Breaking: ଆସିଲା ସୁଭଦ୍ରା ଦ୍ୱିତୀୟ କିସ୍ତି, ଆକାଉଣ୍ଟରେ ଚଢ଼ିଲା ୫୦୦୦ ଟଙ୍କା

ବ୍ରହ୍ମପୁର: ଆସିଲା ସୁଭଦ୍ରା ଯୋଜନାର ଦ୍ୱିତୀୟ କିସ୍ତି ଟଙ୍କା। ଶୀଘ୍ର ଶୀଘ୍ର ଫୋନ ଚେକ୍ କରନ୍ତୁ। ମେସେଜ ଆସିଥିବ। ଆଉ ଆପଣଙ୍କ ଖାତାକୁ ୫୦୦୦ ଟଙ୍କା ଚଢିଥିବ। ଏଥିପାଇଁବ୍ରହ୍ମପୁରରେ ସ୍ୱତନ୍ତ୍ର କରାଯ୍ୟକ୍ରମର ଆୟୋଜନ କରାଯାଇଥିଲା।

ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ମିଳିଲା ସୁଭଦ୍ରା ଦ୍ୱିତୀୟ କିସ୍ତି। ଗୋଟିଏ କ୍ଲିକରେ ଏକ କୋଟି ୬୪ ହଜାର ମହିଳାଙ୍କ ଖାତାକୁ ଗଲା ସୁଭଦ୍ରା ଦ୍ୱିତୀୟ କିସ୍ତି। ମୁଖ୍ୟମନ୍ତ୍ରୀ ନିଜେ ମହିଳାଙ୍କ ଖାତାକୁ ଟଙ୍କା ପଠାଇଲେ। ବ୍ରହ୍ମପୁରରେ ଆୟୋଜନ କରାଯାଇଥିବା କାର୍ଯ୍ୟକ୍ରମରେ ହଜାର ହଜାର ମହିଳା ଯୋଗ ଦେଇଥିଲେ।

ବ୍ରହ୍ମପୁରରେ ଆୟୋଜିତ ହୋଇଥିବା ବିଶାଳ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, କନକ ବର୍ଦ୍ଧନ ସିଂଦେଓଙ୍କ ସମେତ, ବିଜେପିର ଅନେକ ନେତା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।

ଗତ ମାର୍ଚ୍ଚ ୬ ତାରିଖରେ ପ୍ରଥମ କିସ୍ତିର ପଞ୍ଚମ ପର୍ଯ୍ୟାୟ ଟଙ୍କା ଦେଇଥିଲେ ସରକାର। ଆଉ ଏବେ ସୁଭଦ୍ରାର ଦ୍ୱିତୀୟ କିସ୍ତି ଟଙ୍କା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଆନ୍ତର୍ଜାତୀୟ ମହିଳା ଦିବସରେ କୋଟିଏରୁ ଅଧିକ ମହିଳାଙ୍କୁ ଉପହାର ଦେଇଛନ୍ତି ମୁଖ୍ୟମନ୍ତ୍ରୀ।

ଏହାଛଡ଼ା ମାର୍ଚ୍ଚ ୩୧ ତାରିଖ ରହିଛି ସୁଭଦ୍ରା ଆବେଦନର ଶେଷ ତାରିଖ। ଧାର୍ଯ୍ୟ କରାଯାଇଥିବା ତାରିଖ ସୁଦ୍ଧା ଆବେଦନ କରିଥିଲେ ରାକ୍ଷୀ ପୂର୍ଣ୍ଣମୀରେ ପାଇବେ ଏକାଥରେ ୧୫ ହଜାର ଟଙ୍କା।