ପାକିସ୍ତାନର ଏୟାରବେସରେ ଆତଙ୍କବାଦୀ ଆକ୍ରମଣ: ବିସ୍ଫୋରଣ ପରେ ଲାଗିଲା ନିଆଁ, ଦେଖନ୍ତୁ Video
ନୂଆଦିଲ୍ଲୀ: ବିଳମ୍ବିତ ରାତିରେ ପଡୋଶୀ ଦେଶ ପାକିସ୍ତାନର ମିଆନୱାଲିର ଏୟାରବେସରେ ଆତଙ୍କବାଦୀମାନେ ଆକ୍ରମଣ କରିଛନ୍ତି । ଆତଙ୍କବାଦୀମାନେ ଏୟାରବେସ ଭିତରକୁ ପ୍ରବେଶ କରି ଜବରଦସ୍ତ ଗୁଳି ବର୍ଷା କରିଥିଲେ, ଯାହା ପରେ ସାରା ସହରରେ ଭୟ ଓ ଆତଙ୍କ ବ୍ୟାପି ଯାଇଥିଲା । ଏହି ଆକ୍ରମଣ ପାଇଁ ଆତଙ୍କବାଦୀ ସଂଗଠନ ତେହେରିକ-ଏ-ଜିହାଦ ପାକିସ୍ତାନ (ଟିଜେପି) ନିଜକୁ ଦାୟୀ କରିଛି । ଟିଜେପି ମୁଖପାତ୍ର ମୁଲ୍ଲା ମହମ୍ମଦ କାସୀମ ଦାବି କରିଛିି ଯେ, ଆତଙ୍କବାଦୀମାନେ ଏୟାରବେସରେ ୧୧ରୁ ୧୨ ବିମାନରେ ନିଆଁ ଲଗାଇ ପାଇଲଟଙ୍କ ସମେତ ଅନେକ ଲୋକଙ୍କୁ ହତ୍ୟା କରିଥିଲେ ।
ଆତଙ୍କବାଦୀମାନେ ଅନେକ ବିମାନ ନଷ୍ଟ କରିଛନ୍ତି । କୁହାଯାଉଛି ଯେ, ପାଲଟା ଗୁଳି ଚାଳନାରେ ୪ ଆତଙ୍କବାଦୀ ନିହତ ହୋଇଛନ୍ତି । ଏୟାରବେସ୍ ଭିତରେ ଆତଙ୍କବାଦୀଙ୍କ ଦ୍ୱାରା ଲଗାତାର ବିସ୍ଫୋରଣ ଏବଂ ଗୁଳି ବିନିମୟ ହେଉଛି । ଆତ୍ମଘାତୀ ବିସ୍ଫୋରଣକାରୀମାନେ ଏୟାରବେସର କାନ୍ଥରେ ଥିବା ବାଡକୁ କାଟି ଭିତରକୁ ପ୍ରବେଶ କରିଥିଲେ ଓ ଏୟାରବେସରେ ଥିବା ଯୁଦ୍ଧ ବିମାନକୁ ଟାର୍ଗେଟ କରିଥିଲେ ।
🚨 Visuals from Mianwali Airbase of Pakistan Airforce. Earlier a terror!st attack took place on the base. Fighting is still on.#Pakistan #Mianwali #Airbase #Paf https://t.co/IdR4HNo6MN pic.twitter.com/NDOLPNx4jq
— The Geopolitical Index 🌍 (@Geopolitic_Info) November 4, 2023
ଆକ୍ରମଣ ପରେ ସ୍କୁଲ ଓ କଲେଜ ବନ୍ଦ, ହେଲିକପ୍ଟର ମାଧ୍ୟମରେ ସର୍ଚ୍ଚ ଅପରେସନ ଜାରି
ପାକିସ୍ତାନ ସରକାରଙ୍କ ସରକାରୀ ବିବୃତ୍ତିରେ କୁହାଯାଇଛି ଯେ, ଆତଙ୍କବାଦୀ ଆକ୍ରମଣରେ ୩ଟି ଯୁଦ୍ଧ ବିମାନ କ୍ଷତିଗ୍ରସ୍ତ ହୋଇଛି । ତେବେ ଏହି ଆକ୍ରମଣ ପଛର ଉଦ୍ଦେଶ୍ୟ ଏପର୍ଯ୍ୟନ୍ତ ଜଣା ପଡିନାହିଁ । ପାକିସ୍ତାନର ଅନେକ ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି । ଏୟାରବେସ୍ ଅଞ୍ଚଳରେ ଅବସ୍ଥିତ ସମସ୍ତ ସ୍କୁଲ ଏବଂ କଲେଜ ବନ୍ଦ ରହିଛି । ଆତଙ୍କବାଦୀଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ ଚାଲିଛି । ହେଲିକପ୍ଟର ମାଧ୍ୟମରେ ସର୍ଚ୍ଚ ଅପରେସନ୍ ମଧ୍ୟ କରାଯାଉଛି । ବିଳମ୍ବିତ ରାତିରେ ଏୟାରବେସରେ ଆକ୍ରମଣ କରାଯାଇଥିଲା । ସତର୍କତା ଦୃଷ୍ଟିରୁ ପାକିସ୍ତାନର ସମସ୍ତ ଏୟାରବେସରେ ମଧ୍ୟ ସତର୍କ ସୂଚନା ଜାରି କରାଯାଇଛି ।
Tehreek-e-Jihad Pakistan (TJP) claims that their fidayeens have attacked Mianwali Pakistan Airforce airbase in punjab and destroyed many small & Big jets along with killing PAF Pilots & forces personnel, Ops ongoing….
Local residents posted unverified video footage on social… pic.twitter.com/HVwiAcjj1I
— Megh Updates 🚨™ (@MeghUpdates) November 4, 2023
