କାହିଁକି ନୋଟ କଡରେ ଥାଏ ଏହି ଛୋଟ ତେରଛା ଗାର? ଜାଣନ୍ତୁ କାରଣ
୧୦ ଟଙ୍କିଆରୁ ଆରମ୍ଭ କରି ୨୦୦୦ ଟଙ୍କା ପର୍ଯ୍ୟନ୍ତ ନୋଟ ତ ସମସ୍ତେ ଦେଖିଥିବେ । କିନ୍ତୁ ଏହି ନୋଟରେ ଏମିତି କିଛି ଜିନିଷ ଲୁଚି ରହିଛି, ଯାହା ହୁଏତ ଆପଣମାନେ କେବେ ଧ୍ୟାନ ଦେଇ ନଥିବେ । ବ୍ୟହାର କରିବା ସମୟରେ ଏମିତି କିଛି ଛୋଟ ଛୋଟ ଜିନିଷ ଆମେ ଆଖିରୁ ଖସି ଯାଇଥାଏ । ସେମିତି ଏକ ଜିନିଷ ହେଉଛି ନୋଟ କଡରେ ତିଆରି ହୋଇଥିବା ଏହି ତେରେଛା ଗାର । ଏହାକୁ ଦେଖି କେବେ ଚିନ୍ତା କରିଛନ୍ତି ଏହା କଣ ଆଉ ଏଠି ରହିବାର କାରଣ କଣ? ତେବେ ଆସନ୍ତୁ ଜାଣିବା ଆଜି ଏହି ଗାରର ପ୍ରକୃତ ରହସ୍ୟ ।
ସମସ୍ତ ନୋଟରେ ଏହି ଗାର ଭିନ୍ନ ହୋଇଥାଏ । ୨ ଟଙ୍କିଆ ନୋଟରେ କମ ଲାଇନ ତିବା ବେଳେ ୨୦୦୦ ଟଙ୍କିଆ ନୋଟରେ ଏହି ଗାର ଅଧିକ ଥାଏ । ନୋଟର ମୂଲ୍ୟ ଅନୁସାରେ ଏହି ଗାରର ଆକାର ସ୍ଥିର ହୋଇଥାଏ । ଏହି ଗାର ଗୁଡିକୁ ବ୍ଲିଡ ମାର୍କସ କୁହାଯାଏ । ଦୃଷ୍ଟିହୀନ ଲୋକମାନଙ୍କ ପାଇଁ ଏହି ଗାର ତିଆରି କରାଯାଇଛି । ଏହି ଗାର ଏମାନଭ୍କ ପାଇଁ ଖୁବ ସ୍ୱତନ୍ତ୍ର ହୋଇଥାଏ । ଦେକି ପାରୁ ନଥିବା ଲୋକମାନେ ଏହି ଗାର ସାହାଯ୍ୟରେ ନୋଟର ମୂଲ୍ୟ ଜାଣି ପାରିଥାନ୍ତି । ଯାହାଦ୍ୱାରା ତାଙ୍କୁ କେହି ଠକି ପାରିବେ ନାହିଁ ।
୧୦୦ ଟଙ୍କିଆ ନୋଟରେ ଉଭୟ ପାଶ୍ୱର୍ରେ ୪ଟି ଗାର ଦେଖିବାକୁ ମିଳିବ । ତେବେ ୨୦୦ ଟଙ୍କିଆ ନୋଟରେ ମଧ୍ୟ ୪ଟି ଗାର ଦେଖିବାକୁ ମିଳିଥାଏ, କିନ୍ତୁ ଏହା ସହିତ ୨ଟି ଶୂନ ମଧ୍ୟ ଲାଗିଥାଏ । ସେହିଭଳି ୫୦୦ ଟଭ୍କିଆ ନୋଟରେ ୫ଟି ଗାର ଏବଂ ୨୦୦୦ ଟଙ୍କିଆ ନୋଟରେ ୭ଟି ଗାର ଦେଖିବାକୁ ମିଳିବ । ଏହି ଗାର ଗୁଡିକ ହାତକୁ ଜଣାପଡିବ ଏବଂ ଏହାଦ୍ୱାରା ଦୃଷ୍ଟିହୀନ ଲୋକମାନେ ଏହାକୁ ଅନୁଭବ କରିବା ସହ ଚିହ୍ନିପାରିବେ ଏହା କେତେ ଟଙ୍କା ।
