(Video) ଦିବ୍ୟାଙ୍ଗଙ୍କ ପାଇଁ ସାହା ପାଲଟିଛନ୍ତି ଯୁବକ: ମାଗଣାରେ ଦେଉଛନ୍ତି ପେଟପୁରା ଜଳଖିଆ

ଆଜିର ବ୍ୟସ୍ତ ବହୁଳ ଓ ସ୍ୱାର୍ଥପର ଦୁନିଆରେ ମଣିଷ ନିଜ କଥା ବ୍ୟତୀତ ଆଉ କାହା କଥା ବୁଝିବାକୁ ସମୟ ନଥାଏ । କିନ୍ତୁ ଏଭଳି ସ୍ଥିତିରେ ଦିବ୍ୟାଙ୍ଗମାନଙ୍କ ପାଇଁ ସାହା ପାଲଟିଛନ୍ତି ଯୁବକ । ଅସହାୟ ଓ ଦିବ୍ୟାଙ୍ଗମାନଙ୍କ ପାଇଁ ମାଗଣା ଜଳଖିଆ ଦେଉଛନ୍ତି ଯୁବକ ଜଣକ । ନିଜର ଆତ୍ମସନ୍ତୋଷ ପାଇଁ ଯୁବକ ଜଣକ ଅସହାୟଙ୍କୁ ଏଭଳି ମାଗଣା ଖାଦ୍ୟ ଦେଉଛନ୍ତି । ନିଜର ରୋଜଗାର ପାଇଁ ଠେଲାରେ ଜଳଖିଆ ଦୋକାନ କରିଛନ୍ତି  । କିନ୍ତୁ ଦିବ୍ୟାଙ୍ଗ ଓ ଅସହାୟ ଲୋକଙ୍କ ପାଇଁ ଜଳଖିଆ ସମ୍ପୂର୍ଣ୍ଣ ମାଗଣା ଦେଉଛନ୍ତି । ଅସହାୟ ଓ ଦିବ୍ୟାଙ୍ଗ ଲୋକ ମାନଙ୍କ ନିକଟରେ ଟଙ୍କାଟିଏ ନଥିବା ବେଳେ, ଏଭଳି ବିନା ପଇସାରେ ଜଳଖିଆ ଖାଇ ନିଜେ ଆତ୍ମତୃପ୍ତି ଲାଭ କରିବା ସହ ଯୁବକଙ୍କ ମଙ୍ଗଳ କାମନା କରିଛନ୍ତି ଅନେକ ଲୋକ ।

ଭଦ୍ରକ ସହରାଞ୍ଚଳ ଅନ୍ତର୍ଗତ କୁଆଁସ ରେ ଏକ ଜଳଖିଆ ଦୋକାନ କରିଛନ୍ତି ଉକ୍ତ ଅଞ୍ଚଳର ଯୁବକ ମୋହିତ ରାଉଳ  । ନିଜର ରୋଜଗାର ଓ ପରିବାର ପ୍ରତିପୋଷଣ ନିମନ୍ତେ ଏହି ଜଳଖିଆ ଦୋକାନଟି ଖୋଲିଛନ୍ତି । କିନ୍ତୁ ଏହାରି ଭିତରେ କିଛି ଦିବ୍ୟାଙ୍ଗ ମାନଙ୍କ ପାଇଁ ମାନବିକତା ଦେଖାଇଛନ୍ତି ଯୁବକ । ଅନ୍ୟ ସାଧାରଣ ଲୋକଙ୍କ ନିମନ୍ତେ ଜଳଖିଆ ଦୋକାନ ରେ ବେପାର ହେଉଥିବା ବେଳେ, ଦିବ୍ୟାଙ୍ଗ ମାନଙ୍କ ପାଇଁ ଜଳଖିଆ ସମ୍ପୂର୍ଣ୍ଣ ମାଗଣା ଦେଉଛନ୍ତି ମୋହିତ  । ତେବେ ଆଜିର ସ୍ୱାର୍ଥପରତା ସମାଜରେ ଯୁବ ଦୋକାନୀ ଙ୍କର ଏଭଳି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି । ଦେଖନ୍ତୁ ଭିଡିଓ…