ରାଜୁ ଶ୍ରୀବାସ୍ତବଙ୍କ ପ୍ରଶଂସକଙ୍କ ପାଇଁ ଖୁସି ଖବର;ଫେରିଲା ରାଜୁ ଶ୍ରୀବାସ୍ତବଙ୍କ ଚେତା
ମୁମ୍ବାଇଁ : ରାଜୁ ଶ୍ରୀବାସ୍ତବଙ୍କ ସମସ୍ତ ପ୍ରଶଂସକଙ୍କ ପାଇଁ ଏକ ଖବର। ଆଜି ସକାଳେ ରାଜୁ ଶ୍ରୀବାସ୍ତବଙ୍କ ଚେତା ଫେରି ପାଇଛନ୍ତି। ରାଜୁ ଗତ ୧୫ ଦିନ ପାଇଁ AIIMS ରେ ଭର୍ତ୍ତି ହୋଇଥିଲେ । ଡାକ୍ତର ଦଳ ତାଙ୍କ ପ୍ରତି ମୁହୂର୍ତ୍ତ ଉପରେ ନଜର ରଖିଛନ୍ତି । ସମସ୍ତେ ଆଶା କରୁଥିଲେ ଯେ ରାଜୁ ଭଲରେ ରହିବେ। ରାଜୁଙ୍କ ପୁନରୁଦ୍ଧାର ପାଇଁ ସମସ୍ତେ ପ୍ରାର୍ଥନା କରୁଥିବା ବେଳେ ଆଜି ସମସ୍ତଙ୍କ ପ୍ରାର୍ଥନା ଶୁଣିଛନ୍ତି ଭଗବାନ । ରାଜୁ ଆଜି ତାଙ୍କ ଚେତା ଫେରି ପାଇଛନ୍ତି।
ରାଜୁ ଶ୍ରୀବାସ୍ତବଙ୍କ PRO ଏବଂ ପରାମର୍ଶଦାତା ଅଜିତ ସକ୍ସେନା ହାସ୍ୟ ଅଭିନେତାଙ୍କ ସ୍ୱାସ୍ଥ୍ୟ ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି- ‘ରାଜୁ ଶ୍ରୀବାସ୍ତବ ସକାଳ ୮.୧୦ ରେ ଚେତା ଫେରି ପାଇଛନ୍ତି।’ ରାଜୁ ଚେତା ଫେରି ଆସିବା ପରେ ହାସ୍ୟ ଅଭିନେତାଙ୍କ ପରିବାରର ମୁହଁରେ ହସ ଫେରି ଆସିଛି। ରାଜୁଙ୍କର ସମସ୍ତ ପ୍ରଶଂସକ ଯେଉଁମାନେ ତାଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଥିଲେ ସେମାନେ ମଧ୍ୟ ଏହିଖବର ଶୁଣିବା ପରେ ଆଶ୍ବସ୍ତି ଅନୁଭବ କରିଛନ୍ତି ।
ରିପୋର୍ଟ ଅନୁସାରେ, ରାଜୁ ଜିମରେ ବ୍ୟାୟାମ କରୁଥିବା ବେଳେ ତାଙ୍କୁ ହାର୍ଟ ଆଟାକ୍ ଆସିଥିଲା । ଏମ୍ସରେ ଡାକ୍ତରୀ ଟିମ୍ ତାଙ୍କୁ ଭଲ କରିବାରେ ଲାଗିପଡ଼ିଛନ୍ତି । ଏହି ଖବର ଶୁଣି ରାଜୁଙ୍କ ଫ୍ୟାନ୍ସମାନେ ଭାଙ୍ଗି ପଡ଼ିଛନ୍ତି ଓ ତାଙ୍କର ଆଶୁ ଆରୋଗ୍ୟ କାମନା କରୁଛନ୍ତି ।
ତେବେ ଉତ୍ତରପ୍ରଦେଶରେ ଜନ୍ମ ହୋଇଥିବା ରାଜୁଙ୍କୁ କମେଡିର ବାଦ୍ଶାହ କୁହାଯାଏ । ସେ ଅନେକ ଫିଲ୍ମ ଏବଂ ଟିଭି ଶୋ’ରେ କାମ କରିଛନ୍ତି । ବର୍ଷ ବର୍ଷ ଧରି ରାଜୁ ନିଜର କମେଡି ଦ୍ୱାରା ଲୋକମାନଙ୍କୁ ହସାଇ ଆସୁଛନ୍ତି । ସେ ପିଲାବେଳୁ ହିଁ କମେଡିଆନ ହେବାକୁ ଚାହୁଁଥିଲେ ଏବଂ ନିଜର ଏହି ସ୍ୱପ୍ନକୁ ପୂରା ମଧ୍ୟ କରିଥିଲେ । ରାଜୁ ଶ୍ରୀବାସ୍ତବ ଷ୍ଟେଜ୍ ଶୋ’ରୁ ନିଜର କ୍ୟାରିୟର ଆରମ୍ଭ କରିଥିଲେ । ସୂଚନା ଅନୁସାରେ, ଏବେ ତାଙ୍କର ଚିକିତ୍ସା ଚାଲିଛି ।
