ସିଲ୍ ହେଲା ଭୁବନେଶ୍ୱର ରାମ ମନ୍ଦିର ଫଙ୍କସନ୍ ହଲ୍
ଭୁବନେଶ୍ୱର, ୭ା୪ (ଓଡିଶା ଭାସ୍କର) : ଦେଶରେ କରୋନାର ଦ୍ୱିତୀୟ ଲହର ଆରମ୍ଭ ହୋଇଯାଇଥିବା ବେଳେ ଲୋକେ ସଚେତନତା ରକ୍ଷା କରୁନାହାନ୍ତି । ଯଦ୍ୱାରା ସଂକ୍ରମଣର ମାତ୍ରା କ୍ରମାଗତ ଭାବରେ ବଢ଼ିବାରେ ଲାଗିଛି । ବର୍ତ୍ତମାନ ଏହା ପ୍ରଶାସନର ଚିନ୍ତାର କାରଣ ପାଲଟିଛି । ଏହି ସମୟରେ ରାଜ୍ୟ ସରକାର ଲୋକଙ୍କୁ ସଚେତନ ହେବାକୁ କହୁଛନ୍ତି । ହେଲେ କିଛି ବେପରୁଆ ଲୋକଙ୍କ ପାଇଁ ପ୍ରତିଦିନ ସଂକ୍ରମଣର ହାର ବଢ଼ିଚାଲିଛି । ଏହି ପରିପ୍ରେକ୍ଷୀରେ ଆଜି ଭୁବନେଶ୍ୱର ରାମ ମନ୍ଦିର ଫଙ୍କସନ୍ ହଲ୍ କୁ କୋଭିଡ୍ ନିୟମ ଭାଙ୍ଗିଥିବାରୁ ସିଲ୍ କରିଦେଇଛି ।
ସୁଚନା ଅନୁସାରେ, ଆଜି ଭୁବନେଶ୍ୱର ରାମ ମନ୍ଦିର ଫଙ୍କସନ୍ ହଲ୍ ରେ ବିନା ଅନୁମତିରେ ଜନ୍ମଦିନ ପାଳନ କରାଯାଉଥିଲା । ଏହି ସମୟରେ ପୋଲିସ୍ ଚଢ଼ାଉ କରି ଫଙ୍କସନ୍ ହଲ୍ କୁ ସିଲ୍ କରିଦେଇଛନ୍ତି । ଏଥିସହିତ ଜୋରିମାନା ମଧ୍ୟ ଆଦାୟ କରାଯାଇଛି ।
