ଦୁନିଆର ବିଚିତ୍ର ଗାଁ ଯେଉଁଠାରେ ହଠାତ ଶୋଇଯାଆନ୍ତି ଅଧିବାସୀ, ପୁରୁଷମାନେ ଉଠିବା ପରେ ରୋମାନ୍ସର ଡିମାଣ୍ଡ କରନ୍ତି
ନୂଆଦିଲ୍ଲୀ: ଦୁନିଆରେ ଏପରି ଏକ ଅଦ୍ଭୁତ ଗାଁ ରହିଛି ଯେଉଁଠାରେ ଲୋକମାନେ ହଠାତ୍ ଶୋଇପଡନ୍ତି । ଆଶ୍ଚର୍ଯ୍ୟଜନକ କଥା ହେଉଛି ଏହି ଗାଁର କେହି ଜାଣନ୍ତି ନାହିଁ ଯେ ସେମାନେ କେବେ ଶୋଇବେ । ସେହିପରି ସେମାନେ ଗୋଟିଏ କିମ୍ବା ଦୁଇ ଘଣ୍ଟା ନୁହେଁ, ଅନେକ ଦିନ ପର୍ଯ୍ୟନ୍ତ ଶୋଇଥା’ନ୍ତି । ଅନେକ ଲୋକ ଗାଡି ଚଳାଇବା ସମୟରେ ଶୋଇପଡନ୍ତି ଏବଂ କେହି କେହି ରାସ୍ତାରେ ଶୋଇପଡନ୍ତି । ଏହି ଗାଁ କାଜାଖସ୍ତାନରେ ଅବସ୍ଥିତ ।
ମିଳିଥିବା ସୂଚନା ଅନୁଯାୟୀ, କାଜାଖସ୍ତାନର ରାଜଧାନୀ ଏଷ୍ଟାନା ଠାରୁ ପ୍ରାୟ ୩୭୦ କିଲୋମିଟର ଦୂରରେ କଲାଚି ନାମକ ଏକ ଗାଁ ଅଛି । ଏଠାରେ ଥିବା ଲୋକଙ୍କ ଶୋଇବା ଅଭ୍ୟାସ ହେତୁ ଏହି ଗାଁ ଚର୍ଚ୍ଚାର ବିଷୟ ପାଲଟିଛି । ଏହାର କାରଣ ହେଉଛି ଗାଁର ଲୋକମାନେ ଯେକୌଣସି ସମୟରେ ଏବଂ ଯେ କୌଣସି ସ୍ଥାନରେ ଶୋଇପଡନ୍ତି । କେବଳ ଏହା ନୁହେଁ, ଅନେକ ଲୋକ ନିଜ ଘରେ ଥିବା ରୋଷେଇ ଘର କିମ୍ବା ବାଥରୁମରେ ଶୋଇ ପଡ଼ନ୍ତି । ସବୁଠାରୁ ବଡ ଆଶ୍ଚର୍ଯ୍ୟ ହେଉଛି ୨୦୧୩ ରୁ ୨୦୧୫ ମଧ୍ୟରେ, ୧୬୦ରୁ ଅଧିକ ଲୋକ ଶୋଇବାର ଏହି ଅଦ୍ଭୁତ ରୋଗର ଶିକାର ହୋଇଥିଲେ । କେବଳ ମଣିଷ ନୁହଁନ୍ତି, ପଶୁମାନେ ମଧ୍ୟ ଏଠାରେ ଶୋଇବା ରୋଗରେ ପୀଡିତ ଥିଲେ ।
ଅନେକ ଲୋକ ୬ ଦିନ ପର୍ଯ୍ୟନ୍ତ ଶୋଇଥିଲେ ଏବଂ ଯେତେବେଳେ ସେମାନେ ଉଠିଥିଲେ, ସେମାନଙ୍କ ସହ କଣ ହୋଇଥିଲା ତାହା ସେମାନେ ଭୁଲି ଯାଇଥିଲେ । ସୂଚନା ଅନୁଯାୟୀ, ୨୦୧୦ ମସିହାରେ ଜଣେ ମହିଳା ବଜାରରେ ଶୋଇଥିଲେ । ଏହା ପରେ ଆଉ ୫ ଜଣ ମହିଳାଙ୍କ ସହ ସମାନ ଘଟଣା ଘଟିଥିଲା । ତେବେ ପାଖାପାଖି ୧୫୦ ରୁ ୧୮୦ ଜଣ ଲୋକ ଏହିପରି ଶୋଇବା ଆରମ୍ଭ କରିଥିଲେ । ତେବେ ଯେତେବେଳେ ପୁରୁଷମାନେ ନିଦରୁ ଉଠିଥାନ୍ତି ସେମାନେ ଶାରୀରିକ ସମ୍ପର୍କ ରଖିବାକୁ ଅଧିକ ଇଚ୍ଛା କରିଥିଲେ । ସେମାନେ ନିଜ ସାଥୀଙ୍କୁ ରୋମାନ୍ସ କରିବାକୁ ଜିଦ୍ ଧରିଥିଲେ ।
ମିଳିଥିବା ସୂଚନା ଅନୁଯାୟୀ ଗ୍ରାମରେ ଭୂତ ଅଛନ୍ତି ବୋଲି ଏଠାକାର ଅଧିବାସୀମାନେ ଅନୁଭବ କରିଥିଲେ । କିନ୍ତୁ ୨୦୧୫ ମସିହାରେ, କାଜାଖସ୍ତାନ ସରକାର ଦାବି କରିଥିଲେ ଯେ ସେମାନେ ଏହି ରୋଗର କାରଣ ଜାଣିଛନ୍ତି । ସେ ଦାବି କରିଥିଲେ ଯେ ଗାଁରେ ସୋଭିଏତ୍ ଯୁଗର ୟୁରାନିୟମ୍ର ଏକ ସୁଢଙ୍ଗ ରହିଛି ଯାହା ପାଣିରେ ପରିପୂର୍ଣ୍ଣ ଥିଲା । ଏବଂ ଏହି ପ୍ରତିକ୍ରିୟା ଫଳରେ ବାୟୁରେ କାର୍ବନ ମନୋକ୍ସାଇଡ୍ ଗ୍ୟାସ୍ ସ୍ୱାଭାବିକଠାରୁ ୧୦ ଗୁଣ ଅଧିକ ହୋଇଗଲା । ଏହି ଗ୍ୟାସ ଯୋଗୁଁ ଲୋକମାନେ ଶୋଇ ପଡିଥିଲେ । ସେ କହିଛନ୍ତି ଯେ ରେଡନ୍ ପରି ଅନ୍ୟ ବିରଳ ଗ୍ୟାସ୍ ଲିକ୍ ହେତୁ ଲୋକମାନେ ଶୋଇଥା’ନ୍ତି । କିନ୍ତୁ ନାଜରବାଇଭ୍ ବିଶ୍ୱବିଦ୍ୟାଳୟର ଜଣେ ପ୍ରଫେସର ୨୦୨୦ ମସିହାରେ ଦାବି କରିଥିଲେ ଯେ କାର୍ବନ ମନୋକ୍ସାଇଡ୍ ଶୋଇବାର କାରଣ ନୁହେଁ ।
ବାଇରନ୍ କ୍ରେପ୍ କହିଛନ୍ତି ଯେ ଗାଁର ୮୦୦ ଜଣ ଲୋକ କେବଳ ଜଣେ ବ୍ୟକ୍ତିଙ୍କ ଦ୍ୱାରା ଭୂମିରୁ ବାହାର କରାଯାଇଥିବା ପାଣି ପିଉଥିଲେ ଏବଂ ଏହା ୟୁରାନିୟମ୍ ଦ୍ୱାରା ଦୂଷିତ ହୋଇଥାଇପାରେ, ଯେଉଁଥିପାଇଁ ସେମାନଙ୍କ ଉପରେ ଏପରି ପ୍ରଭାବ ପଡିଥିଲା । ଦୀର୍ଘ ଦିନ ଧରି ଶୋଇବାର ଏହି ଘଟଣା ପ୍ରକାଶ କରାଯାଇ ନଥିଲା ।
