ଉତ୍କଳ ହସ୍ପିଟାଲରେ ବିଶ୍ୱ ହୃଦୟ ଦିବସ ପାଳିତ, ହୃଦୟ ସ୍ୱାସ୍ଥ୍ୟକୁ ପ୍ରୋତ୍ସାହିତ କରିବା ମୂଳ ଉଦ୍ଦେଶ୍ୟ
ଭୁବନେଶ୍ୱର: ନିଳାଦ୍ରି ବିହାର ସ୍ଥିତ ଉତ୍କଳ ହସ୍ପିଟାଲରେ ବିଶ୍ୱ ହୃଦୟ ଦିବସ ପାଳିତ ହୋଇଯାଇଛି l ଓଡ଼ିଶାରେ ହୃଦ୍ରୋଗ ବିଷୟରେ ସଚେତନତା ସୃଷ୍ଟି କରିବା ଏବଂ ହୃଦୟ ସ୍ୱାସ୍ଥ୍ୟକୁ ପ୍ରୋତ୍ସାହିତ କରିବା ପାଇଁ ଉତ୍କଳ ହସ୍ପିଟାଲ ଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ୫ କିଲୋମିଟର ଦୌଡ଼ , ୱାକଥନ ଓ ଯୁମ୍ବାଡାନ୍ସ କାର୍ଯ୍ୟକ୍ରମ ସାମିଲ ଥିଲା । ଏଥିରେ ସାଧାରଣ ବର୍ଗର ପାଖାପାଖି ୫୦୦ ଜନସାଧାରଣ ସ୍ୱାସ୍ଥ୍ୟ ସଚେତନତା ବିଷୟରେ ପ୍ରସାର କରିବା ପାଇଁ ସ୍ୱତ୍ୱପ୍ରବୁତ ଭାବରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ମୁଖ୍ୟ ଅତିଥି ଭାବେ ଡାଇରେକ୍ଟର ପବ୍ଲିକ ହେଲଥ୍, ନୀଳକଣ୍ଠ ମିଶ୍ର, ସମ୍ମାନନୀୟ ଅତିଥି ଭାବେ ଓଲିଉଡ଼ ନାୟିକା ପିଙ୍କି ପ୍ରଧାନ ଏବଂ ଉତ୍କଳ ହସ୍ପିଟାଲର ପରିଚାଳନା ନିର୍ଦ୍ଦେଶକ, ଡା ପ୍ରଜ୍ଞାନ ରଞ୍ଜନ ଘଡେ଼ଇ ପ୍ରମୁଖ ପତାକା ଦେଖାଇ ଦୌଡ଼ ଓ ୱାକଥନକୁ ଉଦ୍ଘାଟନ କରିଥିଲେ l
ଚଳିତ ବର୍ଷ ବିଶ୍ୱ ହୃଦୟ ଦିବସର ବିଷୟବସ୍ତୁ ଥିଲା “USE HEART FOR ACTION” । ଏହି ଅବସରରେ ଉତ୍କଳ ହସ୍ପିଟାଲର ପ୍ରମୁଖ୍ୟ ହୃଦରୋଗ ବିଶେଷଜ୍ଞମାନେ ଯଥା ଡା. ସନତ ସାହୁ, ଡା.ସୁଶାନ୍ତ ପ୍ରଧାନ, ଡା.ମାନଭଞ୍ଜନ ଜେନା, ଡା.ଚନ୍ଦ୍ରଭାନୁ ପରିଜା, ଡା.ବିନୟ ଭୂଷଣ ବିନାକର, ଡା.ନିମାଇଁ ଚରଣ ବେହେରା ପ୍ରମୁଖ ଯୋଗ ଦେଇଥିଲେ । ସେମାନେ କହିଥିଲେ ଯେ “ଭାରତରେ ହୃଦ୍ରୋଗର ଏକ ପ୍ରମୁଖ କାରଣ ହେଉଛି ସଚେତନତାର ଏବଂ ପ୍ରତିଷେଧକ ବ୍ୟବସ୍ଥାର ଅଭାବ l ଆମର ଲକ୍ଷ୍ୟ ହେଉଛି ଏକ ସୁସ୍ଥ ହୃଦୟ ପାଇଁ ଜ୍ଞାନ ଏବଂ ଉତ୍ସ ସହିତ ଆମ ସମ୍ପ୍ରଦାୟକୁ ସଶକ୍ତ କରିବା । ଆମେ ସମସ୍ତଙ୍କୁ ଉତ୍ତମ ହୃଦୟ ସ୍ୱାସ୍ଥ୍ୟ ଦିଗରେ ସକ୍ରିୟ ପଦକ୍ଷେପ ନେବାକୁ ଆମନ୍ତ୍ରଣ କରୁଛୁ l ଏକତ୍ର, ଆମେ ଏକ ହୃଦୟ-ସୁସ୍ଥ ସମ୍ପ୍ରଦାୟ ସୃଷ୍ଟି କରିପାରିବା |
ଉତ୍କଳ ହସ୍ପିଟାଲ ହେଉଛି ଏକ ଅଗ୍ରଣୀ ସ୍ୱାସ୍ଥ୍ୟ ସେବା ପ୍ରଦାନକାରୀ ପ୍ରତିଷ୍ଠାନ, ଜନସାଧାରଣଙ୍କୁ ଉଚ୍ଚମାନର ଚିକିତ୍ସା ସେବା ଯୋଗାଇବା ଏବଂ ସମାଜରେ ସୁସ୍ଥତା ପାଇଁ ଏହା ଉତ୍ସର୍ଗୀକୃତ | ଆମର ଅଭିଜ୍ଞ ବୃତ୍ତିଗତ ଦଳ ରୋଗୀ ଯତ୍ନ ଏବଂ ଶିକ୍ଷା ପାଇଁ ପ୍ରତିବଦ୍ଧ । ସୁସ୍ଥ ହୃଦୟ ପାଇଁ ଆମ ସହିତ ଯୋଗ ଦିଅନ୍ତୁ ଏବଂ ଏକ ସୁସ୍ଥ ହୃଦୟ ଆଡ଼କୁ ପ୍ରଥମ ପଦକ୍ଷେପ ନିଅନ୍ତୁ l
ଶେଷରେ ଶ୍ରେଷ୍ଠ ପ୍ରତିଯୋଗୀମାନଙ୍କୁ ଅତିଥି ଏବଂ ମାନ୍ୟଗଣମାନେ ପୁରସ୍କାର ପ୍ରଦାନ କରିଥଲେ l
