ରେକର୍ଡ ଭାଙ୍ଗିଲା UPI Transactions! ଜୁଲାଇ ମାସରେ ଏତିକି ଲୋକ କରିଛନ୍ତି ଡିଜିଟାଲ ପେମେଣ୍ଟ
ନୂଆଦିଲ୍ଲୀ: ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ ଭାରତ ଏବେ ଡିଜିଟାଲ ହେବାରେ ଲାଗିଛି । ଧିରେ ଧିରେ କ୍ୟାସଲେସ ହେଉଛନ୍ତି ଦେଶର ସଚେତନ ନାଗରିକ । ଏହାରି ମଧ୍ୟରେ ଡିଜିଟାଲ ପେମେଣ୍ଟ ପ୍ଲାଟଫର୍ମ UPIରେ ମଧ୍ୟ ଏକ ବଡ ପରିବର୍ତ୍ତନ ଦେଖିବାକୁ ମିଳିଛି । ଗତ ଜୁଲାଇ ମାସରେ ଦେଶର ମୋଟ ଡିଜିଟାଲ ମାଧ୍ୟମରେ ୬ ଆରବ ଟ୍ରାଞ୍ଜାକ୍ସନ ହୋଇଥିବା ଜଣାଯାଇଛି । ଯାହା ଏକ ବିଶାଳ ରେକର୍ଡ ସୃଷ୍ଟି କରିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଏ ନେଇ ଟ୍ୱିଟ ଯୋଗେ ସୂଚନା ଦେଇଛନ୍ତି । ଜୁଲାଇ ମାସରେ ୟୁପିଆଇ ଟ୍ରାଞ୍ଜାକ୍ସନରେ ଦେଶ ରେକର୍ଡ ସୃଷ୍ଟି କରିଛି । ଦେଶରେ ଗତ ମାସରେ ମୋଟ ୬ ଆରବ ଟ୍ରାଞ୍ଜାକ୍ସନ ହୋଇଥିବା ସେ ପ୍ରକାଶ କରିଛନ୍ତି । ନୂଆ ଟେକ୍ନୋଲୋଜିକୁ ଆପଣାଇବା ତଥା ଅର୍ଥବ୍ୟବସ୍ଥାକୁ ସ୍ୱଚ୍ଛ କରିବା ପାଇଁ ଲୋକମାନଙ୍କ ସାମୂହିକ ସଂକଳ୍ପକୁ ସେ ଧନ୍ୟବାଦ ଜଣାଇଛନ୍ତି ।
This is an outstanding accomplishment. It indicates the collective resolve of the people of India to embrace new technologies and make the economy cleaner. Digital payments were particularly helpful during the COVID-19 pandemic. https://t.co/roR2h89LHv
— Narendra Modi (@narendramodi) August 2, 2022
୨୦୧୬ ପରେ ଏହି ଟ୍ରାଞ୍ଜାକ୍ସନ ସବୁଠୁ ଅଧିକ ବୋଲି ଜଣାଯାଇଛି । ଏ ନେଇ ନିର୍ମଳା ସୀତାରମଣ ଟ୍ୱିଟ କରିଥିଲେ । ଯାହାର ରିଟ୍ୱିଟ କରିଥିଲେ ପ୍ରଧାନମନ୍ତ୍ରୀ ମୋଦି । ଏହାକୁ ଏକ ବଡ ଉପଲବ୍ଧି ବୋଲି ସେ କହିଛନ୍ତି । ତେବେ କରୋନା ମହାମାରୀ ସମୟରେ ଏହି ଡିଜିଟାଲ ପ୍ଲାଟଫର୍ମ ବିଶେଷ ରୂପରେ ସହାୟକ ହୋଇଥିଲା ।
UPI records 6 billion transactions in July, highest ever since 2016 https://t.co/Gi9EAoUx8R
— Nirmala Sitharaman (@nsitharaman) August 2, 2022
ନେସନାଲ ପେମେଣ୍ଟସ କର୍ପୋରେସନ ଅଫ ଇଣ୍ଡିଆ(ଏନପିସିଆଇ)ର ଏକ ରେକର୍ଡ ଅନୁସାରେ ଜୁଲାଇରେ ଦେଶରେ ମୋଟ ୬.୨୮ ଆରବ ଟ୍ରାଞ୍ଜାକ୍ସନ ହୋଇଛି । ଏଥି ମଧ୍ୟରୁ ୧୦୬୨ ଟ୍ରିଲିୟନ ଟଙ୍କାର ନେଣଦେଣ କରାଯାଇଛି । ଏକ ମାସର ରେକର୍ଡ ଦେଖାଗଲେ ୟୁପିଆଇରେ ୭.୧୬% ବୃଦ୍ଧି ହୋଇଥିବା ବେଳେ ଭ୍ୟାଲୁ ଅନୁସାରେ ଏହି ଅଭିବୃଦ୍ଧି ୪.୭୬ ପ୍ରତିଶତ ହୋଇଛି ।
