Meta Summoned: କ୍ଷମା ମାଗିବେ କି ଜୁକରବର୍ଗ ? ବିଭ୍ରାନ୍ତକାରୀ ତଥ୍ୟକୁ ନେଇ ଭାରତ ସରକାର ପଠାଇବେ ନୋଟିସ

ନୂଆଦିଲ୍ଲୀ: ଭାରତର ନିର୍ବାଚନ ଉପରେ ମାର୍କ ଜୁକରବର୍ଗଙ୍କ ମନ୍ତବ୍ୟକୁ ନେଇ ବର୍ତ୍ତମାନ ହରଣଗଡ଼ାରେ ମେଟା ।  ସଂସଦୀୟ ପ୍ୟାନେଲ କମ୍ପାନୀ ବିରୋଧରେ ସମନ ଜାରି କରିପାରେ ବୋଲି ଚର୍ଚ୍ଚା ବଢିବାରେ ଲାଗିଛି । ଗତକାଲି କେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବ ଫେସବୁକ୍ ପ୍ରତିଷ୍ଠାତା ମାର୍କ ଜୁକରବର୍ଗଙ୍କୁ କଡ଼ା ଜବାବ ଦେଇଥିବା ବେଳେ ଆଜି ଏଭଳି ଖବର ସାମ୍ନାକୁ ଆସିଛ ।

ଜୁକରବର୍ଗ ଦାବି କରିଥିଲେ ଯେ କୋଭିଡ୍-୧୯ ମହାମାରୀ ପରେ, ଭାରତ ସମେତ ଅଧିକାଂଶ ଦେଶର ବର୍ତ୍ତମାନର ସରକାରଙ୍କୁ 2024 ରେ ନିର୍ବାଚନୀ ପରାଜୟର ସମ୍ମୁଖୀନ ହେବାକୁ ପଡିଥିଲା। ମନ୍ତ୍ରୀ କହିଥିଲେ ଯେ ତାଙ୍କ ବକ୍ତବ୍ୟ ତଥ୍ୟଗତ ଭାବରେ ଭୁଲ ଅଟେ ।

ଯୋଗାଯୋଗ ଏବଂ ସୂଚନା ପ୍ରଯୁକ୍ତିବିଦ୍ୟା ସଂସଦୀୟ ସ୍ଥାୟୀ କମିଟିର ଅଧ୍ୟକ୍ଷ ଏବଂ ଭାଜପା ସାଂସଦ ନିଶିକାନ୍ତ ଦୁବେ କହିଛନ୍ତି, ଭୁଲ ସୂଚନା ପ୍ରସାରଣ ପାଇଁ ମେଟାକୁ କ୍ଷମା ମାଗିବା ଆବଶ୍ୟକ । ଏହି ଭୁଲ ସୂଚନା ପାଇଁ ମୋ କମିଟି ମେଟାକୁ ଡାକିବ ।

ଯେକୌଣସି ଗଣତାନ୍ତ୍ରିକ ଦେଶରେ ଭୁଲ ସୂଚନା ଦେଶର ପ୍ରତିଛବିକୁ ଖରାପ କରିଥାଏ। ଏହି ଭୁଲ ପାଇଁ, ସେହି ସଂଗଠନକୁ ଭାରତୀୟ ସଂସଦ ଏବଂ ଏଠାକାର ଲୋକଙ୍କ ନିକଟରେ କ୍ଷମା ମାଗିବାକୁ ପଡିବ ।

ରାଗ ଝାଡିଲେ କେନ୍ଦ୍ରମନ୍ତ୍ରୀ-   ଅଶ୍ବିନୀ ବୈଷ୍ଣବ ଏକ୍ସରେ ପୋଷ୍ଟ କରି କହିଛନ୍ତି, ବୈଷ୍ଣବ ‘X’ରେ ଏକ ପୋଷ୍ଟରେ କହିଛନ୍ତି ଯେ ବିଶ୍ୱର ସର୍ବବୃହତ ଗଣତନ୍ତ୍ର ଭାବରେ, ଭାରତ 2024 ସାଧାରଣ ନିର୍ବାଚନ ଆୟୋଜନ କରିଥିଲା । ଏଥିରେ 64 କୋଟିରୁ ଅଧିକ ଭୋଟର ଅଂଶଗ୍ରହଣ କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଦେଶର ଲୋକମାନେ ଜାତୀୟ ଗଣତାନ୍ତ୍ରିକ ମେଣ୍ଟ ଉପରେ ସେମାନଙ୍କର ବିଶ୍ୱାସ ପ୍ରକାଶ କରିଥିଲେ ଏବଂ ଦଳକୁ କ୍ରମାଗତ ତୃତୀୟ ଥର ପାଇଁ କ୍ଷମତାକୁ ଆଣିଥିଲେ।

ସୂଚନା ଏବଂ ପ୍ରସାରଣ ମନ୍ତ୍ରୀ କହିଛନ୍ତି ଯେ କୋଭିଡ୍ ମହାମାରୀ ପରେ 2024 ନିର୍ବାଚନରେ ​​ଭାରତ ସମେତ ଅଧିକାଂଶ କ୍ଷମତାସୀନ ସରକାର ପରାଜୟର ସମ୍ମୁଖୀନ ହୋଇଥିଲେ ବୋଲି ଜୁକରବର୍ଗଙ୍କ ଦାବି ତଥ୍ୟଗତ ଭାବରେ ଭୁଲ ଅଟେ।

କଣ କହିଥିଲେ ଜୁକରବର୍ଗ- ରିପୋର୍ଟ ଅନୁଯାୟୀ ଜୁକରବର୍ଗ ଏକ ପଡକାଷ୍ଟରେ ଦାବି କରିଥିଲେ ଯେ ଭାରତ ସମେତ ଅଧିକାଂଶ କ୍ଷମତାସୀନ ସରକାର 2024 ମସିହାରେ ବିଶ୍ୱର ବିଭିନ୍ନ ନିର୍ବାଚନରେ ​​ନିର୍ବାଚନୀ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା ।

मेरी कमिटि इस ग़लत जानकारी के लिए @Meta को बुलाएगी । किसी भी लोकतांत्रिक देश की ग़लत जानकारी देश की छवि को धूमिल करती है । इस गलती के लिए भारतीय संसद से तथा यहाँ की जनता से उस संस्था को माफ़ी माँगनी पड़ेगी https://t.co/HulRl1LF4z

— Dr Nishikant Dubey (@nishikant_dubey) January 14, 2025