(Video)କେଜ୍ରିୱାଲ ଓ ହେମନ୍ତ ସୋରେନଙ୍କୁ ମୁକ୍ତି ସହିତ ଆଜି ମହାର୍ୟାଲିରେ ଇଣ୍ଡିଆ ମେଣ୍ଟ ରଖିଲା ୫ ସୂତ୍ରୀ ଦାବୀ
ନୂଆଦିଲ୍ଲୀ:ଆଜି ଦିଲ୍ଲୀର ରାମଲୀଳା ମଇଦାନରେ ଇଣ୍ଡିଆ ମେଣ୍ଟର ମହାର୍ୟାଲି ଆୟୋଜିତ ହୋଇଯାଇଛି । ଏହି ର୍ୟାଲି ଜରିଆରେ ଇଣ୍ଡିଆ ମେଣ୍ଟ ପକ୍ଷରୁ ୫ ସୂତ୍ରୀ ଦାବୀ ଉପସ୍ଥାପନ କରାଯାଇଛି । ଏଥିରେ କୁହାଯାଇଛି କି ନିର୍ବାଚନ କମିଶନ ଲୋକସଭା ନିର୍ବାଚନରେ ସମସ୍ତଙ୍କ ଲାଗି ସମାନ ଅବସର ସୁନିଶ୍ଚିତ କରିବା ଉଚିତ । ନିର୍ବାଚନରେ ହେରଫେର କରିବା ପାଇଁ ବିରୋଧୀ ଦଳଙ୍କ ଉପରେ ଯାଞ୍ଚ ଏଜେନ୍ସୀ ପକ୍ଷରୁ ନିଆଯାଉଥିବା କାର୍ଯ୍ୟାନୁଷ୍ଠାନକୁ ନିର୍ବାଚନ କମିଶନ ପ୍ରତିରୋଧ କରିବା ଉଚିତ । ଏହା ସହିତ ଏହା ମଧ୍ୟ ଦାବୀ କରାଯାଇଛି କି ଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ତୁରନ୍ତ ମୁକ୍ତ କରାଯାଉ ।
INDIA गठबंधन की 5 सूत्रीय मांग
1. चुनाव आयोग को लोकसभा चुनावों में समान अवसर सुनिश्चित करना चाहिए
2. चुनाव आयोग को चुनाव में हेराफेरी करने के उद्देश्य से विपक्षी दलों के खिलाफ जांच एजेंसियों द्वारा की जानी वाली कार्रवाई रोकी जानी चाहिए
3. हेमंत सोरेन जी और अरविन्द केजरीवाल जी… pic.twitter.com/QntVuwhGWF
— Congress (@INCIndia) March 31, 2024
ଇଣ୍ଡିଆ ମେଣ୍ଟ ପକ୍ଷରୁ ଏହା ଦାବୀ କରାଯାଇଛି କି ନିର୍ବାଚନ ସମୟରେ ବିରୋଧୀ ରାଜନୈତିକ ଦଳଙ୍କର ବ୍ୟାଙ୍କ ଖାତା ସିଜ୍ କରାଯିବା ପରି କାର୍ଯ୍ୟକୁ ତୁରନ୍ତ ବନ୍ଦ କରାଯାଉ । ଏହା ସହିତ ନିର୍ବାଚନୀ ଚାନ୍ଦାର ଉପଯୋଗ କରି ବିଜେପିର ପ୍ରତିଶୋଧ ଭାବନା, ଜବରଦସ୍ତ ଆଦାୟ ଓ ମନି ଲଣ୍ଡରିଂ ଆଦି ଅଭିଯୋଗର ଯାଞ୍ଚ ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶରେ SIT ଏସଆଇଟି ଗଠନ ହେବା ଉଚିତ ।
