ଏହିସବୁ କାରଣ ପାଇଁ ହୋଇପାରେ ଆପଣଙ୍କ ମୃତ୍ୟୁ, ପ୍ରତି ୨ ସେକେଣ୍ଡରେ ଯାଉଛି ଜଣଙ୍କର ଜୀବନ
ସମୟ ସହ ବଦଳିଛି ମଣିଷର ଜୀବନଶୈଳୀ । ବ୍ୟସ୍ତବହୁଳତା ମଧ୍ୟରେ ନିଜକୁ ବ୍ୟସ୍ତ ରଖିଲେ ଖୁବ ଭଲ। କିନ୍ତୁ ଆପଣ ଯଦି ଅଳସୁଆମୀ କରନ୍ତି ତେବେ ଆପଣଙ୍କ ସ୍ୱାସ୍ଥ୍ୟ ପାଇଁ ଏହା ଭଲ ନା ଖରାପ, ଥରେ ଭାବି ଦେଖନ୍ତୁ। କଥାରେ ଅଛି ଅଳସୁଆ ଦୁଃଖ ପାଏ, ଏହା କିନ୍ତୁ ସତ। ନିକଟରେ WHO ମୃତ୍ୟୁ ସଂଖ୍ୟା ସମ୍ପର୍କରେ ଏକ ନୂତନ ରିପୋର୍ଟ ପ୍ରକାଶ କରିଛି, ଯେଉଁଥିରେ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି। ବଢୁଥିବା ମୃତ୍ୟୁର କାରଣ ଡବ୍ଲ୍ୟୁଏଚଓ ରିପୋର୍ଟରେ ଦର୍ଶାଯାଇଛି। ରିପୋର୍ଟ ଅନୁଯାୟୀ, ଅଳସ ଏବଂ ଖରାପ ଜୀବନଶୈଳୀ ମୃତ୍ୟୁର କାରଣ ଅଟେ।
WHO ଅନୁଯାୟୀ, ପ୍ରତିବର୍ଷ ବିଶ୍ୱର ୮ ଲକ୍ଷ ୩୦ ହଜାର ଲୋକେ ନିଜର ଅଳସୁଆମୀ ଲାଗି ପ୍ରାଣ ହରାଇଛନ୍ତି। ଯେଉଁମାନେ ସପ୍ତାହକୁ ୧୫୦ ମିନିଟ୍ ବ୍ୟାୟାମ କରନ୍ତି ନାହିଁ କିମ୍ବା ସପ୍ତାହକୁ ୭୫ ମିନିଟ୍ ପର୍ଯ୍ୟନ୍ତ ହେବି ୱାର୍କଆଉଟ କରନ୍ତି ନାହିଁ, ସେମାନଙ୍କୁ ଅଳସୁଆ ବୋଲି ବିବେଚନା କରାଯାଏ। ଏତେ କମ୍ ଶାରୀରିକ କାର୍ଯ୍ୟକଳାପ କରିବା ମୃତ୍ୟୁର କାରଣ ଅଟେ।
ସେହିପରି ବିଶ୍ୱ ସ୍ୱାସ୍ଥ୍ୟ ସଂଗଠନର ନୂତନ ରିପୋର୍ଟ ଅନୁଯାୟୀ, ଭାରତ ସମେତ ସାରା ବିଶ୍ୱରେ ହୃଦଘାତ, କର୍କଟ ଏବଂ ମଧୁମେହ ମୃତ୍ୟୁର ସବୁଠାରୁ ବଡ କାରଣ। ଖରାପ ଜୀବନଶୈଳୀ ହେତୁ ଏହି ସମସ୍ତ ରୋଗ ହୁଏ। ଅର୍ଥାତ୍ ଖରାପ ଜୀବନଶୈଳୀ ମୃତ୍ୟୁର କାରଣ ବୋଲି କୁହାଯାଇଛି। ରିପୋର୍ଟ ଅନୁଯାୟୀ, ଜୀବନଶୈଳୀ ଖରାପ ଯୋଗୁଁ ସାରା ବିଶ୍ୱରେ ମୃତ୍ୟୁହାର ୭୪ ପ୍ରତିଶତ ରହିଛି। ପ୍ରତି ୨ ସେକେଣ୍ଡରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟୁଛି।
ଭାରତରେ ଖରାପ ଲାଇଫ୍ ଷ୍ଟାଇଲ୍ ଯୋଗୁଁ ୬୬ ପ୍ରତିଶତ ଲୋକଙ୍କର ମୃତ୍ୟୁ ଘଟିଛି। ପ୍ରତିବର୍ଷ ଭାରତରେ ୬୦ ଲକ୍ଷ ୪୬ ହଜାର ୯୬୦ ଲୋକଙ୍କର ଖରାପ ଲାଇଫ୍ ଷ୍ଟାଇଲ୍ ପାଇଁ ପ୍ରାଣ ହରାଉଛନ୍ତି। ଭାରତରେ, ଏହିପରି ଭାବରେ ଜୀବନ ହରାଇଥିବା ମୋଟ ଲୋକଙ୍କ ମଧ୍ୟରୁ ୫୪ ପ୍ରତିଶତ ଲୋକଙ୍କର ବୟସ ୭୦ ବର୍ଷରୁ କମ୍।
