ଖ୍ରୀଷ୍ଟ ଧର୍ମର ସର୍ବୋଚ୍ଚ ଧର୍ମଗୁରୁ ପୋପ୍ ପ୍ରାନ୍ସିସ୍ଙ୍କ ପରଲୋକ, ୮୮ ବର୍ଷରେ ତ୍ୟାଗ କଲେ ଶେଷ ନିଶ୍ୱାସ
ଆଉ ନାହାନ୍ତି ପୋପ୍ ପ୍ରାନ୍ସିସ୍, ନିମୋନିଆ ରୋଗରେ ଥିଲେ ପୀଡ଼ିତ
ନୂଆଦିଲ୍ଲୀ: ଖ୍ରୀଷ୍ଟ ଧର୍ମର ସର୍ବୋଚ୍ଚ ଧର୍ମଗୁରୁ ପୋପ୍ ପ୍ରାନ୍ସିସ୍ଙ୍କ ପରଲୋକ। ସୂଚନାନୁଯାୟୀ, ନିମୋନିଆ ରୋଗରେ ପୀଡ଼ିତ ହୋଇ ଚିକିତ୍ସାଧୀନ ଥିଲେ। ପ୍ରାୟ ୫ ସପ୍ତାହ ହେଲା ଚିକିତ୍ସାଧୀନ ଥିଲେ।
୮୮ ବର୍ଷରେ ପରଲୋକ ନେଇ ଭାଟିକାନ ସିଟି ପକ୍ଷରୁ ସୂଚନା ରହିଛି। ୨୦୨୧ ମସିହାରେ ସେ ରୋମର ଇସି ଜେମେଲୀ ହସ୍ପିଟାଲରେ ୧୦ ଦିନ ପାଇଁ ଭର୍ତ୍ତି ହୋଇଥିଲେ।
ଭାଟିକାନ ପକ୍ଷରୁ ଜାରି କରାଯାଇଥିବା ବିବୃତ୍ତିରେ କୁହାଯାଇଛି ଯେ, ପୋପ ଫ୍ରାନ୍ସିସ୍ ସୋମବାର, ୨୧ ଅପ୍ରେଲ ୨୦୨୫ରେ ୮୮ ବର୍ଷରେ ଭାଟିକାନର କାସା ସାନ୍ତା ମାର୍ଟା ସ୍ଥିତ ନିଜ ନିବାସରେ ଦେହତ୍ୟାଗ କରିଛନ୍ତି।
ପୋପ୍ ଫ୍ରାନ୍ସିସ୍ଙ୍କ ସରଳ ଜୀବନ:
ପୋପ୍ ଫ୍ରାନ୍ସିସ୍ ନିଜର ସରଳତା, ଦୟା ଏବଂ ଗରିବଙ୍କ ପ୍ରତି ସହାନୁଭୂତି ପାଇଁ ଜଣାଶୁଣା। ସେ ସରଳ ଜୀବନଯାପନର ଏକ ଉଦାହରଣ ସୃଷ୍ଟି କରିଛନ୍ତି।
ପୋପ୍ ପ୍ରାୟତଃ ସାମାଜିକ ନ୍ୟାୟ, ପରିବେଶ ସୁରକ୍ଷା, ଶରଣାର୍ଥୀ ଅଧିକାର ଏବଂ ଧାର୍ମିକ ସହିଷ୍ଣୁତା ଭଳି ପ୍ରସଙ୍ଗ ଉପରେ ଖୋଲାଖୋଲି ଭାବରେ କଥା ହେଉଥିଲେ।
ପୋପ୍ ଅନେକ ସଂସ୍କାର କରିଥିଲେ:
ପୋପ୍ ଫ୍ରାନ୍ସିସ୍ ଆଲୋଚନାରେ ସ୍ୱଚ୍ଛତା ଏବଂ ସଂସ୍କାର ଆଣିବା ପାଇଁ ଅନେକ ପଦକ୍ଷେପ ନେଇଛନ୍ତି। ସେ ବିଶ୍ୱାସ କରନ୍ତି ଯେ, ଚର୍ଚ୍ଚକୁ କେବଳ ପରମ୍ପରା ସହିତ ନୁହେଁ ବରଂ ଆଧୁନିକ ଯୁଗର ଆହ୍ୱାନ ସହିତ ମଧ୍ୟ ତାଳ ଦେଇ ଚାଲିବାକୁ ପଡିବ।
ଶୁଭ ଇଷ୍ଟର:
ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ରବିବାର ପୋପ୍ ଫ୍ରାନ୍ସିସ୍ଙ୍କୁ ଭେଟିଥିଲେ। ଜେ.ଡି. ଭାନ୍ସଙ୍କୁ ଭେଟିବା ସହିତ, ପୋପ୍ ଫ୍ରାନ୍ସିସ୍ ଇଷ୍ଟରରେ ସେଣ୍ଟ ପିଟର୍ସ ସ୍କୋୟାରରେ ହଜାର ହଜାର ଲୋକଙ୍କୁ ଆଶୀର୍ବାଦ ଦେବା ପାଇଁ ସାର୍ବଜନୀନ ଭାବରେ ମଧ୍ୟ ଦେଖା ଦେଇଥିଲେ।
ଏହି ଅବସରରେ ଲୋକଙ୍କ ଭିଡ଼ ତାଙ୍କୁ କରତାଳି ଦେଇ ସ୍ୱାଗତ କରିଥିଲା। ପୋପ୍ ଫ୍ରାନ୍ସିସ୍ ଲୋକମାନଙ୍କୁ ଇଷ୍ଟରର ଶୁଭକାମନା ଜଣାଇ କହିଥିଲେ, “ଭାଇ ଏବଂ ଭଉଣୀମାନଙ୍କୁ, ଇଷ୍ଟରର ଶୁଭେଚ୍ଛା !”
“Pope Francis died on Easter Monday, April 21, 2025, at the age of 88 at his residence in the Vatican’s Casa Santa Marta,” posts Vatican News (@VaticanNews). pic.twitter.com/pjcqL9OQ4f
— Press Trust of India (@PTI_News) April 21, 2025