କପଡ଼ା ଗୋଦାମରେ ଭୟାବହ ଅଗ୍ନିକାଣ୍ଡ, ଜଳିଗଲା ୨୫ ଲକ୍ଷ ଟଙ୍କାର ଜିନିଷ
ଭୁବନେଶ୍ୱର: ଭୁବନେଶ୍ୱର ବଡ଼ଗଡ଼ ସ୍ଥିତ ଏକ କପଡ଼ା ଗୋଦାମରେ ନିଆଁ ଲାଗିଛି । । ପ୍ରାୟ ୨୫ ଲକ୍ଷ ଟଙ୍କାର କପଡ଼ା ପାଉଁଶ ହୋଇଯାଇଛି । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ ।
ସୂଚନାରୁ ପ୍ରକାଶ ମାର୍କେଟ ବିଲ୍ଡିଂର ଜଣେ କପଡ଼ା ବ୍ୟବସାୟୀ ନବୀନ ଚନ୍ଦ୍ର ସାହୁ । ସେ ବଡ଼ଗଡ଼ ବ୍ରିଟ୍ କଲୋନୀରେ ଥିବା ତାଙ୍କ ଗୋଦାମ ଘରେ ଆଜି ନିଆଁ ଲାଗିଯାଇଥିଲା । ତେବେ ସର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି । ଗୋଦାମରେ ଅଗ୍ନିକାଣ୍ଡ ଘଟିବା ପରେ ଚାରିଆଡ଼ ଧୂଆଁମୟ ହୋଇଯାଇଥିଲା । ତେବେ ପ୍ରବଳ ଧୂଆଁ ହୋଇଥିବାରୁ ନିଆଁକୁ ଆୟତ୍ତ କରିବା ଅଗ୍ନିଶମ ବାହିନୀଙ୍କ ପାଇଁ କଷ୍ଟକର ହୋଇପଡ଼ିଥିଲା । ଏହା ପୂର୍ବରୁ ୟୁନିଟ୍-୧ ସ୍ଥିତ ଭୂତଳ ମାର୍କେଟରେ ନିଆଁ ଲାଗିଥିଲା ।
