(Video): ପ୍ରଚାର କରିବାର ନୂଆ ରଣନୀତି; ସରକାରୀ ବସରେ ଯାତ୍ରା କଲେ ରାହୁଲ ଗାନ୍ଧୀ ଏବଂ ରେୱନ୍ତ ରେଡ୍ଡୀ
ନୂଆଦିଲ୍ଲୀ: ଲେକସଭା ନିର୍ବାଚନର ୩ୟ ପର୍ଯ୍ୟାୟ ମତଦାନ ଶେଷ ହୋଇଛି । ବର୍ତ୍ତମାନ ଚତୁର୍ଥ ପର୍ଯ୍ୟାୟ ପ୍ରଚାର କାର୍ଯ୍ୟ ପାଇଁ ବ୍ୟସ୍ତ ବିଭିନ୍ନ ରାଜନୈତିକ ଦଳର ପ୍ରମୁଖ । ଏଥିମଧ୍ୟରେ କଂଗ୍ରେସ ନେତା ରାହୁଲ ଗାନ୍ଧୀ ଗୁରୁବାର ତେଲେଙ୍ଗାନାର ଗ୍ରେଟର ହାଇଦ୍ରାବାଦରେ ଏକ ସାର୍ବଜନିକ ବୈଠକକୁ ସମ୍ବୋଧିତ କରିଥିଲେ । ଏହା ପରେ ରାହୁଲ RTC ବସରେ ଯାତ୍ରା କରିଥିଲେ ଏବଂ ଯାତ୍ରୀଙ୍କ ସହ କଥାବାର୍ତ୍ତା ହୋଇଥିଲେ । ତାଙ୍କ ସହ ତେଲେଙ୍ଗାନା ମୁଖ୍ୟମନ୍ତ୍ରୀ ରେୱନ୍ତ ରେଡ୍ଡୀ ମଧ୍ୟ ସାମିଲ ଥିଲେ । ବର୍ତ୍ତମାନ ରାହୁଲ ଏବଂ ରେୱନ୍ତ ବସରେ ଯାତ୍ରା କରୁଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏନେଇ ଏଏନଆଇ ‘ଏକ୍ସ’ରେ ଏକ ପୋଷ୍ଟ ଶେୟାର କରିଛି ।
ସୂଚନାରୁ ପ୍ରକାଶ ତେଲେଙ୍ଗାନାର ଗ୍ରେଟର ହାଇଦ୍ରାବାଦ ସ୍ଥିତ ମଲକାଜଗିରୀ ଲୋକସଭା ନିର୍ବାଚନ ମଣ୍ଡଳୀର ସରୁର ନଗରରେ ଏକ ସାର୍ବଜନିକ ବୈଠକକୁ ସମ୍ବୋଧିତ କରିଥିଲେ କଂଗ୍ରେସ ନେତା ରାହୁଲ ଗାନ୍ଧୀ । ଏହା ପରେ ସେ ତେଲେଙ୍ଗାନା ରାଜ୍ୟ ସଡ଼କ ପରିବହନ ନିଗମ(TSRTC) ବସରେ ଯାତ୍ରା କରିଥିଲେ । ଏହି ସମୟରେ ଯେ ଯାତ୍ରୀଙ୍କୁ ‘ପଞ୍ଚ ନ୍ୟାୟ’ ବ୍ରୋଚର ବିତରଣ କରିଥିଲେ ଏବଂ ରାଜ୍ୟରେ କଂଗ୍ରେସ ସରକାର ଦ୍ୱାରା ମାଗଣା ବସ ଯାତ୍ରା ଯୋଜନାର କାର୍ଯ୍ୟକାରିତା ସମ୍ପର୍କରେ ଲୋକଙ୍କ ଠାରୁ ସୂଚନା ନେଇଥିଲେ । ରାହୁଲ ଗାନ୍ଧୀ ଯାତ୍ରୀଙ୍କ ସହ କଥାବାର୍ତ୍ତା ସମୟରେ କଂଗ୍ରେସ ଦ୍ୱାରା ଜାତୀୟ ଘୋଷଣା ପତ୍ରରେ ମହିଳା, ଯୁବକ, କୃଷକ ଏବଂ ଶ୍ରମିକଙ୍କ ବିଭିନ୍ନ ବର୍ଗଙ୍କ ପାଇଁ ଦିଆଯାଇଥିବା ପ୍ରତିଶ୍ରୁତି ବିଷୟରେ ସୂଚନା ଦେଇଥିଲେ । ତେବେ ଯାତ୍ରୀମାନେ ବସରେ ରାହୁଲ ଗାନ୍ଧୀଙ୍କୁ ଦେଖି ଆଶ୍ଚର୍ଯ୍ୟ ହୋଇଥିଲେ । ଯାତ୍ରୀମାନେ ସେମାନଙ୍କ ସହ ସେଲ୍ଫି ମଧ୍ୟ ଉଠାଇଥିଲେ । କହିରଖୁଛୁ ତେଲେଙ୍ଗାନାରେ ମୋଟ୍ ୧୭ଟି ଲୋକସଭା ଆସନ ପାଇଁ ଆସନ୍ତା ମେ ୧୩ରେ ମତଦାନ ହେବ । କିଛି ମାସ ପୂର୍ବରୁ ବିଧାନସଭା ନିର୍ବାଚନରେ କଂଗ୍ରେସ ଉତ୍ତମ ପ୍ରଦର୍ଶନ ଆଧାରରେ ବିଜୟ ହାସଲ କରିଥିଲା । ତେଣୁ ଚଳିତ ଲୋକସଭା ନିର୍ବାଚନରେ ପୁଣି ଥରେ ସେହିଭଳି ପ୍ରଦର୍ଶନ ଜାରି ରହିବ ବୋଲି ଆଶା କରିଛି ଦଳ ।
#WATCH | Hyderabad, Telangana: Congress leader and party Lok Sabha candidate from Wayanad and Raebareli seat Rahul Gandhi and CM Revanth Reddy traveled in an RTC bus after the Jana Jathara Sabha. (09.05)
Polling on all 17 Lok Sabha seats of Telangana to take place on May 13. pic.twitter.com/eIrnaMNPjh
— ANI (@ANI) May 10, 2024
