ଆଜି ସାଉଥ୍ ଷ୍ଟାର ନାଗା ଚୈତନ୍ୟାଙ୍କ ବାହାଘର, ଏହି ଷ୍ଟାରମାନେ ହେବେ ସାମିଲ….

ହାଇଦ୍ରାବାଦ: ଦକ୍ଷିଣ ଭାରତୀୟ ଫିଲ୍ମ ଅଭିନେତା ନାଗା ଚୌତନ୍ୟା ଓ ଶୋଭିତା ଧୁଲିପାଲା ଆଜି ବିବାହ ବନ୍ଧନରେ ବାନ୍ଧି ହେବେ । ହାଇଦ୍ରାବାଦର ଅନ୍ନପୂର୍ଣ୍ଣା ଷ୍ଟୁଡିଓରେ ଏ ନେଇ ବଡ଼ ପ୍ରସ୍ତୁତି କରାଯାଇଛି । ବିବାହରେ ସାମିଲ ହେବାକୁ ଥିବା ଅତିଥିଙ୍କ ଲିଷ୍ଟ ଏବେ ଭାଇରାଲ ହେବାରେ ଲାଗିଛି । ନାଗା ଚୈଚନ୍ୟାଙ୍କ ଦ୍ୱିତୀୟ ବିବାହରେ ରାମ ଚରଣ, ଉପାସନା କୋନିଡେଲା, ମହେଶ ବାବୁ, ନମ୍ରତା ଶିରୋଡକର, ଚିରଞ୍ଜିବୀ, ପିଭି ସିନ୍ଦୁ, ନୟନତାରା ଅକିନେକି ଏବଂ ଦଗୁବତୀ ପରିବାର ଏ ଗ୍ରାଣ୍ଡ ୱେଡିଂରେ ସାମିଲ ହେବେ । ଏମାନଙ୍କ ବ୍ୟତୀତ ପ୍ରକ୍ଷାତ ଫିଲ୍ମ ନିର୍ଦ୍ଦେଶକ ଏସଏସ ରାଜାମୌଲି ଏବଂ ପ୍ରଭାସ ମଧ୍ୟ ବିହାଘର ଅତିଥି ସୂଚୀରେ ଅଛନ୍ତି ।

ଶୋଭିତା ଦକ୍ଷିଣ ଭାରତୀୟ ଗେଟଅପରେ ନଜରକୁ ଆସିବେ ବୋଲି ଚର୍ଚ୍ଚା ହେଉଛି । ସେ ସୁନା ଜରି ଲଗା କାଞ୍ଜିବରମ ସିଲ୍କ ଶାଢ଼ି ପିନ୍ଧିବେ । ଏହାଛଡ଼ା ତାଙ୍କ ମା’ ଓ ଜେଜେମା’ଙ୍କ ସୁନା ଅଳଙ୍କାର ସେ ପିନ୍ଧିବେ ବୋଲି କୁହାଯାଉଛି । ସେହପରି ନାଗା ଚୌତନ୍ୟା ପାଞ୍ଚା ପିନ୍ଧିବେ । ବିବାହ ପୂର୍ବ ରଶମର କିଛି ଫଟୋ ଶୋଭିତା ସୋସିଆଲ ମିଡିଆରେ ଶେୟାର କରିଛନ୍ତି । ତେବେ ନାଗା ଚୈତନ୍ୟା ଓ ଶୋଭିତା ଦୁହେଁ ପ୍ରେମ ବିବାହ କରୁଥିବା ଜଣାପଡ଼ିଛି । କିନ୍ତୁ ସେମାନେ ନିଜ ସମ୍ପର୍କକୁ ନେଇ କେବେ କୌଣସି ପ୍ରତିକ୍ରିୟା ଦେଇ ନାହାନ୍ତି ।