ଗୋରୁ ଚାଲାଣ ବେଳେ ଓଲଟି ପଡିଲା ପିକଅପ, ୪ ଗୋରୁ ମୃତ
ସୋର: ଗୋରୁ ବୋଝେଇ ପିକଅପ ଓଲଟିବା ଯିବା କଥା ସାମ୍ନାକୁ ଆସିଛି । ଗାଡି ଓଲଟିଯିବା ଫଳରେ ୪ ଗୋରୁଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣାଟି ଖଇରା ଥାନା ଅଞ୍ଚଳର ବାଙ୍କିତିରା ଛକ ନିକଟରେ ଘଟିଥିବା କଥା ଜଣାପଡିଛି ।
ସୂଚନା ଅନୁଯାୟୀ, ଖଇରା ଥାନା ଅନ୍ତର୍ଗତ ବାଙ୍କିତିରା ଛକ ନିକଟରେ ଏକ ଗୋରୁ ବୋଝେଇ ପିକଅପ ଗାଡି ଓଲଟି ପଡିଛି । ଡ୍ରାଇଭରଟି ଭାରସାମ୍ୟ ହରାଇଥିବାରୁ ଗାଡିଟି ଓଲଟି ପଡିଛି । ତେବେ ପିକଅପ ଭ୍ୟାନରେ ସମୁଦାୟ ଆଠଟି ଗୋରୁ ଥିଲା, ସେଥି ମଧ୍ୟରୁ ୪ଟି ଗୋରୁଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଚାରୋଟି ଗୋରୁ ଆହତ ହୋଇଛନ୍ତି ।
ଘଟଣାସ୍ଥଳରେ, ପିକଅପ ଗାଡିର ଡ୍ରାଇଭର ଫେରାର ଅଛି । କୁହାଯାଉଛି ଏହି ଗାଡିଟି ଗୋରୁ ଚାଲାଣ କରୁଥିଲା । ଖବର ପାଇ ଖଇରା ପୋଲିସ ପହଁଚି ଘଟଣାର ତଦନ୍ତ ଚଳାଇବା ସହ ଆହତ ଗୋରୁଙ୍କ ଚିକିତ୍ସା ନିମନ୍ତେ ପଶୁ ଡାକ୍ତରଙ୍କୁ ଡକାଯାଇଛି ।
