SAFF ଚାମ୍ପିଅନସିପ୍: ମ୍ୟାଚର ୨୪ ଘଣ୍ଟା ପୂର୍ବରୁ ପାକିସ୍ତାନକୁ ମିଳିଲା ଭାରତର ଭିସା, ଆଜି ଟିମ୍ ଇଣ୍ଡିଆ ସହିତ ହେବ ମୁକାବିଲା
ନୂଆଦିଲ୍ଲୀ: ଭାରତରେ ଅନୁଷ୍ଠିତ ହେବାକୁ ଥିବା SAFF ଫୁଟବଲ ଚାମ୍ପିଅନସିପ୍ ପାଇଁ ପାକିସ୍ତାନ ଫୁଟବଲ ଦଳକୁ ଶେଷରେ ଭିସା ମିଳିଛି। ଜାନୁଆରୀ ୨୧ ଅର୍ଥାତ ମଙ୍ଗଳବାର ଭାରତ ବିପକ୍ଷ ପ୍ରଥମ ମ୍ୟାଚ୍ ପୂର୍ବରୁ ପାକିସ୍ତାନ ଦଳ ଭାରତରେ ପହଂଚିଛି। ଏହି ମ୍ୟାଚ୍ ଶ୍ରୀ କାଣ୍ଟେରାଭା ଷ୍ଟାଡିୟମରେ ସନ୍ଧ୍ୟା ୭.୩୦ ରୁ ଖେଳାଯିବ। ମ୍ୟାଚ ପୂର୍ବରୁ ପାକିସ୍ତାନୀ ଦଳକୁ ମାତ୍ର ପ୍ରସ୍ତୁତି ପାଇଁ ୧୨ ଘଣ୍ଟା ସମୟ ମିଳିଛି।
କେଏସଏଫଏର ଜଣେ ଅଧିକାରୀ କହିଛନ୍ତି, “ଆମେ ଜାଣିବାକୁ ପାଇଲୁ ଯେ ପାକିସ୍ତାନ ଦଳକୁ ଭିସା ମିଳିଛି। ବୁଧବାର ଦିନ ଏକ ମ୍ୟାଚ୍ ଥିବାରୁ ସେମାନେ ମଙ୍ଗଳବାର ବାଙ୍ଗାଲୋରରେ ପହଞ୍ଚିବେ ବୋଲି ଆମେ ଆଶା କରୁଛୁ। ସେହି ମ୍ୟାଚ୍ ପାଇଁ ସମସ୍ତ ଟିକେଟ୍ ବିକ୍ରି କରିବାକୁ ଆମେ ନିଶ୍ଚିତ। ପାକିସ୍ତାନୀ ଦଳ ବର୍ତ୍ତମାନ ମରିସସରେ ଅଛି ଯେଉଁଠାରେ ସେ ଚାରି ଦେଶ ଟୁର୍ନାମେଣ୍ଟ ଖେଳିବାକୁ ଯାଇଥିଲେ। ଭିସା ପାଇବା ପାଇଁ ଆବଶ୍ୟକ ଔପଚାରିକତା ପୂରଣ କରିବାରେ ପାକିସ୍ତାନୀ ଦଳ ବିଳମ୍ବ କରିଥିଲା। ଭିସା ସମସ୍ୟା ହେତୁ ସେ ରବିବାର ସକାଳେ ଭାରତକୁ ନିର୍ଦ୍ଧାରିତ ବିମାନ ଉଡ଼ାଣରୁ ବଞ୍ଚିତ ହୋଇଛନ୍ତି।
ଦଳର ଭାରତ ଯାତ୍ରା ପାଇଁ ଏନଓସି ବିଳମ୍ବ କରିଥିବା ନେଇ ପିଏଫଏଫ ଅଭିଯୋଗ କରିଛି। ତେବେ ଭାରତୀୟ ଫେଡେରେଶନ କହିଛି ଯେ ପାକିସ୍ତାନ ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକୁ ଠିକ ସମୟରେ ଦାଖଲ କରି ନାହିଁ ବୋଲି। SAFF ଟୁର୍ନାମେଣ୍ଟରେ ପାକିସ୍ତାନ ଭାରତ ବ୍ୟତୀତ ଗ୍ରୁପ୍ ଏରେ କୁଏତ (ଜୁନ୍ ୨୪) ଏବଂ ନେପାଳ (ଜୁନ୍ ୨୭)କୁ ଭେଟିବ।
