(Video) ଝରକାରେ ଫସିଗଲା ବିରାଟକାୟ ଅଜଗର, ଉଦ୍ଧାର କରିବା ପାଇଁ ଲୋକଙ୍କର ବାହାରିଗଲା ଝାଳ
ଥାନେ: ସୋସିଆଲ ମିଡିଆରେ ଅଜବ ଏବଂ ଭୟଙ୍କର ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ଏହି ଭିଡିଓ ମୁମ୍ବାଇ ନିକଟସ୍ଥ ଥାନେ ଜିଲ୍ଲାରୁ ଆସିଛି ଯେଉଁଥିରେ ଏକ ଆପାର୍ଟମେଣ୍ଟର ଝରକା ଗ୍ରିଲରେ ଏକ ବିରାଟ ଅଜଗର ଫସିଯାଇଥିବା ନଜର ଆସିଛି। ଏହାର ଲମ୍ବ ୧୦ ଫୁଟ ବୋଲି କୁହାଯାଉଛି। ଭିଡିଓ ଦେଖୁଥିବା ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି ଯେ, ଏତେ ମୋଟା ସାପ ଏତେ ଉଚ୍ଚରେ କିପରି ପହଞ୍ଚିଲା?
ଏହି ଭିଡିଓକୁ ସ୍ନେହା ନାମକ ଜଣେ ଉପଭୋକ୍ତା X (ଟ୍ୱିଟର) ରେ ସେୟାର କରିଛନ୍ତି। ୱିଣ୍ଡୋ ଗ୍ରିଲରେ ଫସିଯାଇଥିବା ଏହି ଅଜଗରକୁ ସୁରକ୍ଷିତ ଭାବରେ ଉଦ୍ଧାର କରିବା ପାଇଁ ଉଦ୍ଧାରକାରୀ ଦଳ ଦ୍ୱାରା ଏକ ସାହସିକ ଉଦ୍ୟମ କରାଯାଉଛି। ଗୋଟିଏ ପାଟି ଧରିଥିବା ବେଳେ ଅନ୍ୟଟି ଲାଞ୍ଜ ଧରିଛନ୍ତି। ଭିଡିଓର କ୍ୟାପସନରେ ସ୍ନେହା ଲେଖିଛନ୍ତି, ‘ଥାନେର ଏକ କୋଠାରେ ଏକ ବଡ ସାପ ଦେଖାଯାଇଥିଲା, ଏହାକୁ ଦୁଇଜଣ ସାହସୀ ବ୍ୟକ୍ତି ଉଦ୍ଧାର କରିଥିଲେ।’
ଏହି ପୋଷ୍ଟକୁ ୩ ଲକ୍ଷରୁ ଅଧିକ ଥର ଦେଖାଯାଇଛି। ସାପର ବିରାଟ ଆକାର ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ପ୍ରକଟ କରିଥିଲେ, ଲୋକଙ୍କ ପ୍ରଶ୍ନ ଥିଲା ଯେ, ଏହି ସାପ ଆପାର୍ଟମେଣ୍ଟର ଝରକାରେ କିପରି ଝୁଲିଛି? ଅନ୍ୟ ଜଣେ କହିଛନ୍ତି, “ସେମାନେ କେବଳ ସାପକୁ ବଞ୍ଚାଇ ନାହାଁନ୍ତି, ସମଗ୍ର ଥାନେକୁ ରକ୍ଷା କରିଛନ୍ତି। ଜଣେ ତୃତୀୟ ଉପଭୋକ୍ତା ଏହାକୁ ସବୁଠୁ ଭୟଙ୍କର ଭିଡିଓ ବୋଲି କହିଛନ୍ତି।
A huge snake was spotted at a Thane Building, it was rescued by two brave persons, rescue video. 👇. #thane #mumbai https://t.co/W9DP61fxHk pic.twitter.com/1Ep77iamVx
— NANDIRAJU ANNAPURNA (@NANDIRAJUA22961) September 26, 2023
