ଭାଣିଜୀକୁ କୋଳରେ ଧରି ଭଗବାନ ଗଣେଷଙ୍କ ଆରତୀ କଲେ ସଲମାନ, ଭାଇରାଲ ହେଲା ଭିଡିଓ
ମୁମ୍ବାଇ : ଗଣେଶ ପୂଜାରେ ଲୋକମାନେ ସେମାନଙ୍କ ଘର ଗଣେଶଙ୍କ ମୂର୍ତ୍ତି ଆଣି ପୂଜା କରିଛନ୍ତି । ଏପରି ଅନେକ ବଲିଉଡ ତାରକାମାନେ ମଧ୍ୟ ଗଣେଶଙ୍କ ମୂର୍ତ୍ତି ଘରକୁ ଆଣିଛନ୍ତି । ତେବେ ସଲମାନ ଖାନଙ୍କ ଭଉଣୀ ଅର୍ପିତା ଖାନ ଶର୍ମାଙ୍କ ଘରେ ମଧ୍ୟ ଗଣପତି ବାପା ବିରାଜମାନ ହୋଇଥିଲେ । ପରିବାରରେ ସମସ୍ତେ ଗଣେଶଙ୍କ ସ୍ୱାଗତ ଜୋରସୋରରେ କରିଥିଲେ । ଏଥିରେ ଦେଖିବାକୁ ମିଳିଥିଲା ଭାଇଜାନ ତାଙ୍କ ଭାଣିଜୀଙ୍କୁ କୋଳରେ ନେଇ ଭଗବାନଙ୍କ ଆରତୀ କରିଥିଲେ ।
ଏହି ଭିଡିଓକୁ ସଲମାନଖାନ ନିଜ ଏକ୍ସରେ ପୋଷ୍ଟ କରିଛନ୍ତି । ଏହି ଭିଡିଓରେ ସଲମାନ ତାଙ୍କ ପୂରା ପରିବାର ସହ ଥିବା ଦେଖିବାକୁ ମିଳିଛି । ଏହା ଛଡା ସଲମାନଙ୍କ ମା ଏବଂ ବାପା ମଧ୍ୟ ଭଗବାନ ଗଣେଶଙ୍କ ଆରତୀ କରୁ ଥିବା ଏହି ଭିଡିଓରେ ଦେଖିବାକୁ ମିଳିଛି । ତେବେ ଏହି ଭିଡିଓରେ ଯାହା ଅଧିକ ଆକର୍ଷିତ କରୁଛି ତାହା ହେଉଛି ସଲମାନ ତାଙ୍କ ଭାଣିଜୀଙ୍କୁ କୋଳରେ ଧରିଛନ୍ତି ।
ଏହି ପୂଜାରେ ସଲମାନ କଳା ରଙ୍ଗର କୁର୍ତା ପିନ୍ଧି ଥିବା ଦେଖିବାକୁ ମିଳିଛି ଏବଂ ତାଙ୍କ ଭାଣିଜୀ ମଧ୍ୟ କଳା ଲେହେଙ୍ଗା ପିନ୍ଧିଛନ୍ତି । ତେବେ ମାମୁଁ ଭାଣିଜୀଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓକୁ ସଲମାନଙ୍କ ଫ୍ୟାନମାନଙ୍କ ସହିତ ସାଧାରଣ ଲୋକ ମଧ୍ୟ ସେୟାର କରୁଛନ୍ତି ।
