ବିଧାନସଭା ନିର୍ବାଚନ ପୂର୍ବରୁ ମାୟାବତୀ ଓ ବିଜେପିକୁ ଝଟକା, ସମାଜବାଦୀ ପାର୍ଟିରେ ସାମିଲ ହେଲେ ୭ ବିଧାୟକ
ନୂଆଦିଲ୍ଲୀ : ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ମାୟାବତୀଙ୍କ ନେତୃତ୍ୱାଧୀନ ବହୁଜନ ସମାଜ ପାର୍ଟି(ବିଏସପି)କୁ ଲାଗିଛି ଜୋରଦାର ଝଟକା । ଶନିବାର ବିଏସପିର ଛଅ ଜଣ ବିଧାୟକ ସମାଜବାଦୀ ପାର୍ଟି(ଏସପି)ରେ ସାମିଲ୍ ହୋଇଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ତଥା ସପା ମୁଖ୍ୟ ଅଖିଳେଶ ଯାଦବ ସମସ୍ତଙ୍କୁ ସଦସ୍ୟତା ଦେଇଛନ୍ତି । ଏହି ସବୁ ବିଧାୟକ ଦୀର୍ଘ ସମୟ ଧରି ଅଖିଳେଶଙ୍କ ସଂପର୍କରେ ଥିଲେ । ସେହି ପରି ଅନ୍ୟ ଜଣେ ବିଜେପି ବିଧାୟକ ମଧ୍ୟ ସପାରେ ସାମିଲ୍ ହୋଇଛନ୍ତି ।
ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ଏହା ବିଏସପି ପାଇଁ ଶକ୍ତ ଝଟକା । ଅପରପକ୍ଷେ ସପା ରାଜ୍ୟରେ ବିଜେପିର ମୁଖ୍ୟ ବିରୋଧୀ ଦଳ ଭାବେ ଆର୍ବିଭାବ ହୋଇଛି ଏବଂ ଲଗାତାର ମଜବୁତ ହେବାରେ ଲାଗିଛି । ବିଏସପି ଏବଂ ବିଜେପି ଛାଡିଥିବା ବିଧାୟକଙ୍କୁ ଅଖିଳେଶ ସପା କାର୍ଯ୍ୟାଳୟରେ ସ୍ୱାଗତ କରିଛନ୍ତି । ଏହି ଅବସରରେ ଅଖିଳେଶ କହିଛନ୍ତି, ଏମିତି ବହୁତ ଲୋକ ଅଛନ୍ତି, ଯେଉଁମାନେ ସପାରେ ସାମିଲ୍ ହେବାକୁ ଚାହୁଛନ୍ତି । ନିର୍ବାଚନ ବେଳକୁ ବିଜେପି ଭାଗତା ପରିବାର ହୋଇ ରହିଯିବ ବୋଲି ସେ କହିଛନ୍ତି । ଆସନ୍ତା ନିର୍ବାଚନରେ ବିଜେପି ମୂଳପୋଛ ହେବା ଥୟ ବୋଲି ଅଖିଳେଶ ଯାଦବ କହିଛନ୍ତି । ବିଜେପି ନିଜର ନିର୍ବାଚନୀ ପ୍ରତିଶ୍ରୁତି ଅନୁଯାୟୀ, ନା କୃଷକଙ୍କ ଆୟ ଦୁଇ ଗୁଣ କଲା ନା ସେମାନଙ୍କ ବିକାଶ ପାଇଁ କିଛି ପଦକ୍ଷେପ ନେଲା ।
Lucknow: Six suspended BSP MLAs — Hargovind Bhargav, Mujtaba Siddiqui, Hakim Lal Bind, Aslam Raini, Sushma Patel, and Aslam Chaudhary and BJP MLA from Sitapur Sadar Rakesh Rathore today joined Samajwadi Party in presence of party president Akhilesh Yadav. pic.twitter.com/CTcM52n0BW
— ANI UP (@ANINewsUP) October 30, 2021
ବିଜେପି ପ୍ରତି ଜନତାଙ୍କ ଆକ୍ରୋଶ ବଢିବାରେ ଲାଗିଛି । ମହଙ୍ଗାଇ ଅହେତୁକ ବଢିବାରେ ଲାଗିଛି । ଦେଶରେ ତୈଳଦରଠୁ ନେଇ ଅତ୍ୟାବଶ୍ୟକ ସାମଗ୍ରୀର ଦର ଆକାଶଛୁଆଁ ରହିଛି । ବିଜେପି କେବଳ ଘୋଷଣାପତ୍ରରେ ସୀମିତ ରହି ଯାଉଛି ବୋଲି ଅଖିଳେଶ କହିଛନ୍ତି ।
