ଆପଣଙ୍କ ଗ୍ୟାସ୍ ଚୁଲା ଆପଣଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ! ଲୁକ୍କାୟିତ ବିପଦକୁ ନେଇ ଚିନ୍ତାବ୍ୟକ୍ତ କଲେ ବିଶେଷଜ୍ଞ
ନୂଆଦିଲ୍ଲୀ: ଟେକ୍ନୋଲୋଜିର ଅଗ୍ରଗତି ସହିତ ଗ୍ୟାସ ଚୁଲାରେ ଡିଜାଇନ ମଧ୍ୟ ବଦଳିଛି। ବିଶ୍ୱରେ ଅନେକ ଲୋକ ସାଧାରଣ ଚୁଲାଠୁ ଆଗକୁ ଯାଇ ଚୁମ୍ବକୀୟ ଚୁଲା ବ୍ୟବହାର କଲେଣି, ଯାହା ଦ୍ୱାରା ରୋଷେଇ ଖୁବ ଶୀଘ୍ର ହୋଇଯାଏ। ତଥାପି, ଭାରତ ଭଳି ଦେଶରେ ପାରମ୍ପରିକ ଗ୍ୟାସ କୁକଟପ୍ ଗୁଡିକ ଏବେ ମଧ୍ୟ ବ୍ୟବହୃତ ଏବଂ ଲୋକପ୍ରିୟ ଅଟେ, କାରଣ ଏଗୁଡିକ କିଣିବା ପାଇଁ ଶସ୍ତା। ତେବେ ଗ୍ୟାସ ଚୁଲିରୁ ଘର ଭିତରର ବାୟୁ ନିର୍ଗମନ ବିଷୟରେ ଏକ ଅଧ୍ୟୟନ ଅନେକଙ୍କ ଚିନ୍ତା ବଢ଼େଇ ଦେଇଛି। କାରଣ କାଲିଫର୍ନିଆ ଏୟାର ରିସୋର୍ସ ବୋର୍ଡ ପରି ଏଜେନ୍ସିଗୁଡିକ ରିପୋର୍ଟ କରିଛନ୍ତି ଯେ ଗ୍ୟାସ୍ ଚୁଲା ବନ୍ଦ ହୋଇଗଲେ ମଧ୍ୟ ଇନ୍ଧନ ଜାଳେଣିର ନାଇଟ୍ରୋଜେନ୍ ଡାଇଅକ୍ସାଇଡ୍ ପରି ବିପଜ୍ଜନକ ବାୟୁ ପ୍ରଦୂଷକ ମୁକ୍ତ କରିପାରିବ।
ବାୟୁ ପ୍ରଦୂଷଣର କ୍ଷତିକାରକ ପ୍ରଭାବ।
ବାୟୁ ପ୍ରଦୂଷଣ, ଏକ ପ୍ରମୁଖ ପରିବେଶ ତଥା ସ୍ୱାସ୍ଥ୍ୟ ବିପଦ ଭାବରେ ଜଣାଶୁଣା, ଆଜ୍ମା, ଫୁସଫୁସ କର୍କଟ, ଭେଣ୍ଟ୍ରିକୁଲାର ହାଇପର୍ଟ୍ରୋଫି, ଆଲଜାଇମର ଏବଂ ପାର୍କିନ୍ସନ୍ ରୋଗ, ମାନସିକ ଜଟିଳତା, ଅଟିଜିମ୍, ରେଟିନୋପାଥି, ଭ୍ରୁଣ ବୃଦ୍ଧି ଏବଂ ଜନ୍ମ ସମୟରେ ଓଜନ କମ୍ ଭଳି କେତେକ ବିପଜ୍ଜନକ ରୋଗ ଏବଂ ଅବସ୍ଥା ସୃଷ୍ଟି କରେ। ନାଇଟ୍ରୋଜେନ୍ ଡାଇଅକ୍ସାଇଡ୍ ମଧ୍ୟ କ୍ରନିକ ଅବଷ୍ଟ୍ରକ୍ଟିଭ୍ ଫୁସଫୁସ ରୋଗର ବିକାଶରେ ସହାୟକ ହୋଇଥାଏ, ଯାହା ସାଂଘାତିକ ହୋଇପାରେ।
ପିଲାମାନଙ୍କୁ ଅଧିକ ବିପଦ।
ଅନୁସନ୍ଧାନରୁ ଜଣାପଡିଛି ଯେ ଯଦି ପିଲାମାନେ ବାୟୁ ପ୍ରଦୂଷଣର ସମ୍ମୁଖୀନ ହୁଅନ୍ତି, ଯେପରି ଗ୍ୟାସ୍ ଚୁଲାରେ ଅଧିକ ସମୟ ବିସ୍ତାର ହୁଏ, ତେବେ ଏହା ଫୁସଫୁସର ବିକାଶ ଉପରେ ପ୍ରଭାବ ପକାଇପାରେ। ନୂତନ ଅଧ୍ୟୟନ ଅନୁଯାଇ ଅତ୍ୟଧିକ ପ୍ରଦୂଷିତ ଅଞ୍ଚଳରେ ବଢୁଥିବା ପିଲାମାନେ ଆଜ୍ମା ରୋଗରେ ଆକ୍ରାନ୍ତ ହେବାର ସମ୍ଭାବନା ଥାଏ। ଏହା ଅନୁମାନ କରାଯାଏ ଯେ ବାୟୁ ପ୍ରଦୂଷଣ ବ୍ରିଟେନରେ ପ୍ରତିବର୍ଷ ୩୬,୦୦୦ ପ୍ରାରମ୍ଭିକ ମୃତ୍ୟୁରେ ସହାୟକ ହୋଇଥାଏ। ଲାନସେଟ୍ ଅନୁଯାୟୀ, ୨୦୧୯ ରେ ଭାରତରେ ଅତି କମରେ ୨.୩ ନିୟୁତ ଅକାଳ ମୃତ୍ୟୁ ଘଟିଥିଲା ଯେଉଁଥିରୁ କେବଳ ବାୟୁ ପ୍ରଦୂଷଣ ହେତୁ ୧.୬ ନିୟୁତ ଲୋକ ମୃତ୍ୟୁବରଣ କରିଥିଲେ।
ଗ୍ୟାସ ଚୁଲା ପ୍ରଦୂଷଣକୁ କିପରି ହ୍ରାସ କରାଯିବ?
ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଯଦିଓ ଘର ଭିତରର ଗ୍ୟାସ୍ ଚୁଲା ପ୍ରଦୂଷଣକୁ ସମ୍ପୂର୍ଣ୍ଣ ବନ୍ଦ କରାଯାଇପାରିବ ନାହିଁ, ଏହାକୁ ହ୍ରାସ କରିବା ପାଇଁ କିଛି ପଦକ୍ଷେପ ନିଆଯାଇପାରେ। ଆସନ୍ତୁ ସେଗୁଡିକ ବିଷୟରେ ଜାଣିବା।
- ସଠିକ୍ ଭାବରେ ଘର ଭିତରର ବାୟୁ ନିର୍ଗମନ ହୋଇପାରୁଥିବା ସ୍ଥାନରେ ରାନ୍ଧିବା।
- ଯଦି ଆପଣଙ୍କ ଗଳା, ନାକ କିମ୍ବା ଆଖିରେ କୌଣସି ଚିଡିଚିଡା ପଣ ଅନୁଭବ କରନ୍ତି, ତେବେ ଝରକା ଖୋଲା ରଖନ୍ତୁ।
- ରୋଷେଇ କରୁଥିବା ରୁମରେ ଏକ ବାୟୁ ନିଷ୍କାସିତ ହେଉଥିବା ଫ୍ୟାନ୍ ରଖନ୍ତୁ।
- ସର୍ବଦା ଏକ ଭଲ ଗୁଣବତ୍ତା ଗ୍ୟାସ ଚୁଲା କିଣନ୍ତୁ।
- ପ୍ରତି ଛଅ ମାସରେ ନିୟମିତ ଭାବରେ ଗ୍ୟାସ୍ ଚୁଲା ସଫା କରନ୍ତୁ।
- ଭଜା ଏବଂ ବେକିଂ ପାଇଁ ଚୁଲିର ବ୍ୟବହାର ବୃଦ୍ଧି କରନ୍ତୁ।
