କନ୍ୟା ଏବଂ କୁମ୍ଭ ରାଶିର ବ୍ୟକ୍ତି ଆଜିର ଦିନରେ ସତର୍କ ରହିବା ଜରୁରୀ, ଆଜି ଚନ୍ଦ୍ରମା କରୁଛନ୍ତି ଗୋଚର

ଓଡ଼ିଶା ଭାସ୍କର: ଆଜି ତୂଳା ରାଶିରୁ ବିଛା ରାଶିରେ ଚନ୍ଦ୍ରମା ଗୋଚର ହେବ । ଚନ୍ଦ୍ରମା ଆଜି ବିଶାଖା ନକ୍ଷତ୍ରରୁ ଅନୁରାଧା ନକ୍ଷତ୍ରକୁ ସଂଚାର କରିବେ । ଏହି ଗୋଚର ଦ୍ୱାରା ଚନ୍ଦ୍ରମା ବୁଧଙ୍କ ସହିତ ୟୁତି ସମ୍ବନ୍ଧ ବନେଇବେ, ଯାହାଫଳରେ ଚନ୍ଦ୍ରମା ଏବଂ ଗୁୁରୁଙ୍କ ମଧ୍ୟରେ ଭଲ ଯୋଗ ବନିବ । ଏହି ସ୍ଥିତିରେ ବୃଷ. କର୍କଟ ଏବଂ ବିଛା ରାଶିର ବ୍ୟକ୍ତିଙ୍କ ପାଇଁ ଆଜିର ଦିନଟି ଭଲରେ କଟିବ । କିନ୍ତୁ କନ୍ୟା ରାଶିର ବ୍ୟକ୍ତିଙ୍କୁ ଆଜି ମାନସିକ ଚିନ୍ତା ଘାରିବା ଚାଲନ୍ତୁ ଜାଣିବା ୧୨ ରାଶିର ବ୍ୟକ୍ତିଙ୍କ ଦିନ ଆଜି କିପରି କଟିବ ।

ମେଷ: ଆଜିଦିନ ଆପଣମାନଙ୍କୁ ମିଶ୍ରିତ ଫଳ ଦେବ । ସବୁ ମହତ୍ୱପୂର୍ଣ୍ଣ କାମ ଦିନ ଆରମ୍ଭରେ କରିଦେବା ଭଲ ହେବ । ଦିନର ଦ୍ୱିତୀୟ ଭାଗରେ କାମ ବିଗିଡ଼ିବାର ସମ୍ଭାବନା ରହିଛି । ପ୍ରିୟଜନଙ୍କ ଘରକୁ ଯିବାର ଯୋଗ ରହିଛି । ଆପଣଙ୍କ ପ୍ରସିଦ୍ଧି ଏବଂ ପ୍ରତିଷ୍ଠାରେ ବୃଦ୍ଧି ଘଟିବ ।

ବୃଷ: କାର୍ଯ୍ୟ କ୍ଷେତ୍ର ଏବଂ ବ୍ୟବସାୟରେ ଶୁଭଫଳ ମିଳିବ । ଦିନର ଦ୍ୱିତୀୟ ଭାଗ ଆପଣଙ୍କ ପାଇଁ ଅନକୂଳ ରହିବ । ଶୁଭକାର୍ଯ୍ୟ ଉଦ୍ଦେଶ୍ୟରେ ଯାତ୍ରା କରିବେ । ପୁଣ୍ୟ କର୍ମ କରିବାର ସମ୍ଭାବନା ରହିଛି । ବୈବାହିକ ଜୀବନ ଶୁଖପ୍ରଦ ରହିବ ।

ମିଥୁନ: କାମରେ ଧ୍ୟାନ ଦିଅନ୍ତୁ । ହଠାତ୍ ସମସ୍ୟା ସିବା ଯୋଗୁ ଆପଣ ଚିନ୍ତିତ ରହିବେ । ଶତ୍ରୁଙ୍କ ଆଲୋଚନା ଉପରେ ଦୃଷ୍ଟି ନ ଦେବା ଦରକାର । ଆପଣଙ୍କ ସଫଳତାରେ ଅନେକ ଲୋକ ଜଳୁଛନ୍ତି । ବ୍ୟବସାୟ କରୁଥିବା ଲୋକଙ୍କ ମନରେ ନୂଆ ଉପାୟ ଆସିବ । ସୁସ୍ଥ ସ୍ୱାସ୍ଥ୍ୟ ପାଇଁ ସକରାତ୍ମକ ଚିନ୍ତାଧାରା ରଖନ୍ତୁ । ଜୀବନସାଥୀଙ୍କଠାରୁ ସହଯୋଗ ମିଳିବ ।

କର୍କଟ: ଆଜିର ଦିନରେ ଆପଣଙ୍କୁ ସୁଖ , ସମୃଦ୍ଧି ମିଳିବ । ଶିକ୍ଷା, ପ୍ରତିଯୋଗୀତାରେ ଭାଗ ନେବେ । ଅଧୁରା କାମ ଆଜି ପୂରା ହେବ । ଚାକିରି କରିଥିବା ଲୋକଙ୍କୁ ଆଜି ପ୍ରଶଂସା ସାଙ୍ଗକୁ ସମ୍ମାନ ମିଳିବ । ସନ୍ତାନଙ୍କଠଶରୁ ଖୁସି ଖବର ପ୍ରାପ୍ତି ହେବ ।

ସିଂହ: ନୂଆ କାମର ଦାୟିତ୍ୱ ମିଳିବ । ଦୂର ଯାତ୍ରା କରିବାକୁ ପଡ଼ିପାରେ । ମା’ଙ୍କଠାରୁ କିମ୍ବା ମହିଳାମାନଙ୍କୁ ସେମାନଙ୍କ ବାପଘରୁ ସୁଖ ସମ୍ବାଦ ମିଳିବ । ଚଟପଟା ଓ ରୁଚିତକର ଖାଦ୍ୟ ଖାଇପାରନ୍ତି ।

କନ୍ୟା: କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଆଜିର ଦିନରେ ନିଅନ୍ତୁ ନାହିଁ । ଧର୍ଯ୍ୟର ସହ କାର୍ଯ୍ୟ କରିବାକୁ ପଡ଼ିବ । ଭାବିନଚିନ୍ତି କାମ ନ କଲେ କ୍ଷତି ସହିବାକୁ ପଡ଼ିପାରେ । ଆଜି ଆପଣଙ୍କ କାମ ଭାଗ୍ୟ ଉପରେ ଛାଡ଼ି ଦିଅନ୍ତୁ ଅନ୍ୟତା ବଡ଼ ବିଭ୍ରାଟ ବେହାର ଆଶଙ୍କା ରହିଛି ।

ତୂଳା: ଆଜି ଆପଣଙ୍କ ଦିନ ସାମାନ୍ୟ ରୂପେ ଭଲ ରହିବ । କାର୍ଯ୍ୟରେ ସଫଳତା ମିଳିବ । ଶଶୁର ଘର ଆଡ଼ରୁ କୌଣସି ଜିନିଷ ପ୍ରାପ୍ତି ହେବାରେ ଯୋଗ ରହିଛି । ପନୋଶୀଙ୍କ ସହ ବାଦ ବିବାଦରେ ଫସନ୍ତୁ ନାହିଁ । ପିଲାମାନଙ୍କ ବ୍ୟବହାରରେ ଆଜି ସକାରାତ୍ମକ ପରିବର୍ତ୍ତନ ଆସିବ ।

ବିଛା: ଆଜିର ଦିନ ଆପଣମାନଙ୍କ ପାଇଁ ଅନୂକଳ ରହିବ । ଦିନର ପ୍ରଥମଭାଗ ଅପେକ୍ଷା ଦ୍ୱିତୀୟ ଭାଗ ଅଧିକ ଲାଭଦାୟକ ଆଣମାନଙ୍କ ପାଇଁ ହେବ । ଦୀର୍ଘଦିନ ଧରି ପରିବାରରେ ଲାଗି ରହିଥିବା ସମସ୍ୟାର ସମାଧାନ ହୋଇଯିବ । ବେପାର କରୁଥିବା ଲୋକଙ୍କୁ ଆଜି ଲାଭ ମିଳିବ ।

ଧନୁ: ଆଜି ଆପଣ କଷ୍ଟକର କାର୍ଯ୍ୟଠାରୁ ଦୂରରେ ରୁହନ୍ତୁ । ବାଣୀରେ ସଞ୍ଜମତା ରଖନ୍ତୁ । ଚାକିରି ବଦଳେଇବାର ଚିନ୍ତା ମନକୁ ଆସିପାରେ । ବ୍ୟବସାୟରୁ ସାମାନ୍ୟ ରୋଜଗାର ହେବ ।

ମକର: କାର୍ଯ୍ୟକ୍ଷେତ୍ରରେ ନୂଆ ଦାୟିତ୍ୱ ମିଳିବ । ଧନ ଖର୍ଚ୍ଚ ହେବାର ଯୋଗ ରହିଛି । ପୁରୁଣା କଥାକୁ ନେଇ ବୈବାହିକ ଜୀବନ ପ୍ରଭାବିତ ହେବାର ଆଶଙ୍କା ରହିଛି । ଘରକୁ ଅତିଥି ଆସିବେ । ପୈତୃକ ସମ୍ପତ୍ତି ମାମଲାରେ ଆଣଙ୍କୁ ଆଜି ଫାଇଦା ମିଳିବ ।

କୁମ୍ଭ:ସ୍ୱାସ୍ଥ୍ୟର ଯତ୍ନ ନିଅନ୍ତୁ । ରାଶିର ସ୍ୱାମୀ ଶନି ଆଜି ନକ୍ଷତ୍ର ପରିବର୍ତ୍ତନ କରୁଛନ୍ତି । ପ୍ରତ୍ୟେକ କାର୍ଯ୍ୟ ଭାବିଚିନ୍ତି କରିବାକୁ ପଡ଼ିବ । ଆର୍ଥିକ ମାମଲାରେ ସମସ୍ୟା ଦେଖିବାକୁ ପଡ଼ିବ । ଖାଦ୍ୟପେୟରେ ଅଣାଦେଖା କରନ୍ତୁ ନାହିଁ ।

ମୀନ: ଆଜି ଆଣଙ୍କ ଭାଗ୍ୟ ଆପଣଙ୍କ ସାଥ୍ ଦେବ । ଶିକ୍ଷା ପ୍ରତିଯୋଗୀତାରେ ମଧ୍ୟ ସଫଳତା ମିଳିବ । ବ୍ୟବସାୟରେ ଲାଭଦାୟକ ଡିଲ୍ ମିଳିବ । ପୈତୃକ କାରବାରରେ ସହଯୋଗ ମିଳିବ । ସାଙ୍ଗ ଓ ପଡ଼ୋଶୀଙ୍କଠାରୁ ସହଯୋଗ ମିଳିବ ।