ଗୁଜୁରାଟର ବିଜେପି କର୍ମୀମାନଙ୍କୁ ଅରବିନ୍ଦଙ୍କ ଆହ୍ୱାନ; ଟଙ୍କା ବିଜେପିରୁ ନିଅ ଆଉ …

ଗୁଜୁରାଟ: ଟଙ୍କା ବିଜେପିର ଖାଅ କିନ୍ତୁ କାମ ଆପ ପାଇଁ କର । କିଛି ଏଭଳି କଥା କହି ପୁଣି ଲୋକମାନଙ୍କର ଦୃଷ୍ଟିକୁ ନିଜ ଆଡକୁ ଆକର୍ଷୀତ କରିଛନ୍ତି ଆପ ମୁଖିଆ ଅରବିନ୍ଦ କେଜ୍ରିୱାଲ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଗୁଜୁରାଟର ସମସ୍ତ ଭାରତୀୟ ଜନତା ପାର୍ଟି କିମ୍ବା ବିଜେପି କର୍ମୀଙ୍କୁ ଶାସକ ଦଳରେ ରହି ଆମ୍ ଆଦମୀ ପାର୍ଟି (ଏଏପି) ରେ କାମ କରିବାକୁ ନିବେଦନ କରିଛନ୍ତି। କେଜ୍ରିୱାଲ କହିଛନ୍ତି ଯେ ବିଜେପି କର୍ମୀମାନେ ବିଜେପିରୁ “ପେମେଣ୍ଟ” ଜାରି ରଖିବା ଉଚିତ କିନ୍ତୁ ଭିତରୁ ଆପ ପାଇଁ କାମ କରିବା ଉଚିତ୍।

କେଜ୍ରିୱାଲଙ୍କ ଦୁଇ ଦିନିଆ ଗୁଜୁରାଟ ଗସ୍ତର ଅନ୍ତିମ ଦିନରେ ରାଜକୋଟରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି କେଜ୍ରିୱାଲ କହିଛନ୍ତି ଯେ ତାଙ୍କ ଦଳ ରାଜ୍ୟରେ କ୍ଷମତାକୁ ଆସିବା ପରେ ତାଙ୍କୁ ଦେଇଥିବାସମସ୍ତ ପ୍ରତିଶ୍ରୁତି ରେ ବିଜେପି କର୍ମୀମାନେ ନିଶ୍ଚୟ ଉପକୃତ ହେବେ ବୋଲି ଆମେ ଗ୍ୟାରେଣ୍ଟି ଦେଉଛୁ । ଆମେ ବିଜେପି ନେତା ଚାହୁଁନାହୁଁ। ବିଜେପି ତାର ନେତାମାନଙ୍କୁ ରଖିପାରିବ। ଆମେ ବାସ ତାଙ୍କୁ ଏତିକି କହିବାକୁ ଚାହୁଁଛୁ ଆପଣ ବିଜେପି କୁ ଏତେ ବର୍ଷ ଦେଲେ ,ଦଳରେ ରହି ଏତେ ସେବା କଲେ କିନ୍ତୁ ବିଜେପି ଆପଣ ମାନଙ୍କୁ କ’ଣ ଦେଇଛି? ବାସ ଏତିକି ମୁଁ ସେମାନଙ୍କୁ ପଚାରିବାକୁ ଚାହେଁ ବୋଲି କେଜ୍ରିୱାଲ କହିଛନ୍ତି ।

କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ ବିଜେପି କର୍ମୀ ଏବଂ ସେମାନଙ୍କ ପରିବାର ସଦସ୍ୟଙ୍କୁ ବିଜେପି ମାଗଣା ଏବଂ ଗୁଣାତ୍ମକ ଶିକ୍ଷା, ସ୍ୱାସ୍ଥ୍ୟସେବା ଏବଂ ମାଗଣା ବିଦ୍ୟୁତ ପ୍ରଦାନ କରୁନାହିଁ କିନ୍ତୁ ଆପ ସେଇଟା କରିବ । ସେମାନଙ୍କ କଲ୍ୟାଣ ପାଇଁ ଆପ ଯତ୍ନବାନ ହେବ । ଆପଣ (ବିଜେପି କର୍ମୀ) ସେହି ଦଳରେ ରହିପାରିବେ କିନ୍ତୁ ଆପ ପାଇଁ କାମ କରିପାରିବେ । ସେମାନଙ୍କ ମଧ୍ୟରୁ ଅନେକ (ବିଜେପି ଦ୍ୱାରା ) ଦରମା ପାଆନ୍ତି, ତେଣୁ ସେଠାରୁ ଦେୟ ନିଅ କିନ୍ତୁ ଆମ ପାଇଁ କାମ କର, କାରଣ ଆମ ପାଖରେ ଟଙ୍କା ନାହିଁ ବୋଲି ସେ କହିଛନ୍ତି।

“ଯେତେବେଳେ ଆମେ ସରକାର ଗଠନ କରିବୁ, ଆମେ ମାଗଣା ବିଦ୍ୟୁତ ଯୋଗାଇବୁ । ଆମେ ଆପଣଙ୍କୁ ମାଗଣା, ୨୪ ଘଣ୍ଟା ବିଜୁଳି ଯୋଗାଇବୁ ଏବଂ ଆପଣଙ୍କ ପିଲାମାନଙ୍କ ପାଇଁ ଭଲ ବିଦ୍ୟାଳୟ ଗଠନ କରିବୁ ଯେଉଁଠାରେ ସେମାନେ ମାଗଣା ଶିକ୍ଷା ପାଇବେ। ଆମେ ଆପଣଙ୍କ ପରିବାର ସଦସ୍ୟଙ୍କ ପାଇଁ ମାଗଣା ଏବଂ ଗୁଣାତ୍ମକ ଚିକିତ୍ସା ନିଶ୍ଚିତ କରିବ ଏବଂ ଆପଣଙ୍କ ପରିବାରରେ ମହିଳାଙ୍କୁ ୧୦୦୦ ଟଙ୍କା (ଭତ୍ତା ଭାବରେ) ପ୍ରଦାନ କରିବ ବୋଲି ସେ କହିଛନ୍ତି।

ବିଜେପି କର୍ମୀଙ୍କୁ ଆବେଦନ କରି କେଜ୍ରିୱାଲ କହିଛନ୍ତି ଯେ ୨୭ ବର୍ଷ ଶାସନ ପରେ ବିଜେପିରେ ରହି ଏହାର ବିଜୟ ନିଶ୍ଚିତ କରିବାର କୌଣସି ଯଥାର୍ଥ ନାହିଁ। ଆମ ପାଖରେ ବର୍ତ୍ତମାନ କମ୍ ସମୟ ଅଛି। ତେଣୁ ତୁମେ ସମସ୍ତେ ନିଜ ନିଜ ଉପାୟରେ ଆମକୁ ପ୍ରୋତ୍ସାହିତ କରିବା ଉଚିତ୍ । ବିଶେଷକରି ସୋସିଆଲ ମିଡିଆରେ ଆମକୁ ପ୍ରୋତ୍ସାହିତ କର … ସୋସିଆଲ ମିଡିଆରେ ଆପକୁ ପ୍ରୋତ୍ସାହିତ କରିବା ପାଇଁ ମୁଁ ସମସ୍ତଙ୍କୁ ନିବେଦନ କରିବାକୁ ଚାହେଁ । ଆମେ ଆପଣଙ୍କୁ ପୃଥକ ପୃଥକ ଭାବରେ ଭେଟିବୁ ଏବଂ ଆପଣଙ୍କ ସମସ୍ୟାର ସମାଧାନ କରିବୁ ବୋଲି ସେ କହିଛନ୍ତି।