ରତନ ରାଜପୁତ: ୧୪ ବର୍ଷ ପୂର୍ବେ କାଷ୍ଟିଂ କାଉଚ୍ର ଶିକାର ହୋଇଥିଲି…
ମୁମ୍ବାଇ: ଟେଲିଭିଜନ୍ ଜଗତର ଜଣେ ଜଣାଶୁଣା ଅଭିନେତ୍ରୀ ହେଉଛନ୍ତି ରତନ ରାଜପୁତ । ଯିଏକି ସର୍ବଦା ସୋସିଆଲ୍ ମିଡ଼ିଆରେ ଖୁବ୍ ଆକ୍ଟିଭ୍ ରହିଥାନ୍ତି । ଏଥିସହିତ ସେ ପ୍ରତ୍ୟେକ କ୍ଷେତ୍ରରେ ନିଜର ସ୍ପଷ୍ଟ ମତ ରଖିଥାନ୍ତି ଏବଂ ପ୍ରଶଂସକମାନଙ୍କୁ ନିଜ ବ୍ୟକ୍ତିଗତ ଜୀବନ ବିଷୟରେ ଅବଗତ କରାଇଥାଆନ୍ତି । ନିକଟରେ ରତନ ରାଜପୁତ ତାଙ୍କ ବ୍ୟକ୍ତିଗତ ଜୀବନ ନେଇ ଏକ ଚାଞ୍ଚଲ୍ୟକର ଘଟଣା ଉପରୁ ପରଦା ହଟାଇଛନ୍ତି । ସେ କିଭଳି ଅତୀତରେ କାଷ୍ଟିଙ୍ଗ୍ କାଉଚ୍ର ଶିକାର ହୋଇଥିଲେ ତାହା ଜଣାଇଛନ୍ତି ।
ରାଜପୁତ୍ କହିଛନ୍ତି ଯେ, ୧୪ ବର୍ଷ ପୂର୍ବେ ଜଣେ ୬୦-୬୫ ବର୍ଷ ବୟସ୍କ ପ୍ରଯୋଜକ ତାଙ୍କ ସହ ଦୁର୍ବ୍ୟବହାର କରିବାକୁ ଚେଷ୍ଟା କରିଥିଲେ । ରତନ ବିରୋଧ କରିବାରୁ ପ୍ରଯୋଜକ କହିଥିଲେ ଯେ, ଯଦି ତାଙ୍କ ନିଜ ଝିଅ ମଧ୍ୟ ଚଳଚ୍ଚିତ୍ରରେ ଡେବ୍ୟୁ କରିଥାନ୍ତା ତେବେ ସେ ତା ସହ ଏଭଳି କରିବାକୁ ଦ୍ୱିଧା କରି ନ ଥାନ୍ତେ । ରତନ ରାଜପୁତ ନିଜର ସଂଘର୍ଷର ଦିନଗୁଡ଼ିକୁ ମନେପକାଇ କହିଛନ୍ତି । ସେ ପ୍ରାୟ ୧୪ ବର୍ଷ ପୂର୍ବେ ସେ ମୁମ୍ବାଇ ଆସିଥିଲେ । ସେଠାରେ ଅଭିନୟ ସୁଯୋଗ ପାଇବା ଲାଗି ଜଣେ ୬୦-୬୫ ବର୍ଷ ବୟସ୍କ ବ୍ୟକ୍ତିଙ୍କୁ ଭେଟିଥିଲେ । ସେହି ବ୍ୟକ୍ତି ରତନଙ୍କୁ ବହୁତ ଅପମାନ କରିବା ପରେ ତାଙ୍କର ପୂରା ଲୁକ୍ ବଦଳାଇବାକୁ ପଡ଼ିବ ବୋଲି କହିଥିଲେ । ଏଥିାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିବାକୁ ହେବ ।
View this post on Instagram
ଏହା ପରେ ସେହି ବ୍ୟକ୍ତି ଜଣକ ରତନ ରାଜପୁତଙ୍କୁ କହିଥିଲେ, ମୁଁ ତୁମ ଉପରେ ଲକ୍ଷ ଲକ୍ଷ ଟଙ୍କା କାହିଁକି ଖର୍ଚ୍ଚ କରିବି? ଯଦି ତୁମେ ଚାହୁଁଛ ମୁଁ ଟଙ୍କା ଖର୍ଚ୍ଚ କରେ ତେବେ ମୋ ସହିତ ବନ୍ଧୁତ୍ୱ ରଖିବାକୁ ପଡ଼ିବ । ତାଙ୍କଠାରୁ ଏସବୁ ଶୁଣିବା ପରେ ରତନ କହିଥିଲେ, ‘ଆପଣ ମୋ ବାପାଙ୍କ ବୟସର, ମୁଁ ଆପଣଙ୍କର କିପରି ବନ୍ଧୁ ହୋଇପାରିବି? ହଁ, ମୁଁ ଆପଣଙ୍କୁ ସମ୍ମାନ କରେ । ଆପଣ ଯେପରି କହିବେ ମୁଁ କରିବି । ଏହା ପରେ ସେହି ବ୍ୟକ୍ତିଜଣକ ରାଗିଯାଇ କହିଥିଲେ ଯେ, ମୁଁ କୌଣସି ଗାଇଡ୍-ୱାଇଡ୍ କରିବି ନାହିଁ, ଏଠାରେ କେବଳ ବନ୍ଧୁତା ହିଁ ହୁଏ । ଯଦି ତମେ ଅଭିନୟ ଜଗତରେ ପାଦ ଦେବାକୁ ଚାହଁ ତେବେ ଏହି ଡ୍ରାମା ବନ୍ଦ କର ଏବଂ ସ୍ମାର୍ଟ ହୁଅ । ରତନ ଆହୁରି ମଧ୍ୟ କହିଛନ୍ତି ଯେ, ତାଙ୍କୁ ବାପାଙ୍କ ବୟସର କହିବାରୁ ସେ ରାଗିଯାଇ କହିଥିଲେ, ଯଦି ମୋ ଝିଅ ମଧ୍ୟ ଅଭିନେତ୍ରୀ ହୋଇଯାଏ, ତେବେ ମୁଁ ମଧ୍ୟ ତା ସହ ଏଭଳି କରିଥାନ୍ତି ।
ଏହା ପରେ ରତନ କୌଣସି ପ୍ରକାରେ ସେଠାରୁ ଖସି ଚାଲି ଆସିଥିଲେ । ତେବେ ସେହି ବ୍ୟକ୍ତି ଜଣଙ୍କ ରତନ ରାଜପୁରଙ୍କ ସହ ସେମିତି କିଛି କରିବାର ସୁଯୋଗ ପାଇ ନଥିଲେ । କିନ୍ତୁ ତାଙ୍କ କଥା ରତନଙ୍କ ଉପରେ ବହୁତ ଖରାପ ପ୍ରଭାବ ପକାଇଥିଲା । ଯେଉଁକାରଣରୁ ସେ ଏକ ମାସ ଧରି କାହା ସହିତ ଦେଖା ମଧ୍ୟ କରି କରି ନଥିଲେ । ତେବେ ରତନ ଏହା ମଧ୍ୟ କହିଛନ୍ତି ଯେ ତାଙ୍କୁ ସେହି ଘଟଣା ଯେତେବେଳେ ବି ମନେ ପଡେ ସେ ରାଗି ଯାଆନ୍ତି ଏବଂ ସେ ଲୋକଙ୍କୁ ସାମ୍ନାରେ ପାଇଲେ ତାଙ୍କୁ ଚପଲରେ ସେକନ୍ତି ବୋଲି କହିଛନ୍ତି । ତେବେ ରତନ ଅଭିନୟ ପାଇଁ କେବେ ବି କାହା ସହିତ କମ୍ପ୍ରମାଇଜ କରି ନାହାନ୍ତି ଏବଂ ନିଜ ସର୍ତ୍ତ ଅନୁସାରେ କାମ କରି ଆସିଛନ୍ତି ।
