ଫିଫା ବିଶ୍ୱକପ: କେବଳ ମେସି ନୁହଁନ୍ତି ଗୁଗୁଲ ମଧ୍ୟ ରବିବାର ୨୫ ବର୍ଷ ରେକର୍ଡ ଭାଙ୍ଗିଛି, ସୂଚନା ଦେଲେ ସୁନ୍ଦର ପିଚାଇ
ନୂଆଦିଲ୍ଲୀ: ରୋମାଞ୍ଚକର ଫାଇନାଲ ମ୍ୟାଚ୍ ସହିତ ଗତକାଲି ଶେଷ ହୋଇଥିବା ଫିଫା ବିଶ୍ୱକପ ବିଷୟରେ ସାରା ବିଶ୍ୱରେ କ୍ରେଜ ଦେଖିବାକୁ ମିଳିଥିଲା । ଫାଇନାଲ ମ୍ୟାଚରେ ଗୁଗୁଲରେ ମଧ୍ୟ ୨୫ ବର୍ଷ ପୁରୁଣା ରେକର୍ଡ ବାଙ୍ଗିଛି । ସୋମବାର (ଡିସେମ୍ବର ୧୯) ସକାଳେ ଗୁଗୁଲ୍ ସିଇଓ ସୁନ୍ଦର ପିଚାଇ ଟୁଇଟ୍ କରି କହିଛନ୍ତି ଯେ, ଆର୍ଜେଣ୍ଟିନା ଏବଂ ଫ୍ରାନ୍ସ ମଧ୍ୟରେ ଚାଲିଥିବା ଫିଫା ବିଶ୍ୱକପ୍ ଫାଇନାଲ୍ ସମୟରେ ଗୁଗୁଲ୍ ସର୍ଚ୍ଚ ଗତ ୨୫ ବର୍ଷ ମଧ୍ୟରେ ସର୍ବାଧିକ ଟ୍ରାଫିକ୍ ରେକର୍ଡ କରିଛି । ସେ ଲେଖିଛନ୍ତି ଯେ’ ‘ସତେ ଯେପରି ସମଗ୍ର ବିଶ୍ୱ ସମାନ କଥା ବିଷୟରେ ଜାଣିବାକୁ ଚାହୁଁଛନ୍ତି।’
ରବିବାର ରାତିରେ କତାରର ଲୁସେଲ ଷ୍ଟାଡିୟମରେ ଶେଷ ମ୍ୟାଚରେ ଲିଓନେଲ ମେସିଙ୍କ ନେତୃତ୍ୱରେ ଆର୍ଜେଣ୍ଟିନା ଦଳ ଫ୍ରାନ୍ସକୁ ପରାସ୍ତ କରିଛି । ଫାଇନାଲ୍ ମ୍ୟାଚ୍ ରେ ଆର୍ଜେଣ୍ଟିନା ପ୍ରାରମ୍ଭିକ ଅଗ୍ରଣୀ ହାସଲ କରି ୨-୦ରେ ଆଗୁଆ ରହିଥିଲା, କିନ୍ତୁ ତାରକା ଫ୍ରେଞ୍ଚ ଷ୍ଟ୍ରାଇକର କିଲିଆନ୍ ଏମବାପେ ତାଙ୍କ ଦଳ ପାଇଁ କ୍ରମାଗତ ଦୁଇଟି ଗୋଲ୍ ସ୍କୋର କରି ତାଙ୍କ ଦଳ ପାଇଁ ଚମତ୍କାର ପ୍ରତ୍ୟାବର୍ତ୍ତନ କରିଥିଲେ ।
Search recorded its highest ever traffic in 25 years during the final of #FIFAWorldCup , it was like the entire world was searching about one thing!
— Sundar Pichai (@sundarpichai) December 19, 2022
ଯେତେବେଳେ ୯୦ ମିନିଟର ଖେଳ ସମାପ୍ତ ହେଲା, ଉଭୟ ଦଳ ୨-୨ ରେ ବନ୍ଧା ହୋଇଥିଲେ, ଯାହା ପରେ ଅତିରିକ୍ତ ସମୟ ନିଆଯାଇଥିଲା । କିନ୍ତୁ ଅତିରିକ୍ତ ସମୟର ଶେଷ ସୁଯୋଗରେ ମଧ୍ୟ ଉଭୟ ଦଳ ୩-୩ ରେ ସମାନ ସ୍ଥିତିରେ ରହିଥିଲେ । ଏହା ପରେ ମ୍ୟାଚ୍ ଏକ ପେନାଲ୍ଟି ସୁଟଆଉଟ୍ ଦ୍ୱାରା ସ୍ଥିର ହୋଇଥିଲା, ଯେଉଁଥିରେ ଆର୍ଜେଣ୍ଟିନା ଫ୍ରାନ୍ସ ଦଳକୁ ପରାଜିତ କରିଥିଲା ।
ଗତ ସନ୍ଧ୍ୟାରେ (ଡିସେମ୍ବର ୧୮) ଫିଫା ବିଶ୍ୱକପ ଫାଇନାଲରେ ମେସି ଏବଂ ମବାପେ ପ୍ରମୁଖ ସୋସିଆଲ ମିଡିଆ ଟ୍ରେଣ୍ଡ ମଧ୍ୟରେ ଥିଲେ କାରଣ ଲୋକମାନେ ଏହି ମ୍ୟାଚକୁ ଅତି ନିକଟରୁ ଅନୁସରଣ କରିଥିଲେ ଏବଂ ଖେଳାଳି ଏବଂ ଦଳ ବିଷୟରେ ସୂଚନା ଖୋଜୁଥିଲେ ।
ଯଦିଓ ଭାରତ ଫିଫା ବିଶ୍ୱକପରେ ଖେଳୁ ନଥିଲା । ତଥାପି ଫୁଟବଲ ବିଶ୍ୱକପ ପ୍ରତି ପ୍ରବଳ ଆଗ୍ରହ ଦେଖାଦେଇଥିଲା, ପୂରା ଟୁର୍ଣ୍ଣାମେଣ୍ଟ ଓଟିଟିରେ ସିଧା ପ୍ରସାରଣ କରୁଥିବା ଟିଭି ସେଟ୍ ଏବଂ ମୋବାଇଲଗୁଡ଼ିକ ମାଧ୍ୟମରେ ଲାଇଭ୍ ଷ୍ଟ୍ରିମିଂ ଦଖେିଥିଲେ ।
