ଡିସେମ୍ବର ୧୯ରେ ହେବ PGT ଫିଜିକ୍ସ, ଗଣିତ ଏବଂ ଓଡ଼ିଆ ପଦ ପାଇଁ ଲିଖିତ ପରୀକ୍ଷା: ପ୍ରୋଗ୍ରାମ ଜାରି କଲା OPSC

ଭୁବନେଶ୍ୱର(ଓଡ଼ିଶା ଭାସ୍କର): ଆସନ୍ତା ମାସ ୧୯ ତାରିଖ (ରବିବାର) ଦିନ ଅପ୍ସନାଲ ବିଷୟର (ପେପର-୧ ଓ ପେପର-୨) ଲିଖିତ ପରୀକ୍ଷା ଅନୁଷ୍ଠିତ ହେବ । ଦୁଇଟି ପର୍ଯ୍ୟାୟରେ ପ୍ରୋଷ୍ଟ ଗ୍ରାଜୁଏଟ ଟିଚର୍ସ (ପିଜିଟି) ଫିଜିକ୍ସ, ଗଣିତ ଏବଂ ଓଡ଼ିଆ ପଦ ପାଇଁ ପରୀକ୍ଷା କରାଯିବ । ସକାଳ ୧୦ଟାରୁ ୧୨ଟା ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ପରୀକ୍ଷା ଓ ୧.୩୦ରୁ ୩.୩୦ ପର୍ଯ୍ୟନ୍ତ ଦ୍ୱିତୀୟ ପର୍ଯ୍ୟାୟ ପରୀକ୍ଷା ଅନୁଷ୍ଠିତ ହେବ । ରାଜ୍ୟର ଭୁବନେଶ୍ୱର, କଟକ, ବ୍ରହ୍ମପୁର, କଟକ ଓ ସମ୍ବଲପୁର ଆଦି ୫ଟି ଜୋନରେ ଏହି ପରୀକ୍ଷା ଅନୁଷ୍ଠିତ ହେବ । ଓଡ଼ିଶା ଲୋକସେବା ଆୟୋଗ (ଓପିଏସସି) ତରଫରୁ ଟିଜିଟି ପଦର ଲିଖିତ ପରୀକ୍ଷାକୁ ନେଇ ଏକ ପ୍ରୋଗ୍ରାମ ଜାରି କରାଯାଇଛି । ନିୟମିତ ଭାବେ ଅଫିସିଆଲ୍ ୱେବସାଇଟ୍ ପରିଦର୍ଶନ କରିବାକୁ ପ୍ରାର୍ଥୀଙ୍କୁ ପରାମର୍ଶ ଦିଆଯାଇଛି ।