ମୋରିଟାନିଆର ଆଟଲାଣ୍ଟିକ୍ ମହାସାଗର ନିକଟରେ ବଡ଼ ଦୁର୍ଘଟଣା: ଡଙ୍ଗା ଓଲଟିବାରୁ ୮୯ ଜଣଙ୍କର ମୃତ୍ୟୁ, ଅଳ୍ପକେ ବର୍ତ୍ତିଲା ୯ ଜୀବନ

ନୂଆଦିଲ୍ଲୀ: ମୋରିଟାନିଆର ନୌକାଚଟରୁ ଏକ ଭୟାନକ ଘଟଣା ସାମ୍ନାକୁ ଆସିଛି । ମୋରିଟାନିଆର ତଟରକ୍ଷୀ ବାହିନୀ ଦକ୍ଷିଣ-ପଶ୍ଚିମ ମୋରିଟାନିଆର ଏନିଡିଆଗୋ ନିକଟରେ ୮୯ ବେଆଇନ ପ୍ରବାସୀଙ୍କ ମୃତଦେହ ଉଦ୍ଧାର କରିଛନ୍ତି ।

କୁହାଯାଉଛି ଯେ ସମସ୍ତ ପ୍ରବାସୀ ଏକ ମତ୍ସ୍ୟଜୀବୀ ଡଙ୍ଗାରେ ଥିଲେ, ଯାହାକି ଆଟଲାଣ୍ଟିକ୍ ମହାସାଗରଠାରୁ ଚାରି କିଲୋମିଟର ଦୂରରେ ଫସିଥିଲା ।

ରିପୋର୍ଟରେ କୁହାଯାଇଛି ଯେ ମୋରିଟାନିଆର ତଟରକ୍ଷୀ କର୍ମୀ ୫ ବର୍ଷର ବାଳିକା ସମେତ ୯ ଜଣଙ୍କୁ ଉଦ୍ଧାର କରିଛନ୍ତି । ଡଙ୍ଗାରେ ୧୭୦ ଜଣ ପ୍ରବାସୀ ଥିଲେ, ଯେଉଁମାନେ ଛଅ ଦିନ ପୂର୍ବରୁ ସେନେଗାଲ-ଗାମ୍ବିଆ ସୀମାରୁ ୟୁରୋପ ବାହାରିଥିଲେ ।

ୟେମେନରେ ମଧ୍ୟ ଏକ ଦୁର୍ଘଟଣା ଘଟିଛି :-

କିଛି ଦିନ ପୂର୍ବରୁ ୟେମେନର ଆଡେନ ନିକଟ ସମୁଦ୍ର କୂଳରେ ଏକ ବଡ଼ ଦୁର୍ଘଟଣା ଘଟିଥିଲା । ଏଠାରେ ଡଙ୍ଗା ବୁଡ଼ିଯିବା କାରଣରୁ ଅତି କମରେ ୪୯ ଜଣଙ୍କର ମୃତ୍ୟୁ ହୋଇଛି ଏବଂ ୧୪୦ ଜଣ ନିଖୋଜ ଅଛନ୍ତି । ଏହି ସମସ୍ତ ପ୍ରବାସୀମାନେ ଆଫ୍ରିକାର ହର୍ନରୁ ଆସୁଥିଲେ । ସ୍ଥାନୀୟ ଅଧିକାରୀ ଏବଂ ଲୋକମାନେ ଏ ବିଷୟରେ ସୂଚନା ଦେଇଥିଲେ ।