ଧନତେରସରେ କାହିଁକି କିଣନ୍ତି ସୁନା ଓ ପିତ୍ତଳ ? ଜାଣନ୍ତୁ ଏହା ପଛର ପ୍ରକୃତ ମହତ୍ୱ ଏବଂ କାରଣ
ପ୍ରତିବର୍ଷ ଧନତେରସ କିମ୍ବା ଧନତ୍ରୟୋଦଶୀ ତିଥିରେ ସୁନା, ରୂପା, ପିତ୍ତଳ ଇତ୍ୟାଦିରେ ନିର୍ମିତ ମୂଲ୍ୟବାନ ଜିନିଷ କିଣିବାର ପରମ୍ପରା ରହିଛି | କାର୍ତ୍ତିକ ମାସ କୃଷ୍ଣ ପକ୍ଷ ତ୍ରୟୋଦଶୀ ତିଥିରେ ଧନତେରସ ପର୍ବ ପାଳନ କରାଯାଏ | ଯାହାକି ଚଳିତ ବର୍ଷ ୨୨ ଅକ୍ଟୋବର ଶନିବାର ଅର୍ଥାତ ଆଜି ପଡୁଛି | ଏହି ଦିନ ଦେବତାମାନଙ୍କର ବୈଦ୍ୟ ଧନ୍ଵନ୍ତରୀ , ମାତା ଲକ୍ଷ୍ମୀ ଏବଂ ଧନର ଦେବତା କୁବେରଙ୍କୁ ପୂଜାକରାଯାଇଥାଏ । ଏହି ଧନତେରସ ଦିନ ଘର, ଯାନ, ଅନ୍ୟାନ୍ୟ ସମ୍ପତ୍ତି, ଅଳଙ୍କାର ଇତ୍ୟାଦି କିଣିବା ଶୁଭ ବୋଲି ବିବେଚନା କରାଯାଏ | କୁହାଯାଏ ଯେ ଏହି ଦିନ ଧନ କିଣିଲେ ମା ଲକ୍ଷ୍ମୀ ପ୍ରସନ୍ନ ହୋଇଥାନ୍ତି ଏବଂ ତାଙ୍କ କୃପା ଦୃଷ୍ଟି ପକାଇଥାନ୍ତି | .କିନ୍ତୁ ଆପଣ ଜାଣନ୍ତି କି ବିଶେଷ କରି ଧନତେରସରେ କାହିଁକି ସୁନା କିମ୍ବା ପିତ୍ତଳ କିଣନ୍ତି? ବର୍ତ୍ତମାନ ଆସନ୍ତୁ ଜାଣିବା ଧନତେରାସରେ କାହିଁକି ସୁନା କିମ୍ବା ପିତ୍ତଳ ଜିନିଷ କିଣାଯାଇଥାଏ
ଧନତେରାସରେ କାହିଁକି ସୁନା ଓ ପିତ୍ତଳ କିଣନ୍ତି
ପୁରାଣଶାସ୍ତ୍ର ଅନୁଯାୟୀ, ସମୁଦ୍ର ମନ୍ଥନ ସମୟରେ ଭଗବାନ ଧନ୍ଵନ୍ତରୀ ଏକ ଅମୃତ କଳସ ଧରି ପ୍ରକଟ ହୋଇଥିଲେ | ସେହିପରି ମତ ଲକ୍ଷ୍ମୀ ମଧ୍ୟ ସମୁଦ୍ର ମନ୍ଥନରୁ ଆବିର୍ଭାବ ହୋଇଥିଲେ | ଏହି କାରଣରୁ ଭଗବାନ ଧନ୍ଵନ୍ତରୀ ମାତା ଲକ୍ଷ୍ମୀଙ୍କ ଭାଇ ବୋଲି ବିବେଚନା କରାଯାଏ । ସୁଖ , ସମୃଦ୍ଧି ଏବଂ ସ୍ୱାସ୍ଥ୍ୟ ପାଇଁ ଭଗବାନ ଧନ୍ଵନ୍ତରୀଙ୍କୁ ପୂଜା କରାଯଇଥାଏ | ତେବେ ସେ ପିତ୍ତଳ ବସ୍ତୁ ଏବଂ ହଳଦିଆ ରଙ୍ଗକୁ ଭଲ ପାଆନ୍ତି | ଏହି କାରଣରୁ ଧନତେରସ ଦିନ ସୁନା କିମ୍ବା ପିତ୍ତଳ କିଣିଲେ ଘରପାଇଁ ବହୁତ ଶୁଭ ହୋଇଥାଏ |
ଏତତ ବ୍ୟତୀତ ଧନତେରସ ଦିନ ସୁନା କିମ୍ବା ପିତ୍ତଳ କିଣିବା ଦ୍ୱାରା ପରିବାରରେ ସୁଖ ଏବଂ ସମୃଦ୍ଧି ବଢ଼ିଥାଏ | ଏଥିସହିତ ସ୍ୱାସ୍ଥ୍ୟ ମଧ୍ୟ ଭଲ ରହିଥାଏ | ଏହି ଧନତେରସ ଦିନ ଏକ ପିତ୍ତଳ ପାତ୍ରରେ ଭଗବାନ ଧନ୍ଵନ୍ତରୀଙ୍କୁ ଖାଦ୍ୟ ଅର୍ପଣ କରିବା ଦ୍ୱାରା ତାଙ୍କର କୃପା ଦୃଷ୍ଟି ସର୍ବଦା ପରିବାର ଉପରେ ରହିଥାଏ | ଯେଉଁ କାରଣରୁ ପରିବାରେ ସର୍ବଦା ସୁଖ ଶାନ୍ତି ଲାଗି ରହିଥାଏ |
