(Video) ଦିନରେ କହିଲେ ଭଗବାନ ଜଗନ୍ନାଥ ପିଏମ ମୋଦୀଙ୍କ ଭକ୍ତ, ରାତି ଅଧରେ ଭୁଲ ମାଗିଲେ ସମ୍ବିତ ପାତ୍ର
ପୁରୀ: ଓଡ଼ିଶା ଲୋକସଭା ଆସନର ବିଜେପି ପ୍ରାର୍ଥୀ ସମ୍ବିତ ପାତ୍ର ମହାପ୍ରଭୁ ଜଗନ୍ନାଥଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଭକ୍ତ କହିଥିବାରୁ ଭୁଲ ମାଗିଛନ୍ତି । ସେ କହିଛନ୍ତି ଯେ, ଏହି ଭୁଲର ପ୍ରାୟଶ୍ଚିତ କରିବା ପାଇଁ ମୁଁ ୩ ଦିନ ଉପବାସ ରହିବି ।
ବିଜେପି ନେତା ସମ୍ବିତ ପାତ୍ର ଭୁଲ ମାଗିବାର ଭିଡିଓ ସୋସିଆଲ ମିଡିଆ ଏକ୍ସରେ ରାତି ୧ଟାରେ ସେୟାର କରିଛନ୍ତି । ସେ ଏଥିରେ ଲେଖିଛନ୍ତି ଯେ, ଆଜି ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ନେଇ ମୋ ପକ୍ଷେ ଭୁଲ ହୋଇଯାଇଛି, ଏହି ବିଷୟକୁ ନେଇ ମୁଁ ଦୁଃଖିତ । ମୁଁ ମହାପ୍ରଭୁ ଶ୍ରୀ ଜଗନ୍ନାଥଙ୍କ ପାଦ ତଳେ ମୁଣ୍ଡ ନୁଆଇଁ କ୍ଷମା ପ୍ରାର୍ଥନା କରିବାକୁ ଚାହୁଁଛି । ନିଜର ଏହି ଭୁଲକୁ ସୁଧାରିବା ପାଇଁ ଏବଂ ପ୍ରାୟଶ୍ଚିତ କରିବା ଲାଗି ମୁଁ ଆଗାମୀ ୩ ଦିନ ପର୍ଯ୍ୟନ୍ତ ଉପବାସ ରହିବି ।
ସେ କହିଛନ୍ତି, ମୋ ମୁହଁରୁ ଭୁଲରେ ଏହି କଥା ବାହାରିଯାଇଥିବାରୁ ମୋ ଦ୍ୱାରା ଭୁଲ ହୋଇଯାଇଛି । ଯେତେବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବିତ ପାତ୍ରଙ୍କର ଏହି ଭୁଲକୁ ନେଇ ବର୍ଷିଥିଲେ, ଏହା ପରେ ସମ୍ବିତ ପାତ୍ର କହିଥିଲେ ଯେ, ପୁରୀରେ ପ୍ରଧାନମନ୍ତ୍ରୀଙ୍କ ରୋଡ ସୋ ର ସଫଳତା ପରେ ମୁଁ ଅନେକ ମିଡିଆ ଚ୍ୟାନେଲକୁ ବିବୃତ୍ତି ଦେଇଥିଲି । ଏହି ସମୟରେ ମୁଁ ସବୁଠାରେ କହିଥିଲି ଯେ, ପ୍ରଧାନମନ୍ତ୍ରୀ ମୋଦୀ ଭଗବାନ ଜଗନ୍ନାଥଙ୍କର ଭକ୍ତ, ହେଲେ ମୁଁ ଗୋଟିଏ ସ୍ଥାନରେ ଓଲଟା କହିଦେଇଥିଲି । ଆପଣ ଜାଣିଥିବେ ବେଳେ ବେଳେ ପାଟିରୁ କଥା ଭୁଲରେ ବାହାରିଯାଏ, ସେଥିପାଇଁ ଏହାକୁ ଆପଣ ପ୍ରସଙ୍ଗ କରନ୍ତୁ ନାହିଁ ।
आज महाप्रभु श्री जगन्नाथ जी को लेकर मुझसे जो भूल हुई है, उस विषय को लेकर मेरा अंतर्मन अत्यंत पीड़ित है।
मैं महाप्रभु श्री जगन्नाथ जी के चरणों में शीश झुकाकर क्षमा याचना करता हूँ। अपने इस भूल सुधार और पश्चाताप के लिए अगले 3 दिन मैं उपवास पर रहूँगा।
जय जगन्नाथ। 🙏
ଆଜି ଶ୍ରୀ… pic.twitter.com/rKavOxMjIq
— Sambit Patra (Modi Ka Parivar) (@sambitswaraj) May 20, 2024
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି ଯେ, ମହାପ୍ରଭୁ ଶ୍ରୀ ଜଗନ୍ନାଥ ବ୍ରହ୍ମାଣ୍ଡର ଭଗବାନ ଅଟନ୍ତି । ମହାପ୍ରଭୁଙ୍କୁ କୌଣସି ମଣିଷଙ୍କର ଭକ୍ତ ବୋଲି କହିବା ଭଗବାନଙ୍କର ଅପମାନ । ଏଥିରେ କୋଟି କୋଟି ଜଗନ୍ନାଥଙ୍କ ଭକ୍ତ ଏବଂ ଓଡ଼ିଶା ଲୋକଙ୍କ ଭକ୍ତିକୁ ଆଘାତ ପହଞ୍ଚିଛି । ଭଗବାନ ଆମ ଅସ୍ତିତ୍ୱର ସବୁଠାରୁ ମହାନ ପ୍ରତୀକ । ରାଜ୍ୟବାସୀ ଏହାକୁ ମନେରଖିବେ ଏବଂ ଆମେ ଏହାର ନିନ୍ଦା କରୁଛୁ ।
Mahaprabhu Shree Jagannatha is the Lord of Universe.
Calling Mahaprabhu a bhakt of another human being is an insult to the Lord. This has hurt the sentiments and demeaned the faith of crores of Jagannatha bhaktas and Odias across the world.
The Lord is the greatest Symbol of…
— Naveen Patnaik (@Naveen_Odisha) May 20, 2024