Breaking; ଭୟଙ୍କର ଦୁର୍ଘଟଣା: ସ୍କୁଲ ବସ୍ –ଟ୍ରକ୍ ଧକ୍କାରେ ୧୭ ଛାତ୍ରଛାତ୍ରୀ ଆହତ

ଢେଙ୍କାନାଳ: ଢେଙ୍କାନାଳ ଜିଲ୍ଲା ଶକ୍ତି ସୁଗର ନିକଟରେ ଘଟିଯାଇଛି ଏକ ବଡ଼ ଧରଣର ସଡ଼କ ଦୁର୍ଘଟଣା । ପିଲାଙ୍କୁ ନେଇ ସ୍କୁଲକୁ ଯିବା ବେଳେ ସ୍କୁଲ ବସକୁ ଧକ୍କା ଦେଇଛି ଏକ ଟ୍ରକ । ୫୫ ନମ୍ବର ଜାତୀୟ ରାଜପଥ ଶକ୍ତି ସୁଗର ନିକଟରେ ଏହି ଦୁର୍ଘଟଣା ଘଟିଯାଇଛି । ଏହି ଦୁର୍ଘଟଣାରେ ସ୍କୁଲର ପ୍ରାୟ ୧୭ ଜଣ ଛାତ୍ରଛାତ୍ରୀ ଆହତ ହୋଇଥିବା ସୂଚନା ମିଳିଛି । ବସ୍-ଟ୍ରକ୍ ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପରିସ୍ଥିତି ଦେଖାଯାଇଛି । ତେବେ ଆହତ ସମସ୍ତ ଛାତ୍ରଛାତ୍ରୀଙ୍କ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ହସ୍ପିଟାଲରେ ଚିକିତ୍ସା ସମୟରେ ପିଲାମାନଙ୍କ ଅବସ୍ଥା ବିଶେଷ ଗୁରୁତର ନୁହେଁ ବୋଲି କହିଛନ୍ତି ଡାକ୍ତର ।

ପିଲାଙ୍କୁ ଧରି ସ୍କୁଲ ଯାଉଥିବା ବେଳେ ସ୍କୁଲ ବସ୍ ଏବଂ ଏକ ଟ୍ରଲର ଧକ୍କା ହୋଇଛନ୍ତି । ଏହି ଦୁର୍ଘଟଣାରେ ପ୍ରାୟ ୧୭ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି । ଦୁର୍ଘଟଣା ସମୟରେ ବସରେ ପ୍ରାୟ ୩୦ରୁ ଅଧିକ ପିଲା ଥିବା ଜାଣିବାକୁ ମିଳିଛି । ତେବେ ଅନ୍ୟ ପିଲାମାନଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ଆହତ ଛାତ୍ରଛାତ୍ରୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି । ସେପଟେ ଦୁର୍ଘଟଣା ଘଟାଇବା ପରେ ଟ୍ରଲରର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଛି ।