ଏହି ଦିନ ହେବ ଭଗବାନ ରାମଚନ୍ଦ୍ରଙ୍କ ଜଳାଭିଷେକ୍ , ଚୀନ-ପାକିସ୍ତାନ ସମେତ ୧୫୬ଟି ଦେଶରୁ ଆସିଛି ଜଳ
ନୂଆଦିଲ୍ଲୀ : ଅଯୋଧ୍ୟାରେ ପ୍ରଭୁ ରାମଙ୍କ ମନ୍ଦିର ନିର୍ମାଣ କାର୍ୟ୍ୟ ଜୋରସୋରରେ ଚାଲିଛି। ଅନୁମାନ କରାଯାଉଛି ଯେ ମନ୍ଦିରର ନିର୍ମାଣ ଏକ ବର୍ଷ ପୂର୍ବରୁ ଶେଷ ହେବ। ଯାହା ପରେ ରାମଲାଲାଙ୍କ ଜନ୍ମସ୍ଥାନର ଜଳାଭିଷେକ୍ ମଧ୍ୟ ଅନୁଷ୍ଠିତ ହେବ ।
ଏହି ଜଳାଭିଷେକ ପାଇଁ କେବଳ ଭାରତର ପବିତ୍ର ନଦୀରୁ ନୁହେଁ, ୧୫୬ ଟି ଦେଶର ନଦୀ ଓ ସମୁଦ୍ର ଜଳରୁ ମଧ୍ୟ ଜଳ ସଂଗ୍ରହ କରାଯିବ । ପ୍ରାୟ ୧୫୬ ଟି ଦେଶରୁ ଜଳ ଆଣିବାର କାର୍ୟ୍ୟକ୍ରମ ରହିଛି ବୋଲି ସୂଚନା ମିଳିଛି । ଏହି କାର୍ଯ୍ୟକ୍ରମ୍ୟ ଆଜର ନୁହେଁ, ବରଂ ୩ ବର୍ଷ ପୂର୍ବେ ଅର୍ଥାତ୍ ୨୦୨୦ ବର୍ଷରେ ଆରମ୍ଭ ହୋଇଥିଲା । ଏହାର ଦାୟିତ୍ୱ ଦିଲ୍ଲୀର ପୂର୍ବତନ ବିଜେପି ବିଧାୟକ ବିଜୟ ଜଲି ଉପରେ ନ୍ୟସ୍ତ ଥିଲା । ବର୍ତ୍ତମାନ ବିଶ୍ୱର୧୫୬ ଟି ଦେଶର ଜଳ ଏକାଠି ହୋଇସାରିଛି, ଖାଲି ଜଳାଭିଷେକ୍ କାର୍ଯ୍ୟ ବାକିୁ ରହିଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ସିଏମ୍ ଯୋଗୀ ଆଦିତ୍ୟନାଥ ୨୩ ଏପ୍ରିଲରେ ମଣିରାମ ଦାସ କ୍ୟାଣ୍ଟନମେଣ୍ଟ ଅଡିଟୋରିୟମରେ ‘ଜଳାଭିଷେକ’ ପୂଜା କରିବେ ବୋଲି ଜଣାପଡିଛି ।
ଏହି ‘ଜଳାଭିଷେକ’ କେବଳ ପାକିସ୍ତାନ ଏବଂ ଋଷ ନୁହେଁ, ଫ୍ରାନ୍ସ, ଜର୍ମାନୀ, ଜର୍ଜିଆ, ସ୍ୱିଜରଲ୍ୟାଣ୍ଡ, ଇଟାଲୀ, ଇରାକ, କାନାଡା, ଚୀନ୍, ଭୂଟାନ, ଆଫଗାନିସ୍ତାନ, ବ୍ରାଜିଲ, ଡେନମାର୍କ ମଧ୍ୟ ସମୁଦାୟ ୧୫୬ ଦେଶ ଜାଲାବିଶେକର ଏହି କାର୍ୟ୍ୟକ୍ରମରେ ଜଳ ଅନ୍ତର୍ଭୁକ୍ତ ରହିଛି । ଏହି କାର୍ୟ୍ୟକ୍ରମରେ କେବଳ ଦେଶ ନୁହେଁ, ବିଦେଶରୁ କୂଟନୀତିଜ୍ଞ, ଧାର୍ମିକ ଏବଂ ଆଧ୍ୟାତ୍ମିକ ନେତାଙ୍କ ସହ ମାନ୍ୟଗଣ୍ୟ ବ୍ୟକ୍ତିଙ୍କୁ ଆମନ୍ତ୍ରଣ କରାଯିବା ପାଇଁ ପ୍ରସ୍ତୁତ ଚାଲିଛି ।
