ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନଙ୍କୁ ଚାପୁଡ଼ା ମାରିଲେ ଯୁବକ
ନୂଆଦିଲ୍ଲୀ: ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କୁ ଚାପୁଡ଼ା ମାରିବା ଅଭିଯୋଗରେ ଦୁଇ ଜଣଙ୍କୁ ଗିରଫ କରାଯାଇଛି। ସୂଚନା ଅନୁଯାୟୀ, ଦକ୍ଷିଣ ପୂର୍ବ ଫ୍ରାନ୍ସର ଡ୍ରୋମ ଅଞ୍ଚଳର ଲୋକଙ୍କ ସହ ପଦଯାତ୍ରା ସମୟରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିଥିଲେ।
ଏହି ଘଟଣା ସେତେବେଳେ ଘଟିଥିଲା ଯେତେବେଳେ ମାକ୍ରୋନ୍ ଦକ୍ଷିଣ-ପୂର୍ବ ଫ୍ରାନ୍ସର ଡ୍ରୋମେ ଅଞ୍ଚଳ ପରିଦର୍ଶନ କରିବାକୁ ଯାଇଥିଲେ, ଯେଉଁଠାରେ ସେ ରେଷ୍ଟୁରାଣ୍ଟ ଏବଂ ଛାତ୍ରମାନଙ୍କୁ ଭେଟିଥିଲେ ଏବଂ କୋଭିଡ ମହାମାରୀ ପରେ ଜୀବନ କିପରି ସ୍ୱାଭାବିକ ଅବସ୍ଥାକୁ ଆସିଥିଲା ସେ ବିଷୟରେ କଥାବାର୍ତ୍ତା ହେଉଥିଲେ ।
ଏହି ଘଟଣାର ଏକ ଭିଡିଓ କ୍ଲିପ୍ ଟ୍ୱିଟରରେ ଭାଇରାଲ ହେଉଛି। ଭିଡିଓରେ ଦେଖାଯାଉଛି ଯେ ମାକ୍ରୋନ୍ ଲୋକଙ୍କ ସହ ହାତମିଳାଉଥିବାବେଳେ ସବୁଜ ଟି-ସାର୍ଟ, ଚଷମା ଏବଂ ମାସ୍କ ପିନ୍ଧିଥିବା ଜଣେ ବ୍ୟକ୍ତି ‘ଡାଉନ୍ ୱିଥ୍ ମାକ୍ରୋନିଆ’ ଚିତ୍କାର କରି ଚାପୁଡ଼ା ମାରିଥିଲେ। ମାକ୍ରୋନ୍ ସୁରକ୍ଷା ଦାୟିତ୍ୱରେ ଥିବା ସୁରକ୍ଷା କର୍ମୀ ତୁରନ୍ତ ଏହି ବ୍ୟକ୍ତିଙ୍କୁ ଧରିନେଇଥିଲେ ଏବଂ ମାକ୍ରୋନଙ୍କୁ ସେଠାରୁ ନେଇଯାଇଥିଲେ ।
ଏହି ଘଟଣାକୁ ନେଇ ଫ୍ରାନ୍ସର ପ୍ରଧାନମନ୍ତ୍ରୀ ଜିନ୍ କାଷ୍ଟେକ୍ସ କହିଛନ୍ତି ଯେ ଏହା ଗଣତନ୍ତ୍ର ପ୍ରତି ଅପମାନ। ମାକ୍ରୋନଙ୍କୁ ଚାପୁଡ଼ା ମାରିଥିବା ବ୍ୟକ୍ତିଙ୍କ ପରିଚୟ ମିଳିପାରି ନାହିଁ। ସେ ମାକ୍ରୋନଙ୍କୁ କାହିଁକି ଚାପୁଡ଼ା ମାରିଲେ ସେ ବିଷୟରେ କୌଣସି ସୂଚନା ମିଳିନାହିଁ।
