IPLରେ ବି ‘ପୁଷ୍ପା ସେଲିବ୍ରେସନ’: ୱିକେଟ ପରେ ଏମିତି ଷ୍ଟାଇଲ ଦେଖାଇଲେ ରାଜସ୍ଥାନର ଏହି ଖେଳାଳି
ମୁମ୍ବାଇ: ରାଜସ୍ଥାନ ରୋୟଲ୍ସ କୋଲକାତା ବିପକ୍ଷ ମ୍ୟାଚରେ ଚଳିତ ସିଜନର ଷଷ୍ଠ ବିଜୟ ହାସଲ କରିଛି । ବ୍ରାମେବାର୍ଣ୍ଣ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ ଶେଷ ଓଭର ପର୍ଯ୍ୟନ୍ତ ମୋଡ ବଦଳାଇ ଚାଲିଥିବା ବେଳେ ଶେଷ ଓଭରରେ ଦଳକୁ ୭ରନରେ ବିଜୟୀ କରାଇଥିଲେ ଓବେଡ ମକାୟ । ଶେଷ ଓଭରରେ କୋଲକାତାକୁ ୧୧ ରନ ଆବଶ୍ୟକ ଥିବା ବେଳେ ରାଜସ୍ଥାନ ହାତରେ ଦୁଇଟି ୱିକେଟ ବାକି ଥିଲା । କିନ୍ତୁ ଉଭୟ ୱିକେଟ ଅକ୍ତିଆର କରି ମକାୟ ଦଳ ପାଇଁ ବିଜୟ ଭେଟି ଦେଇଛନ୍ତି । ଆଉ ଏହାପରେ ସେ ମଧ୍ୟ ଦେଖାଇଥିଲେ ପୁଷ୍ପା ଷ୍ଟାଇଲ । ଦର୍ଶକଙ୍କୁ ଦେଖାଇଥିଲେ ‘ମକାୟ- ଝୁକେଗୋ ନେହିଁ’ ।
ମ୍ୟାଚରେ ବିଜୟ ହାସଲ କରିବା ପରେ ମକାୟ ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପାର ଏକ ଝଲକ ଦେଖାଇଛନ୍ତି । ଏହାର ଭିଡିଓ ଏବେ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି । ପୁଷ୍ପା ଫିଲ୍ମର ଏହି ଷ୍ଟାଇଲ କେବଳ ଭାରତୀୟ ନୁହେଁ ବିଦେଶୀ ଖେଳାଳିମାନଙ୍କ ଉପରେ ମଧ୍ୟ ଯାଦୁ କରିଛି । ଅନେକ କ୍ରିକେଟର ଏହି ଷ୍ଟାଇଲର ନକଲ କରୁଥିବାର ଭିଡିଓ ଏବେ ସୋଶିଆଲ ମିଡିଆରେ ଭର୍ତ୍ତି ହୋଇଗଲାଣି । ସେଥିରେ ସାମିଲ ହୋଇଛନ୍ତି ରାଜସ୍ତାନର ଦ୍ରୁତ ବୋଲରଓବେଡ ମକାୟ । କୋଲକାତା ବିପକ୍ଷ ମ୍ୟାଚରେ ଶେଷ ଓଭରରେ ୪ ବଲରେ ୨ୱିକେଟ ନେଇ କୋଲକାତାକୁ ଅଲ ଆଉଟ କରି ଦେଇଥିଲେ । ଏହାପରେ ବିଜୟର ଖୁସିରେ ସେ କରିଥିଲେ ପୁଷ୍ପା ଫିଲ୍ମର ନକଲ ।
Obed McCo Thaggede Le With BGM Thaggedhey Le Pushpa craze KKR vs RR#obedmccoy #Pushpa #Thaggedele @alluarjun @KKRiders @rajasthanroyals https://t.co/GResz4sQIw pic.twitter.com/piNT83rpv8
— Imtiyaz Jilani (@imtiyaz_jilani) April 18, 2022
କୋଲକାତାକୁ ଶେଷ ୬ ବଲରେ ୧୧ ରନର ଆବଶ୍ୟକତା ଥିଲା । କିନ୍ତୁ ହାତରେ ବାକି ଥିଲା ମାତ୍ର ୨ଟି ୱିକେଟ । ତେବେ ଦ୍ୱିତୀୟ ବଲରେ ଶେଲଡନ ଜ୍ୟାକସନ ଏବଂ ଚତୁର୍ଥ ବଲରେ ଉମେଶ ଯାଦବଙ୍କୁ ଆଉଟ କରି ଦଳକୁ ବିଜୟୀ କରାଇବାରେ ସଫଳ ହୋଇଥିଲେ । ଏହାପରେ ସେ ପୁଷ୍ପା ଷ୍ଟାଇଲରେ ସେଲିବ୍ରେସନ କରିଥିଲେ । ଯାହାର ଭିଡିଓ ,ବେ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି ।
