ଢେଙ୍କାନାଳରେ ଚାଞ୍ଚଲ୍ୟ..ରାତି 8ଟାରେ ଘରେ ପଶିଲା ଦୁର୍ବୃତ୍ତ, ମହିଳାଙ୍କ ହାତଗୋଡ଼ ବାନ୍ଧି ଛୁରୀ ଦେଖାଇ ଦୁଷ୍କର୍ମ

ନୂଆଦିଲ୍ଲୀ: ଢେଙ୍କାନାଳରୁ ସାମ୍ନାକୁ ଆସିଛି ଲୋମହର୍ଷଣକାରୀ ଘଟଣା । ଘରେ ପଶି ମହିଳାଙ୍କ ହାତଗୋଡ଼ ବାନ୍ଧି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ତବେ ପୀଡିତାଙ୍କ ଅଭିଯୋଗ ପରେ ଅଭିଯୁକ୍ତକୁ ବାନ୍ଧିଛି ପୋଲିସ ।

ରାତିରେ ଘରେ ପଶିଥିଲା ଦୁର୍ବୃତ୍ତ:  ଢେଙ୍କାନାଳ ସଦର ଥାନା ଅଞ୍ଚଳରୁ ସାମ୍ନାକୁ ଆସିଛି ଏହି ଘଟଣା । ସୂଚନା ଅନୁସାରେ, ଗତ ଶୁକ୍ରବାର ଦିନ ପୀଡିତା ଜଣକ ଘରେ ଏକୁଟିଆ ରହିଥିବା ବେଳେ ଅଭିଯୁକ୍ତ ଜଣକ ରାତି ପ୍ରାୟ 8ଟା ସମୟରେ ଘରେ ପ୍ରବେଶ କରିଥିଲା । ଏହାପରେ ମହିଳାଙ୍କୁ ଦୁଷ୍କର୍ମ ପାଇଁ ଉଦ୍ୟମ କରିବା ବେଳେ ପୀଡିତାଜଣକ ଚିତ୍କାର କରିଥିଲେ ।

ମୁହଁ ବନ୍ଦ କରି ଛୁରୀ ଦେଖାଇ ଦୁଷ୍କର୍ମ ଉଦ୍ୟମ-   ଏହି ସମୟରେ ସେ ମୁହଁ ବନ୍ଦ କରି ଛୁରୀ ଦେଖାଇ ଦୁଷ୍କର୍ମ କରିଥିଲା । ଏନେଇ ପୀଡିତା ଆଜି ସଦର ଥାନାରେ ଅଭିଯୋଗ କରିଥିଲେ ।

ବର୍ତ୍ତମାନ ଢେଙ୍କାନାଳରେ ଏହା ଚର୍ଚ୍ଚାର ବିଷୟ ପାଲଟିଛି । ଅଭିଯୋଗ ଆଧାରରେ ତଦନ୍ତ କରି ପୋଲିସ ଅଭିଯୁକ୍ତକୁ ଗିରଫ କରିଛି । ତେବେ ଅଭିଯୁକ୍ତ ହୃଷୀକେଶର ଧର ଦେବଗଡ଼ ଜିଲ୍ଲା ବାରକୋଟ ଥାନା ଶରଣକୋଟ ଗାଁର ।