ରାହୁଲ ଗାନ୍ଧୀ ଅସୁସ୍ଥ ,ରଦ୍ଦ ହେଲା ନିର୍ବାଚନୀ ଗସ୍ତ
ନୂଆଦିଲ୍ଲୀ:କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଯିବାରୁ ତାଙ୍କର ମଧ୍ୟପ୍ରଦେଶ ସତନା ଗସ୍ତକୁ ସ୍ଥଗିତ କରିଦିଆଯାଇଛି । ତାଙ୍କ ସ୍ଥାନରେ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍ଗେ ସତନା ଯାତ୍ରା କରିବେ । କଂଗ୍ରେସ ମଧ୍ୟପ୍ରଦେଶ ରାଜ୍ୟ ଅଧ୍ୟକ୍ଷ ଜିତୁ ପଟୱାରୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ରାହୁଲ ଗାନ୍ଧୀ ଅସୁସ୍ଥ ଥିବା କାରଣରୁ ଆଜି ସତନା ଆସି ପାରୁନାହାନ୍ତି । ଏପରି ସ୍ଥିତିରେ ସେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ସତନା ଯିବାକୁ ଅନୁରୋଧ କରିଛନ୍ତି । ସେ ଲେଖିଛନ୍ତି ସତନାରୁ ଲୋକସଭା ପ୍ରାର୍ଥୀ ସିଦ୍ଧାର୍ଥ କୁଶବାହାଙ୍କ ସମର୍ଥନରେ ହେଉଥିବା ସଭାରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ଉପସ୍ଥିତ ରହିବେ । ଖୁବ୍ ଶୀଘ୍ର ରାହୁଲ ଗାନ୍ଧୀ ସୁସ୍ଥ ହୋଇ ରାଜ୍ୟରେ ବିଭିନ୍ନ କାର୍ଯ୍ୟକ୍ରମରେ ସାମିଲ ହେବେ ବୋଲି ସେ ଲେଖିଛନ୍ତି ।
କଂଗ୍ରେସର ମିଡିଆ ସେଲ୍ ପ୍ରଭାରୀ ଜୟରାମ ରମେଶ ଏକ୍ସରେ ଏକ ପୋଷ୍ଟ କରି ଲେଖିଛନ୍ତି, ରାହୁଲ ଗାନ୍ଧୀ ଆଜି ସତନା ଓ ରାଞ୍ଚିରେ ନିର୍ବାଚନ ପ୍ରଚାର ଲାଗି ସଂପୂର୍ଣ୍ଣ ଭାବରେ ପ୍ରସ୍ତୁତ ଥିଲେ କିନ୍ତୁ ସେ ଅଚାନକ ଅସୁସ୍ଥ ହୋଇପଡିଲେ । ତେଣୁ ସେ ଏବେ ନୂଆଦିଲ୍ଲୀରୁ ବାହାରକୁ ଯାଇପାରିବେ ନାହିଁ ।
श्री राहुल गांधी आज सतना और रांची में चुनाव प्रचार के लिए पूरी तरह से तैयार थे, जहां INDIA की रैली हो रही है। लेकिन वह अचानक बीमार हो गए हैं और फिलहाल नई दिल्ली से बाहर नहीं जा सकते हैं। कांग्रेस अध्यक्ष श्री मल्लिकार्जुन खरगे जी अवश्य सतना में जनसभा को संबोधित करने के बाद रांची…
— Jairam Ramesh (@Jairam_Ramesh) April 21, 2024
ଏଠାରେ ସୂଚାଇ ଦିଆଯାଇପାରେ କି ମଧ୍ୟପ୍ରଦେଶରେ ପ୍ରଥମ ପର୍ଯ୍ୟାୟ ମତଦାନ ହୋଇସାରିଛି । ୨୬ ଏପ୍ରିଲରେ ଏଠାରେ ଦ୍ୱିତୀୟ ପର୍ଯ୍ୟାୟ ମତଦାନ ହେବ ।
