ଜଗତସିଂହପୁରରେ ବାଣ ବିସ୍ଫୋରଣ: ଉଡ଼ିଗଲା ଛାତ, ୨ ମୃତ, ୨ ଗୁରୁତର
ଜଗତସିଂହପୁର: ଜଗତସିଂହପୁର ସଦର ଥାନା ବଡ଼ବାଙ୍କ ଗାଁରେ ବାଣ ଭିଡ଼ୁଥିବା ବେଳେ ଅଘଟଣ । ଘଟିଲା ବଡ଼ ଧରଣର ବାଣ ବିସ୍ଫୋରଣ । ବାଣ ବିସ୍ଫୋରଣରେ ଉଡ଼ିଗଲା ଛାତ।
ଘରର ଭଗ୍ନାଂଶ ତଳେ ୪ ଜଣ ଚାପି ହୋଇ ରହିଥିଲେ । ସେମାନଙ୍କ ମଧ୍ୟରୁ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଆଉ ୨ ଜଣ ଗୁରୁତର ହୋଇଥିବା ସୂଚନା ।
ବେଆଇନ ବାଣ ଭିଡ଼ୁଥିବା ବେଳେ ଘଟିଛି ଏପରି ଅଘଟଣ ଘଟିଥିବା କୁହାଯାଉଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ଉଦ୍ଧାରକାର୍ଯ୍ୟ କରିଥିଲେ ।
ବିଳମ୍ୱିତ ରାତି ଯାଏଁ ଉଦ୍ଧାରକାର୍ଯ୍ୟ ଜାରି ରହିଥିଲା । ଗୁରୁତର ହୋଇଥିବା ୨ ଜଣଙ୍କୁ କଟକ ବଡ଼ ମେଡିକାଲକୁ ପଠା ଯାଇଛି । ଖବର ମୁତାବକ ଗୁରୁତର ହୋଇଥିବା ୨ ଜଣ ସ୍ୱାମୀ-ସ୍ତ୍ରୀ ଅଟନ୍ତି ।
ମୃତ ୨ ଜଣ ଗୋଟିଏ ପରିବାରର ହୋଇଥିବା କୁହାଯାଉଛି ।