ଯୋଗୀ କ୍ୟାବିନେଟରୁ ଇସ୍ତଫା ଦେଲେ ସ୍ୱାମୀ ପ୍ରସାଦ ମୌର୍ଯ୍ୟ, ସପାରେ ସାମିଲ
ଲଖନଉ: ଉତ୍ତରପ୍ରଦେଶ ବିଧାନସଭା ପୂର୍ବରୁ ଘନେଇଛି ରାଜନୀତି । ନିର୍ବାଚନ ପୂର୍ବରୁ ଯୋଗୀ କ୍ୟାବିନେଟରୁ ଇସ୍ତଫା ଦେଇଛନ୍ତି ସ୍ୱାମୀ ପ୍ରସାଦ ମୌର୍ଯ୍ୟ । ଏହା ପରେ ସେ ସମାଜବାଦୀ ପାଟି ବା ସପାରେ ସାମିଲ ହୋଇଛନ୍ତି । କ୍ୟାବିନେଟରୁ ସ୍ୱାମୀଙ୍କ ଇସ୍ତଫା ଯୋଗୁଁ ବିଜେପିକୁ ବଡ଼ ଝଟକା ଲାଗିଛି । ସ୍ୱାମୀ ପ୍ରସାଦ ମୌର୍ଯ୍ୟ ବିଜେପି ପୂର୍ବରୁ ବହୁଜନ ସମାଜ ପାଟିରେ ଥିଲେ । ତାଙ୍କୁ ବିଏସପି ସୁପ୍ରିମୋ ମାୟାବତୀଙ୍କ ଡାହାଣ ହାତ ବୋଲି କୁହାଯାଉଥିଲା ।
दलितों, पिछड़ों, किसानों, बेरोजगार नौजवानों एवं छोटे-लघु एवं मध्यम श्रेणी के व्यापारियों की घोर उपेक्षात्मक रवैये के कारण उत्तर प्रदेश के योगी मंत्रिमंडल से इस्तीफा देता हूं। pic.twitter.com/ubw4oKMK7t
— Swami Prasad Maurya (@SwamiPMaurya) January 11, 2022
ତେବେ ଟ୍ୱିଟ୍ ଜରିଆରେ ଇସ୍ତଫାକୁ ନେଇ ସୂଚନା ଦେଇଛନ୍ତି ସ୍ୱାମୀ ପ୍ରସାଦ ମୌର୍ଯ୍ୟ । ସେ ଟ୍ୱିଟ୍ କରି ଲେଖିଛନ୍ତି ଯେ, ‘ଦଳିତ, ପଛୁଆ, କୃଷକ, ବେକାର ଯୁବକ ଓ କ୍ଷୁଦ୍ର ଚାଷୀ ଓ ମଧ୍ୟମ ବ୍ୟବସାୟୀଙ୍କ ପ୍ରତି ଘୋର ଅବହେଳିତ ମନୋଭାବ ହେତୁ ମୁଁ ଉତ୍ତରପ୍ରଦେଶର ଯୋଗୀ କ୍ୟାବିନେଟରୁ ଇସ୍ତଫା ଦେଉଛି ।’
