ଶୋଇବାବେଳେ ଅଧିକ ଉଚ୍ଚ ତକିଆ ବ୍ୟବହାର କରୁଛନ୍ତି କି ? ହୋଇପାରେ ଏହି ସମସ୍ୟା
ଉଚ୍ଚା ତକିଆରେ ଶୋଉଛନ୍ତି କି? ଯଦି ହଁ, ତା’ହେଲେ ଆପଣ ଏ ବିଷୟରେ ଚିନ୍ତା କରିବା ସହ ଏହାର କ୍ଷତି ବିଷୟରେ ଜାଣିବା ଉଚିତ। ପ୍ରକୃତରେ ଯଦି ଆପଣ ନିଜର ତକିଆକୁ ଉପରକୁ ଉଠାଇ ଶୋଇବେ ତେବେ ଏହା ଆପଣଙ୍କ ଶରୀରରେ କ୍ଷତି ପହଞ୍ଚାଇ ପାରେ।
ମୁଖ୍ୟତଃ ଏହା ଆପଣଙ୍କ ହାଡ଼ ଉପରେ ପ୍ରଭାବ ପକାଇଥାଏ ଏବଂ ଶିରା ପ୍ରଶିରାରେ ଜଳାପୋଡ଼ା ମଧ୍ୟ ହୋଇଥାଏ। ଏହା ବ୍ୟତୀତ ସକାଳୁ ଉଠିବା ମାତ୍ରେ ଶରୀରରେ ଯନ୍ତ୍ରଣା ହେବା ସହ ଅନ୍ୟାନ୍ୟ ସମସ୍ୟା ଦେଖାଯାଇଥାଏ।
ଶରୀରର ମେରୁଦଣ୍ଡରେ ସ୍ଲିପ୍ ଡିସ୍କର ଯନ୍ତ୍ରଣା ଆପଣଙ୍କୁ ଉଚ୍ଚା ତକିଆରେ ଶୋଇବା ଅପେକ୍ଷା ଅଧିକ ବିରକ୍ତ କରିପାରେ। ପ୍ରକୃତରେ ସ୍ଲିପ୍ ଡିସ୍କ ହେଉଛି ଏକ ଛୋଟ ଫୋଲ୍ଡ ହୋଇଥିବା ଡିସ୍କ ଯାହା ହାଡକୁ ସପୋର୍ଟ କରିଥାଏ। କିନ୍ତୁ ଉଚ୍ଚା ତକିଆରେ ଶୋଇବା ସମୟରେ ଏହି ମାଂସପେଶୀଗୁଡ଼ିକ ଫୁଲି ଯାଇଥାଏ, ଯାହାଫଳରେ ଆପଣଙ୍କ ମେରୁଦଣ୍ଡ ଏବଂ ଶରୀରରେ ଯନ୍ତ୍ରଣା ହୋଇଥାଏ।
ଉଚ୍ଚା ତକିଆରେ ଶୋଇବା ଦ୍ୱାରା ସର୍ଭିକାଲ ସ୍ପଣ୍ଡିଲୋସିସ୍ ସମସ୍ୟା ଆହୁରି ବଢ଼ିଯାଏ। ଏହି ସମୟରେ ଗଳାରେ ପ୍ରବଳ ଯନ୍ତ୍ରଣା ଅନୁଭବ ହୋଇଥାଏ ଏବଂ ଏହା ଆପଣଙ୍କୁ ଦୀର୍ଘ ସମୟ ଯାଏ କଷ୍ଟ ଦେଇଥାଏ। ଏହାବ୍ୟତୀତ ଯେଉଁମାନଙ୍କର ଏହି ରୋଗ ନାହିଁ ସେମାନଙ୍କଠାରେ ଏହା ସମସ୍ୟା ସୃଷ୍ଟି କରିପାରେ।
ଉଚ୍ଚା ତକିଆରେ ଶୋଇବା ଦ୍ୱାରା ପିମ୍ପଲ୍ସ ସମସ୍ୟା ବଢ଼ିଯାଇଥାଏ। ପ୍ରକୃତରେ ଉଚ୍ଚ ତକିଆରେ ଶୋଇବା ଦ୍ୱାରା ତ୍ୱଚା ଖରାପ ହେବା ସହ ରକ୍ତ ସଞ୍ଚାଳନ ମଧ୍ୟ ପ୍ରଭାବିତ ହୋଇଥାଏ। ଏହାବ୍ୟତୀତ ଏହା ତ୍ୱଚାର ରୋମଛିଦ୍ରକୁ ମଧ୍ୟ କ୍ଷତି ପହଞ୍ଚାଇଥାଏ ଏବଂ ବ୍ରଣ ସମସ୍ୟା ସୃଷ୍ଟି କରିଥାଏ। ତେଣୁ ଉଚ୍ଚ ତକିଆରେ ଶୋଇବା ଠାରୁ ଦୂରେଇ ରୁହନ୍ତୁ।
ଏହି ଉପାୟରେ ଉଚ୍ଚ ତକିଆ ଉପରେ ଶୋଇବା ଦ୍ୱାରା ବେକରେ ଶକ୍ତପଣ ଆସିଥାଏ। ରାତିସାରା ଆପଣଙ୍କ ନିଦ ପ୍ରଭାବିତ ହୋଇପାରେ, କାନ୍ଧ ଓ ବେକ ମାଂସପେଶୀ ଉପରେ ଚାପ ପଡ଼ିପାରେ। ମୁଣ୍ଡ, ପିଠି ଓ ବେକରେ ଯନ୍ତ୍ରଣା ଅନୁଭବ ହୋଇଥାଏ।
