ଟ୍ରକରୁ ଅଟୋ ଉପରେ ଖସିପଡିଲା ରେଲୱେ ଟ୍ରାକ୍ର ରଡ୍, ଚାଲିଗଲା ୭ ଜୀବନ, ୬ ଆହତ
ଏକ ବଡ଼ ମର୍ମନ୍ତୁଦ ଦୁର୍ଘଟଣା। ଟ୍ରକରୁ ଲୁହା ରଡ ଅଟୋ ଉପରେ ଖସିପଡିଲା। ୭ ଜଣଙ୍କର ଚାଲିଗଲା ପ୍ରାଣ।
ନୂଆଦିଲ୍ଲୀ: ତେଲେଙ୍ଗାନାର ବାରଂଗଲରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ଶିଶୁ ସମେତ ୭ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି।
ପୋଲିସଠାରୁ ମିଳିଥିବା ସୂଚନାନୁଯାୟୀ, ରେଲୱେ ଟ୍ରାକରେ ବ୍ୟବହାର ହେଉଥିବା ରଡ ବୋଝେଇ ଟ୍ରକ ଏକ ଅଟୋକୁ ଓଭରଟେକ କରିବାକୁ ଚେଷ୍ଟା କରୁଥିଲା।
ଏହି ସମୟରେ ଲୁହାର ରଡ୍ ସେହି ଅଟୋ ଉପରେ ଖସିପଡିଥିଲା। ଏହି ଅଟୋରେ ଥିବା ସତଜଣ ଲୋକଙ୍କର ପ୍ରାଣହାନି ଘଟିଛି। ମୃତକଙ୍କ ମଧ୍ୟରେ ଚାରିଜଣ ମହିଳା ଏବଂ ଜଣେ ଶିଶୁ ଥିବା ଜଣାପଡିଛି।
ଘଟଣାସ୍ଥଳରେ ପୋଲିସ ପହଞ୍ଚି ଆହତଙ୍କୁ ଚିକିତ୍ସା ପାଇଁ ଏମଜିଏମ ହସ୍ପିଟାଲରେ ଭର୍ତ୍ତି କରାଇଛି ଏବଂ କହିଛି ଯେ, ମୃତକଙ୍କ ସଂଖ୍ୟା ବଢିପାରେ। ଏଥିସହ ଘଟଣାର ତଦନ୍ତ ଚଳାଇଛି।
