‘୨୦୨୨ ଶେଷ ସୁଦ୍ଧା ହେବ ଆଲିଆ ଓ ରଣବୀରଙ୍କ ବାହାଘର, ୨୦୩୭ରେ ଛାଡ଼ପତ୍ର’
ମୁମ୍ବାଇ: ବଲିଉଡ ଅଭିନେତା ରଣୀବୀର କପୁର ଓ ଆଲିଆ ଭଟ୍ଟଙ୍କ ବାହାରକୁ ନେଇ ବିବାଦୀୟ ବୟାନ ପରେ ଟ୍ରୋଲ ହୋଇଛନ୍ତି ଅଭିନେତା ତଥା ସମାଲୋଚକ କମାଲ ରାଶିଦ ଖାନ୍ । ସେ ନିଜର ବୟାନକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି । କେଆରକେ ନାମରେ ସେ ଲୋକଙ୍କ ମଧ୍ୟରେ ବେଶ ଜଣାଶୁଣା, ଯେକି ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଚର୍ଚ୍ଚାରେ ରହିଥାନ୍ତି । ଏହାରି ମଧ୍ୟରେ କେଆରକେ ରଣବୀର କପୁର ଓ ଆଲିଆ ଭଟ୍ଟଙ୍କ ବାହାଘରକୁ ନେଇ ଟ୍ୱିଟ୍ କରିଛନ୍ତି ।
Prediction 08- Ranbir Kapoor and Alia Bhatt will get married max till end of 2022. But Ranbir Kapoor will divorce her within 15 years after marriage!
— KRK (@kamaalrkhan) July 13, 2021
ତେବେ କେଆରକେ ଟ୍ୱିଟରେ କିଛି ଭବିଷ୍ୟତବାଣୀ ପୋଷ୍ଟ କରନ୍ତି । ଏହାରି ମଧ୍ୟରେ ସେ ରଣବୀର କପୁର ଓ ଆଲିଆ ଭଟ୍ଟଙ୍କଚ ବାହାଘରକୁ ନେଇ ପୂର୍ବାନୁମାନ କରିଛନ୍ତି । କେଆରକେ ଟ୍ୱିଟରେ ଲେଖିଛନ୍ତି ଯେ, ‘ରଣପୀର କପୁର ଓ ଆଲିଆ ଭଟ୍ଟ ୨୦୨୨ ଶେଷ ସୁଦ୍ଧା ବିବାହ ବନ୍ଧନରେ ବାନ୍ଧି ହେବେ । କିନ୍ତୁ ରଣବୀର ବିବାହର ୧୫ ବର୍ଷ ପରେ ଆଲିଆଙ୍କୁ ଛାଡ଼ପତ୍ର ଦେବେ ।’ ଅର୍ଥାତ୍ କେଆରକେଙ୍କ ମୁତାବକ, ୨୦୩୭ ମସିହା ପୂର୍ବରୁ ରଣବୀର ଓ ଆଲିଆ ଅଲଗା ହୋଇଯିବେ ।
ରଣବୀର-ଆଲିଆଙ୍କ ବିବାହ ପରେ ଛାଡପତ୍ରର ଭବିଷ୍ୟବାଣୀ କରିଥିବାରୁ କେଆରକେ ସୋସିଆଲ ମିଡିଆରେ ଖୁବ୍ ଟ୍ରୋଲ ହେଉଛନ୍ତି । ଏମିତିରେ ବି ସୋସିଆଲ ମିଡିଆରେ କେଆରକେ ଟ୍ରୋଲ ହେବା ଘଟଣା ପ୍ରଥମ ନୁହେଁ । ଏହାପୂର୍ବରୁ ତାଙ୍କୁ ଅନେକ ଥର ବିଭିନ୍ନ କାରଣରୁ ଟ୍ରୋଲ ହୋଇଛନ୍ତି ।
