(Video) ପଶୁ ହୋଇ ଦେଖାଇଲା ମଣିଷପଣିଆ; ଛୁଆକୁ ଫେରିପାଇ ସମସ୍ତଙ୍କୁ ଛଳଛଳ ଆଖିରେ ମୁଣ୍ଡିଆ ମାରିଲା ମା’ ମାଙ୍କଡ଼…
ଓଡ଼ିଶା ଭାସ୍କର: ଦିନେ ଯେଉଁ ଲୋକମାନଙ୍କୁ ଦେଖି ଡରୁଥିଲା ମା’ ମାଙ୍କଡ଼ । ଗଛ ଉପରକୁ ଦୌଡିପଳାଉଥିଲା । ଆଜି ନିଜ ଛୁଆକୁ ପାଇ ଛଳଛଳ ଆଖିରେ ମୁଣ୍ଡିଆ ମାରୁଛି ମା’ ମାଙ୍କଡ଼ । ଆଉ ସମସ୍ତଙ୍କୁ ଧନ୍ୟବାଦ, ସତ ଯେମିତି ଏ ମଣିଷ ଗୁଡିକ ମାଙ୍କଡ଼ ପାଇଁ ଭଗବାନ ସାଜି ଯାଇଛନ୍ତି । ଟିକେ ଦେଖୁନାହାଁନ୍ତି ଏ ଦୃଶ୍ୟକୁ କେଉଁ ଭଳି ମା’ ମାଙ୍କଡଟି ୨ ମାସର କଅଁଳ ଛୁଆକୁ ପାଇ କୁଣ୍ଢେଇ ଧରିଛି ଆଉ ଗେହ୍ଲ କରିପକାଉଛି । ପୁଶୁ ହେଲ ବି ମଣିଷର ମଣିଷପଣିଆକୁ ବୁଝିପାରିଛି । ମଣିଷ ପରିସିନା କଥା କହିପାରୁନି ଛୁଆକୁ କୋଳରେ ଧରି ଯେମିତି ସମସ୍ତଙ୍କୁ ହୃଦୟରୁ ଧନ୍ୟବାଦ ଜଣାଉଛି ।
ତେବେ ଏ ବାବୁ ଜଣଙ୍କୁ ଦେଖନ୍ତୁ ଯିଏ କିଏ ଛୁଆ ମାକଡ଼ଟିକୁ ଖୋଜି ଖୋଜି ମା’ ମାଙ୍କଡ଼ ପାଖରେ ପହଞ୍ଚାଇଥିଲେ । ସେପଟେ ଡହଳ ବିକଳହୋଇ ନିଜ ଛୁଆ ମାଙ୍କଡ଼କୁ ଜଗିବସିଥିଲା । ଏପଟେ ଏ ଭାଇ ଜଣଙ୍କ ଛୁଆ ମାଙ୍କଡ଼କୁ ବାଇକ୍ରେ ଧରି ଯାଉଥିଲେ । ଆଉ ଏ ଦୃଶ୍ୟ କେଉଁ ଫିଲ୍ମ କାହାଣୀର ଦୃଶ୍ୟ ଠାରୁ ବେଶି, ଛୁଆ ମାଙ୍କଡ଼ୁ ଆଉ ମା’ ମାଙ୍କଡ଼ର ମିଳନକୁ ଦେଖି ସମସ୍ତଙ୍କ ଆଖିରେ ଭରିଯାଇଥିଲା ଲୁହ । ଆଉ ଆଜି ସୋସିଆଲ ମିଡ଼ିଆ ପାଇଁ ଛୁଆ ମାଙ୍କଡ଼କୁ ଫେରିପାଇଲା ମା’ । ମାଙ୍କଡ଼ ହେଲେ ବି ବୁଝିଛି ସମ୍ପର୍କ । ସେହିଭଳି ପୁରୀ ବଡ଼ଦାଣ୍ଡରେ ମା’ ସହ ଛୁଆ ମାଙ୍କଡ଼ ଖେଳୁଥିଲା ।
ଟିକେ ସିସିଟିଭି ଫୁଟେଜ ଉପରେ ନଜର ପକାନ୍ତୁ ହଠାତ୍ ଦୁଇ ଜଣ ୨ ମାସର ଛୁଆ ମାଙ୍କଡ଼କୁ ଦେଖୁଛି ଏହା ପରେ ନିଜ ଡ୍ରେସ୍ ଖୋଲି ମା’ମାଙ୍କଡ କଲିଜାର ଟୁକୁଡାକୁ ନେଇଗଲା । ଏହା ପରେ ଛୁଆକୁ ଉଦ୍ଧାର କରିବା ପାଇଁ ଦୁଇ ଗୋଡିରେ ଛିଡା ହୋଇ ଉଗାଳୁଥିଲା । ଛୁଆକୁ ନ ପାଇଁ ମା’ ମାଙ୍କଡ଼ଟି ଦୁଇ ହାତ ଯୋଡି ଚିତ୍କାର କରୁଥିଲା । ଆଉ ଲୋକଙ୍କ ପାଦ ଧରିପକାଉଥିଲା । ମୁଣ୍ଡ ପିଟି କାନ୍ଦି କାନ୍ଦି ଦିନ ରାତି ଖାଉନଥିଲା । ଖାଲି ଛୁଆକୁ ମୋବାଇରେ ଦେଖି ଝୁରି ହେଲା । ତେବେ ଏ ଭିଡ଼ିଓ ଭାଇରାଲ ହେବା ପରେ ମାଙ୍କଡ଼ ଚୋରି କରିଥିବା ବ୍ୟକ୍ତି ଜଣକ ଏ ଭିଡିଓ ଦେଖିଲେ ।
ଆଉ ମା’ଠୁ ଛୁଆକୁ ଅଲଗା କରିବା ଟା କେତେ ଯେ କଷ୍ଟ ସେ ନିଜେ ବୁଝିପାରିଲେ । ବାଇକ୍ରେ ବସି ମା’ କୋଳକୁ ଫେରିଲା ଛୁଆ ମାଙ୍କଡ଼ । ତାହା ପରର ଦୃଶ୍ୟ ଥିଲା ନିଆରା । ଆଉ ଟିକେ ଦେଖନ୍ତୁ ଛୁଆକୁ କୋଳରେ ପାଇ ଗେଲ କରୁଛି, ଆଉ ଚାଟି ପକାଉଛି । କାଳେ କିଏ ପୁଣି ତା ଛୁଆକୁ ତା ଠୁ ଅଲଗା କରିଦେବ, ସେଇଥିପାଇଁ ଚାରି ଆଡକୁ ଅନାଉଛି । ଭିଡ ଭିତରୁ କେହି ଜଣେ କହୁଛନ୍ତି ବ୍ୟକ୍ତି କହୁଛନ୍ତି ଏବେ ଛୁଆକୁ ପାଇଲୁତ, ଆରେ ଥ୍ୟାଙ୍କ ୟୁ କହ…ଭାଇମାନଙ୍କୁ । ଯାହାଙ୍କ ପାଇଁ ତୋ ଛୁଆ ତୋ କୋଳକୁ ଫେରିଛି ।
