଣୁ ଜନସାଧାରଣଙ୍କ ଭାବାବେଗକୁ ଆଘାତ ପହଁଚିଥିବାରୁ ଆଦିପୁରୁଷ ଫିଲ୍ମର ସଂଳାପ ଲେଖକ ମନୋଜ ମୁନ୍ତଶିର ଆଜି ଟ୍ୱିଟ କରି କ୍ଷମା ପ୍ରାର୍ଥନା କରିଛନ୍ତି ।
ମନୋଜ ମୁନ୍ତଶିର ଟ୍ୱିଟ କରି କହିଛନ୍ତି ଯେ, ମୁଁ ସ୍ୱୀକାର କରୁଛି ଯେ, ଆଦିପୁରୁଷରେ ଲୋକଙ୍କ ଭାବନା ଆହତ ହୋଇଛି । ମୋର ସମସ୍ତ ଭାଇ-ଭଉଣୀ, ପୂଜ୍ୟ ଗୁରୁଜନ, ସାଧୁ-ସନ୍ଥ ଏବଂ ସମସ୍ତ ରାମ ଭକ୍ତଙ୍କୁ ମୁଁ ବିନା ସର୍ତ୍ତରେ ହାତ ଯୋଡ଼ି କ୍ଷମା ମାଗୁଛି । ଭଗବାନ ବଜରଙ୍ଗବାଲୀ ଆମ ସମସ୍ତଙ୍କ ଉପରେ କୃପା କରନ୍ତୁ । ପ୍ରକୃତରେ ଆଦିପୁରୁଷ ଚଳଚ୍ଚିତ୍ରରେ ଲେଖିଥିବା ସଂଳାପ ଗୁଡ଼ିକୁ ଯଥାର୍ଥ ବୋଲି ପ୍ରମାଣିତ କରିବାରେ ବିଫଳ ହେବା ପରେ ମନୋଜ ମୁନ୍ତଶିର୍ ଶୁକ୍ଳା ଏଭଳି କ୍ଷମାପ୍ରାର୍ଥନା କରିଛନ୍ତି ।
मैं स्वीकार करता हूँ कि फ़िल्म आदिपुरुष से जन भावनायें आहत हुईं हैं.
अपने सभी भाइयों-बहनों, बड़ों, पूज्य साधु-संतों और श्री राम के भक्तों से, मैं हाथ जोड़ कर, बिना शर्त क्षमा माँगता हूँ.
भगवान बजरंग बली हम सब पर कृपा करें, हमें एक और अटूट रहकर अपने पवित्र सनातन और महान देश की…— Manoj Muntashir Shukla (@manojmuntashir) July 8, 2023
ଫିଲ୍ମ ରିଲିଜ ପରେ ମନୋଜ ସବୁ ଆଡୁ ନିଜକୁ ସଠିକ୍ ପ୍ରମାଣିତ କରିବା ଲାଗି ଚେଷ୍ଟା କରିଥିଲେ । ଯାହାପରେ ବିବାଦ ଆହୁରୀ ବଢିଯାଇଥିଲା । ମନୋଜ ଏକ ସାକ୍ଷାତକାରରେ ଏପରି ମଧ୍ୟ କହିଦେଇଥିଲେ ଯେ, ହନୁମାନ ଭଗବାନ ନୁହଁନ୍ତି, ସେ ଭକ୍ତ ଅଟନ୍ତି । ପ୍ରଭୁ ରାମଙ୍କ ପ୍ରଗାଢ ଭକ୍ତି ଯୋଗୁଁ ତାଙ୍କୁ ଈଶ୍ୱର ବୋଲି କୁହାଯାଉଛି । ତେବେ ବର୍ତ୍ତମାନ ସେ ଟ୍ୱିଟରେ ଭୁଲ ମାଗି ପ୍ରଭୁ ହନୁମାନଙ୍କୁ ଭଗବାନ ବୋଲି କହିଛନ୍ତି ।
