ଦିନସାରା ଶକ୍ତିଶାଳୀ ଓ ଅଧିକ ସମୟ ପର୍ଯ୍ୟନ୍ତ ସୁସ୍ଥ ରହିବାକୁ ଚାହୁଁଛନ୍ତି କି ? ତେବେ ସକାଳେ ଖାଆନ୍ତୁ ଏହି ଜିନିଷ
Advertisement
ହେଲଥ୍ ଏକ୍ସପର୍ଟ ବିଶ୍ୱାସ କରନ୍ତି ଯେ ଦିନର ପ୍ରଥମ ଖାଇବା ସର୍ବଦା ହେଲଦି ରହିବା ଉଚିତ୍ । ସେଥିପାଇଁ ସକାଳେ ଉଠିବା ମାତ୍ରେ ଆପଣ ପ୍ରଥମେ ଏପରି ଜିନିଷ ଖାଇବା ଉଚିତ୍ ଯାହା ଆପଣଙ୍କୁ ଦିନସାରା ଶକ୍ତିଶାଳୀ ଅନୁଭବ କରିବ ଏବଂ ଅଧିକ ସମୟ ପର୍ଯ୍ୟନ୍ତ ସୁସ୍ଥ ରହିବ । ଏହି ଖାଦ୍ୟ ପୁଷ୍ଟିକର ଖାଦ୍ୟରେ ଭରପୂର ରହିବା ସହ ପେଟକୁ ସଫା କରିବା ଉଚିତ୍ ।
ଯାହାଦ୍ୱାରା ଆପଣଙ୍କ ଦିନସାରା ଶକ୍ତିଶାଳୀ ଅନୁଭବ କରନ୍ତି । ତେବେ ଆୟୁର୍ବେଦରେ କୁହାଯାଏ ଯେ ଶୋଇକି ଉଠିବା ମାତ୍ରେ ମୁହଁ ନ ଧୋଇ ପାଣି ପିଇବାକୁ ଭଲ ହୋଇଥାଏ । ଏପରି ଅନେକ ଜିନିଷ ଅଛି ଯାହା ମୁହଁ ନ ଧୋଇ ଖାଇବା ଲାଭଦାୟକ ହୋଇଥାଏ ବୋଲି ବିବେଚନା କରାଯାଏ । ଆଜି ଆମେ ଆପଣଙ୍କୁ ଏପରି ୫ ଟି ଜିନିଷ ବିଷୟରେ ଜଣାଇବୁ ଯାହାକୁ ଆପଣ ଦାନ୍ତ ଘଷିବା ବିନା ଖାଇବା ପାରିବେ । ଆୟୁର୍ବେଦରେ କୁହାଯାଇଛି ଯେ ଏହା ହଜମ ପ୍ରକ୍ରିୟାରେ ଉନ୍ନତି ଆଣି ଶରୀରକୁ ଅନେକ ଲାଭ ପ୍ରଦାନ କରିଥାଏ ।
ମହୁ ଏବଂ ପାଣିର ଉପକାରିତା : ସକାଳୁ ପୁଷ୍ଟିକର ଖାଦ୍ୟ ଏବଂ ପାଣି ପିଇବା ସ୍ୱାସ୍ଥ୍ୟ ପାଇଁ ଭଲ ବିବେଚନା କରାଯାଏ । ଏଥିପାଇଁ ଦିନକୁ ମହୁ ଏବଂ ପାଣିରୁ ଆରମ୍ଭ କରନ୍ତୁ । ତେବେ ୧ ଚାମଚ ମହୁକୁ ପାଣିରେ ମିଶାଇ ପିଅନ୍ତୁ । ଏହା ଆପଣଙ୍କ ପେଟକୁ ସଫା କରିବ ଏବଂ ଆପଣଙ୍କର ଏନର୍ଜି ଲେବଲକୁ ଅଧିକ କରିବ । ଏପରି ମଧ୍ୟ କୁହାଯାଏ ଯେ ମହୁ ପାଣି ପିଇବା ଦ୍ୱାରା ଅନେକ ରୋଗର ଆଶଙ୍କା କମିଯାଏ ।
ଗୁଡ଼ ଏବଂ ପାଣିର ଉପକାରିତା : ଗୁଡ଼ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ଯଦି ଆପଣ ସକାଳେ ଖାଲି ପେଟରେ ଗୁଡ଼ ଖାଆନ୍ତି, ତେବେ ଏହା ଅନେକ ଲାଭ ଦେଇଥାଏ । ତେବେ ପ୍ରତିଦିନ ସକାଳେ ଗୁଡ଼ ସହିତ ଉଷୁମ ପାଣି ପିଅନ୍ତୁ । ଏହା ଦିନସାରା ଶରୀରକୁ ଏନର୍ଜି ଯୋଗାଇଥାଏ ଏବଂ ଏସିଡିଟିରୁ ମୁକ୍ତି ଦେବାରେ ସାହାଯ୍ୟ କରିଥାଏ । ଯେଉଁମାନଙ୍କର ବବାସିର ସମସ୍ୟା ରହିଛି, ସେମାନଙ୍କ ପାଇଁ ଗୁଡ଼ ଏବଂ ଉଷୁମ ପାଣି ପିଇବା ଅତ୍ୟନ୍ତ ଲାଭଦାୟକ ବୋଲି ପ୍ରମାଣିତ ହୋଇଥାଏ ।
ଖାଲି ପେଟରେ କିସମିସ୍ ଏବଂ ପାଣି ପିଅନ୍ତୁ : ଯଦି ସକାଳୁ ଉଠିବା ମାତ୍ରେ ଯଦି ଆପଣ କିସମିସ୍ ଖାଆନ୍ତି, ତେବେ ଶରୀରକୁ ଅତ୍ୟାବଶ୍ୟକ ପୋଷକ ତତ୍ତ୍ୱ ମିଳିଥାଏ । ଯଦି ଆପଣ ଏହା ସହିତ କିସମିସ୍ ପାଣି ପିଅନ୍ତି, ତେବେ ଏହାର ଲାଭ ଦ୍ୱିଗୁଣିତ ହୁଏ । ଏହା ଆପଣଙ୍କୁ ଏନର୍ଜି ଦେବ ଏବଂ ହଜମ ସମ୍ବନ୍ଧୀୟ ସମସ୍ୟା ଦୂର ହୋଇଯିବ । ଖାଲି ପେଟରେ ଭିଜାଇଥିବା କିସମିସ୍ ଏବଂ ଏହାର ପାଣି ପିଇବା ଦ୍ୱାରା ଶରୀରରେ ରକ୍ତ ଅଭାବ ମଧ୍ୟ ପୂରଣ ହେବ ।
ଭିଜାଇଥିବା ବାଦାମର ଖାଆନ୍ତୁ : କିଛି ଲୋକ ସକାଳୁ ଉଠିବା ପୂର୍ବରୁ ବାଦାମ ଖାଆନ୍ତି । ଭିଜାଇଥିବା ବାଦାମ ଖାଇବା ଦ୍ୱାରା ଆଖି ଭଲ ରହିଥାଏ ଏବଂ ହାର୍ଟ ହେଲଦି ରହିଥାଏ । ବାଦାମ ଖାଇବା ଦ୍ୱାରା ପ୍ରୋଟିନ୍, ଭିଟାମିନ୍ E, ଓମେଗା – ୩ ଫ୍ୟାଟି ଏସିଡ୍ ପରି ପୋଷକ ତତ୍ତ୍ୱ ମିଳିଥାଏ । ଖାଲି ପେଟରେ କୌଣସି ଡ୍ରାଏ ଫ୍ରୁଟ୍ସ ଖାଇବା ଅଧିକ ଲାଭଦାୟକ ହୋଇଥାଏ ।
ରସୁଣ ଖାଇବାର ଲାଭ : ସକାଳେ ୨ ଟି ରସୁଣ ଖାଇବା ଦ୍ୱାରା ଅନ୍ତନଳୀ ସଫା କରିବାରେ ସାହାଯ୍ୟ କରେ । ଏହା ସହିତ ପେଟ ଏବଂ ଶରୀର ସମ୍ବନ୍ଧୀୟ ଗମ୍ଭୀର ସମସ୍ୟା କମ୍ ହୋଇପାରେ । ବ୍ଲଡ ପ୍ରେସର ରୋଗୀମାନଙ୍କୁ ସକାଳେ ରସୁଣ ଖାଇବା ଦ୍ୱାରା ଅନେକ ଲାଭ ମିଳିଥାଏ । କ୍ୟାନ୍ସର ଭଳି ଗମ୍ଭୀର ରୋଗର ଆଶଙ୍କା ମଧ୍ୟ କମ୍ କରାଯାଇପାରେ । ସେଥିପାଇଁ ଆପଣ ପ୍ରତିଦିନ ସକାଳେ ମୁହଁ ନ ଧୋଇ ଏହି ୫ଟି ଜିନିଷ ଖାଇପାରିବେ ।