Meghalaya Assembly Election:’ଏମ-ପାୱାର ମେଘାଳୟ’ ଟ୍ୟାଗ ଲାଇନ ରେ ନିର୍ବାଚନ ଲଢ଼ିବ ବିଜେପି
ନୂଆଦିଲ୍ଲୀ:ଗୁଜୁରାଟରେ ଦମଦାର ବିଜୟ ପରେ ଏବେ ହେବାକୁ ଥିବା ଅନ୍ୟସବୁ ରାଜ୍ୟର ନିର୍ବାଚନ ଉପରେ ବିଜେପିର ନଜର । ଏହା ଭିତରେ ବିଜେପି ତାର ବ୍ଲୁ ପ୍ରିଣ୍ଟ ମଧ୍ୟ ପ୍ରସ୍ତୁତ କରି ସାରିଛି । ତେବେ କିଛି ଦିନ ତଳେ ବିଜେପିର ଯେଉଁ ରାଷ୍ଟ୍ରୀୟ କାର୍ଯ୍ୟକାରିଣୀ ଆୟୋଜିତ ହୋଇଥିଲା ଏଥିରେ କିପରି ବିଜେପି ସବୁ ଆସନରେ ବିଜୟ ହୋଇ ପାରିବ ତାହାକୁ ନେଇ ଆଲୋଚନା ହୋଇଥିଲା । କେବଳ ଏତିକି ନୁହେଁ ନିର୍ବାଚନ ପାଇଁ ମୋଦୀ ମନ୍ତ୍ର ମଧ୍ୟ ବାଣ୍ଟିଥିଲେ ।ଦୁର୍ବଳ ବୁଥ ଗୁଡିକରେ ଅଧିକ କାର୍ଯ୍ୟ କରିବାକୁ କୁହାଯାଇଥିଲା । କେବଳ ଏତିକି ନୁହେଁ ତୃଣମୂଳସ୍ତରରେ ଲୋକଙ୍କ ସହ ଯୋଡି ହେବାକୁ ମଧ୍ୟ କୁହାଯାଇଥିଲା ।
ଏହି ପରିପ୍ରେକ୍ଷୀରେ ଗୁରୁବାର ଭାରତୀୟ ଜନତା ପାର୍ଟି ମେଘାଳୟ ବିଧାନସଭା ନିର୍ବାଚନ ପାଇଁ ସମସ୍ତ ୬୦ ଟି ଆସନ ପାଇଁ ପ୍ରାର୍ଥୀ ତାଲିକା ପ୍ରକାଶ କରିଛି। ସୂଚନାମୁତାବକ ଫେବୃଆରୀ ୨୭ ରେ ମେଘାଳୟରେ ନିର୍ବାଚନ ଅନୁଷ୍ଠିତ ହେବ ଏବଂ ମାର୍ଚ୍ଚ ୨ ରେ ଫଳାଫଳ ଘୋଷଣା କରାଯିବ। ମେଘାଳୟର ୬୦ ଟି ବିଧାନସଭା ଆସନ ଅଛି ଏବଂ ସଂଖ୍ୟାଗରିଷ୍ଠତା ପାଇଁ ୩୧ ଜଣ ବିଧାୟକଙ୍କ ସମର୍ଥନ ଆବଶ୍ୟକ ।
ପ୍ରାର୍ଥୀଙ୍କ ଘୋଷଣା ସହିତ ବିଜେପି ଏକ ବଡ ଦାବି କରିଛି ଯେ ଆମ ଦଳ ରାଜ୍ୟରେ ଏକ ଡବଲ୍ ଇଞ୍ଜିନ୍ ସରକାର ଗଠନ କରିବ। ବିଜେପି କହିଛି ଯେ ଏହି ନିର୍ବାଚନ ପାଇଁ ଆମର ଟ୍ୟାଗଲାଇନ ହେଉଛି ‘ଏମ ପାୱାର ମେଘାଳୟ’। କନରାଡ ସାଙ୍ଗମାଙ୍କ ନେତୃତ୍ୱରେ ମେଘାଳୟର ବିଜେପି ମିଳିତ ସରକାର ଅଛି। ବିଜେପି ବ୍ୟତୀତ ଏହି ମିଳିତ ମଞ୍ଚରେ ଏନପିପି ଏବଂ ଅନ୍ୟାନ୍ୟ ଦଳ ମଧ୍ୟ ସାମିଲ ଅଛନ୍ତି।
BJP announces a list of 60 candidates for the upcoming Meghalaya Legislative Assembly election pic.twitter.com/ozVkp2zlLl
— ANI (@ANI) February 2, 2023
ସୂଚନାମୁତାବକ ୨୦୧୮ ରେ ରାଜ୍ୟରେ ଅନୁଷ୍ଠିତ ବିଧାନସଭା ନିର୍ବାଚନରେ କୌଣସି ଦଳ ଫଳାଫଳରେ ସଂଖ୍ୟାଗରିଷ୍ଠତା ହାସଲ କରିନଥିଲେ। ଗତଥର ରାଜ୍ୟର ୬୦ ଟି ସିଟ୍ ମଧ୍ୟରୁ ୫୯ ଟିରେ ଭୋଟ୍ ଦିଆଯାଇଥିଲା। ଗୋଟିଏ ଆସନରେ ଜଣେ ପ୍ରାର୍ଥୀଙ୍କ ହତ୍ୟା ହେତୁ ନିର୍ବାଚନ ପରେ ଅନୁଷ୍ଠିତ ହୋଇଥିଲା। ତେବେ ରାଜ୍ୟସଭା ନିର୍ବାଚନରେ ବିଜେପି ମାତ୍ର ୨ ଟି ଆସନ ପାଇଛି। ଦଳ ଏଠାରେ ମିଳିତ ଭାବରେ ଏଠାରେ ସରକାର ଗଠନ କରିଥିଲା। ଫଳାଫଳ ପରେ ନ୍ୟାସନାଲ ପିପୁଲ୍ସ ପାର୍ଟି (ଏନପିପି) ସହିତ ମିଳିତ ଭାବେ ବିଜେପି ସରକାର ଗଠନ କଲା। ଏବଂ ଏନପିପି ରାଜ୍ୟର ଦ୍ୱିତୀୟ ବୃହତ୍ତମ ଦଳ ଭାବରେ ଉଭା ହେଲା, ଦଳକୁ ୧୯ସିଟ୍ ମିଳିଥିଲା । ଏଥି ସହିତ ଏଠାରେ କଂଗ୍ରେସ ଦବଦବା ରହିଛି । ୨୧ ଟି ସିଟ୍ ସହ ରାଜ୍ୟର ସବୁଠୁ ବଡ ଦଳ ପାଲଟିଛି।
ତେବେ ଆଗକୁ ସାଧାରଣ ନିର୍ବାଚନ ଥିବାରୁ ଏହାକୁ ଆଖି ଆଗରେ ରଖି ସବୁ ଦଳ ତାଙ୍କର ରଣନୀତି ପ୍ରସ୍ତୁତ କରିଛନ୍ତି । ଏତିରୁ ବାଦ ପଡି ନାହିଁ କଂଗ୍ରେସ । କାରଣ ନିକଟରେ ହିମାଚଳ ପ୍ରଦେଶ ରେ ବିଜୟ ହାସଲ କରି ଦଳ ଦେଖାଇ ଦେଇଛି ସେ କଂଗ୍ରେସ ଲଢ଼ୁଛି ଆଉ ଲଢ଼ିବ । ତେବେ କେବଳ ଦେଖିବା ବାକି ରହିଲା ମେଘାଳୟରେ ବିଜେପିର ଏମ ପାୱାର କାମରେ ଆସୁଛି ନା କେବଳ ଆଲୋଚନାର ବିଷୟବସ୍ତୁ ପାଲଟି ଯାଉଛି।
