ରାଜଧାନୀରେ ଅଖଚଖ ଜାମ କରିବ କଂଗ୍ରେସ, ଭାରତ ଯୋଡୋ ଯାତ୍ରାରେ ଯୋଗ ଦେବେ ୫୦ ହଜାରରୁ ଅଧିକ ଯାତ୍ରୀ

ନୂଆଦିଲ୍ଲୀ:ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ‘ଭାରତ ଯୋଡୋ ଯାତ୍ରା’ ଆଜି ରାଜଧାନୀ ଦିଲ୍ଲୀରେ ପ୍ରବେଶ କରୁଛି । ଏହି ଯାତ୍ରାକୁ ଦୃଷ୍ଟିରେ ରଖି ଦିଲ୍ଲୀ ପୋଲିସ କିଛି ଟ୍ରାଫିକ ପରାମର୍ଶଦାତା ଜାରି କରିଛି। ଯାତ୍ରାର ଯାତାୟାତ ମାର୍ଗରେ ନ ଯିବାକୁ ପୋଲିସ ଲୋକଙ୍କୁ ନିବେଦନ କରିଛି। ଭିଡ଼ ଯୋଗୁଁ ଲୋକମାନେ ଜାମରେ ଅଟକି ଯାଇପାରନ୍ତି ।

ଦିଲ୍ଲୀ ପୋଲିସର ପରାମର୍ଶଦାତା ଅନୁଯାୟୀ ରାହୁଲ ଗାନ୍ଧୀଙ୍କ ନେତୃତ୍ୱାଧୀନ ଏହି ଯାତ୍ରା ଶନିବାର ପୂର୍ବାହ୍ନ ୬:୩୦ ସମୟରେ ଦକ୍ଷିଣ-ପୂର୍ବ ଦିଲ୍ଲୀର ବଦରପୁର ସୀମାରୁ ପ୍ରବେଶ କରିବ ଏବଂ ଆଶ୍ରମ ଚକ୍ ଦେଇ ଲାଲକିଲ୍ଲାରେ ପହଞ୍ଚିବ ଏବଂ ୨୩ କିଲୋମିଟର ଦୂରତା ଅତିକ୍ରମ କରିବ। ଏଥିରେ କୁହାଯାଇଛି ଯେ ଏହି ଯାତ୍ରା ସକାଳ ପ୍ରାୟ ୧୦.୩୦ ସମୟରେ ରେ ଆଶ୍ରମ ଚକ୍ ନିକଟରେ ଜୟ ଦେବ ଆଶ୍ରମରେ ପହଞ୍ଚିବ ଏବଂ ସନ୍ଧ୍ୟା ପ୍ରାୟ ୪:୩୦ ରେ ଲାଲକିଲ୍ଲାରେ ରେ ଶେଷ ହେବ। ଏହି ଯାତ୍ରାରେ ବହୁ ସଂଖ୍ୟକ ପଥଚାରୀ ଏବଂ ଯାନ ଅଂଶଗ୍ରହଣ କରିବ ବୋଲି ଆଶା କରାଯାଉଛି।

ତେବେ ସାରା ଦେଶରେ ଚାଲିଥିବା ଏହୀ ଯାତ୍ରା ଆଜି ରାଜଧାନୀ ଦିଲ୍ଲୀରେ ପ୍ରବେଶ କରିବ । ଆଜି କଂଗ୍ରେସ ଦିଲ୍ଲୀରେ ତାର ଶକ୍ତି ପ୍ରଦର୍ଶନ କରିବ ।ଏହି ଯାତ୍ରାରେ କଂଗ୍ରେସର ବରିଷ୍ଠ ନେତା ମାନଙ୍କ ସହିତ ଅନ୍ୟ ଦଳର ବରିଷ୍ଠ ନେତା ମାନେ ମଧ୍ୟ ସାମିଲ ହୋଇପାରନ୍ତି । କାରଣ କଂଗ୍ରେସ ଚାହୁଁଛି ଦିଲ୍ଲୀରେ ପ୍ରବେଶ କରିବା ପରେ ଏହି ଯାତ୍ରାକୁ ଏକ ବଡ ଆକାର ଦିଆଯାଉ। ଆଜିର ଏହି ଯାତ୍ରାରେ ଅଭିନେତା କମଲ ହାସନ ମଧ୍ୟ ଯୋଗ ଦେବେ । ଏହା ବ୍ୟତୀତ କିଛି ସ୍ୱାଧୀନତା ସଂଗ୍ରାମୀ ମାନଙ୍କ ପରିବାର ମଧ୍ୟ ଏହି ଯାତ୍ରାରେ ସାମିଲ ହେବେ ।

ସୂଚନାମୁତାବକ ଦିଲ୍ଲୀରେ ୪୦ ରୁ ୫୦ ହଜାର ଯାତ୍ରୀ ରାହୁଲଙ୍କ ଏହି ପଦ ଯାତ୍ରାରେ ସାମିଲ ହେବେ ବୋଲି ସୂଚନା ମିଳିଛି ।ରାହୁଲଙ୍କ ଏହି ପଦ ଯାତ୍ରାରେ ବର୍ତ୍ତମାନ ବହୁ ଲୋକପ୍ରିୟତା ସାଉଁଟୁଛି । ଯାହା ପାଇଁ ଜନିା ମାନେ ଏହି ଯାତ୍ରାରେ ରାହୁଲଙ୍କ ସହିତ ଯୋଡ଼ି ହେବାକୁ ଧାଇଁଆସୁଛନ୍ତି ।