ଦକ୍ଷିଣ କୋରିଆର ବିରୋଧୀ ଦଳ ନେତାଙ୍କୁ ଛୁରାମାଡ଼, ବୁସାନ ସହର ଗସ୍ତ ବେଳେ ଆକ୍ରମଣ
ନୂଆଦିଲ୍ଲୀ: ଦକ୍ଷିଣ କୋରିଆର ବିରୋଧୀ ଦଳ ନେତାଙ୍କୁ ଛୁରାମାଡ଼ ଘଟଣା ସାମ୍ନାକୁ ଆସିଛି । ଡେମୋକ୍ରାଟିକ ପାର୍ଟିର ମୁଖ୍ୟ ଲି-ଜାଏ-ମ୍ୟୁଙ୍ଗଙ୍କ ବେକରେ ଛୁରାମାଡ଼ ହୋଇଛି । ବିସାନ ସହର ଗସ୍ତ ବେଳେ ଆକ୍ରମଣ ହୋଇଥିବା ସୂଚନା । ଛୁରାମାଡ଼ କରିଥିବା ବ୍ୟକ୍ତି ଗିରଫ ହୋଇଛନ୍ତି। ଦକ୍ଷିଣ କୋରିଆର ନ୍ୟୁଜ୍ ଏଜେନ୍ସି ୟୋନହାପ ଅନୁଯାୟୀ, ମଙ୍ଗଳବାର (ଜାନୁୟାରୀ ୨, ୨୦୨୪) ଦକ୍ଷିଣ ବନ୍ଦର ସହର ବୁସାନ ଗସ୍ତ ସମୟରେ ଲି-ଜାଏ-ମ୍ୟୁଙ୍ଗଙ୍କୁ ଆକ୍ରମଣ କରାଯାଇଛି।
ଲି-ଜାଏ-ମ୍ୟୁଙ୍ଗ ବୁସାନର ଏକ ପ୍ରସ୍ତାବିତ ବିମାନବନ୍ଦର ପରିଦର୍ଶନ କରୁଥିବାବେଳେ ଏକ ସାମ୍ବାଦିକ ସମ୍ମିଳନୀରେ ଜଣେ ଅଜ୍ଞାତ ବ୍ୟକ୍ତି ତାଙ୍କ ବେକର ବାମ ପାର୍ଶ୍ୱରେ ଅସ୍ତ୍ର ସାହାଯ୍ୟରେ ତାଙ୍କୁ ଆକ୍ରମଣ କରିଛନ୍ତି । ୟୋନହାପଙ୍କ ଅନୁଯାୟୀ ଆକ୍ରମଣକାରୀଙ୍କୁ ଘଟଣାସ୍ଥଳରେ ଗିରଫ କରାଯାଇଥିଲା।
ଦକ୍ଷିଣ କୋରିଆ ଗଣମାଧ୍ୟମ ଦ୍ୱାରା ସେୟାର କରାଯାଇଥିବା ଫଟୋ ଅନୁଯାୟୀ, ଲି-ଜାଏ-ମ୍ୟୁଙ୍ଗ ଆହତ ଅବସ୍ଥାରେ ତଳେ ପଡ଼ିଯାଇଥିବାର ନଜର ଆସିଛନ୍ତି। ରକ୍ତସ୍ରାବ ବନ୍ଦ କରିବା ପାଇଁ ତାଙ୍କ ବେକରେ ରୁମାଲ ଲଗାଯାଇଥିଲା। ଏହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
