Breaking: ଆକ୍ସନ ମୁଡ଼ରେ ଦିଲ୍ଲୀର ନୂଆ ମୁଖ୍ୟମନ୍ତ୍ରୀ, ଦାୟିତ୍ୱ ନେଉନେଉ ବଡ଼ ଘୋଷଣା
ଶପଥ ନେବା ପରେ ବଡ଼ ଘୋଷଣା କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା। ସଂନ୍ଧ୍ୟାରେ ବସିଥିବା ପ୍ରଥମ କ୍ୟାବିନେଟ୍ ବୈଠକରେ ଘୋଷଣା। ସେପଟେ କ୍ୟାବିନେଟରେ ବିଭାଗ ମଧ୍ୟ ବଣ୍ଟନ କଲେ ମୁଖ୍ୟମନ୍ତ୍ରୀ।
ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ କ୍ୟାବିନେଟରେ ବିଭାଗ ବଣ୍ଟନ କଲେ ମୁଖ୍ୟମନ୍ତ୍ରୀ ରେଖା କୁପ୍ତା। ନିଜ ପାଖରେ ପାଖାପାଖି ୪ଟି ବିଭାଗ ରଖିଥିବା ବେଳେ ଉପମୁଖ୍ୟମନ୍ତ୍ରୀ ପରବେଶ ବର୍ମାଙ୍କୁ ଦେଇଛନ୍ତି ୩ଟି ବିଭାଗର ଦାୟିତ୍ୱ।
ଚତୁର୍ଥ ମହିଳା ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ, ସଂନ୍ଧ୍ୟାରେ ବସିଥିଲା ପ୍ରଥମ କ୍ୟାବିନେଟ୍ ବୈଠକ। ଯେଉଁଠାରେ ବିଭାଗ ବଣ୍ଟନ କରିଛନ୍ତି ମୁଖ୍ୟମନ୍ତ୍ରୀ। ରେଖା ନିଜ ପାଖରେ ଅର୍ଥ, ରାଜସ୍ୱ, ଭିଜିଲାନ୍ସ ବିଭାଗ ରଖିଛନ୍ତି। ଏହାଛଡ଼ା ମହିଳା ଓ ଶିଶୁ କଲ୍ୟାଣ ବିଭାଗ ମଧ୍ୟ ନିଜ ପାଖରେ ରଖିଲେ।
ସେହିପରି ଉପ-ମୁଖ୍ୟମନ୍ତ୍ରୀ ପରବେଶ ବର୍ମା ଯିଏକି ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କୁ ହରାଇ ବିଜୟୀ ହୋଇଥିଲେ। ତାଙ୍କୁ ମୁଖ୍ୟମନ୍ତ୍ରୀ ଜଳ ଓ PWD, ବନ୍ୟା ନିୟନ୍ତ୍ରଣ ବିଭାଗର ଦାୟିତ୍ୱ ଦେଇଛନ୍ତି।
ଏହାସହ ଆଶିଷ ସୁଦଙ୍କୁ ଗୃହ,ଶକ୍ତି,ଶିକ୍ଷା, ସହରୀବିକାଶ ବିଭାଗ। ପଙ୍କଜ ସିଂହଙ୍କୁ ସ୍ୱାସ୍ଥ୍ୟ ଓ ପରିବହନ ବିଭାଗ। କପିଳ ମିଶ୍ରାଙ୍କୁ ଆଇନ,ଶ୍ରମ,ସଂସ୍କୃତି ଓ ପର୍ଯ୍ୟଟନ ବିଭାଗ। ମନଜିନ୍ଦର ସିଂ ସିର୍ସାଙ୍କୁ ଶିଳ୍ପ, ଖାଦ୍ୟ ଯୋଗାଣ, ପରିବେଶ ବିଭାଗ। ରବିନ୍ଦ୍ର ସିଂହଙ୍କୁ SC ST କଲ୍ୟାଣ ବିଭାଗ ଦାୟିତ୍ୱ ବାଣ୍ଟିଛନ୍ତି ମୁଖ୍ୟମନ୍ତ୍ରୀ ରେଖା ଗୁପ୍ତା।
କେବଳ ସେତିକି ନୁହେଁ। ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ନେବା ପରେ ଆକ୍ସନ ମୁଡରେ ଦିଲ୍ଲୀ ସରକାର। ସେଥିପାଇଁ ସରକାରକୁ ଆସୁଆସୁ ପ୍ରଥମ କ୍ୟାବିନେଟ୍ ବୈଠକରେ ଦୁଇଟି ବଡ଼ ନିଷ୍ପତ୍ତି ଶୁଣାଇଛନ୍ତି।
ଯେଉଁଥିରେ ରେଖା ଘୋଷଣା କରିଛନ୍ତି କି ଦିଲ୍ଲୀରେ ଲାଗୁ ହେବ ଆୟୁଷ୍ମାନ ଯୋଜନା। ପ୍ରଥମ ବିଧାନସଭା ଅଧିବେଶନରେ ଆସିବ ୧୪ଟି CAG ରିପୋର୍ଟ। ଗତ ସରକାର ଉପସ୍ଥାପନ କରିନଥିବା ୧୪ଟି CAG ରିପୋର୍ଟ ଆଗତ ହେବ।